Jeremías 23:11 - Q'eqchi Bible

¹¹ “Eb' li propeet jo'wi' eb' laj tij yib'ru xna'leb'eb', ut xintaw ajwi' li xmaa'usilaleb' sa' li wochoch -chan li Qaawa'-.

Li Santil hu

¹¹ Eb li profeta ut eb laj tij incꞌaꞌ us xnaꞌlebeb. Eb aꞌan ma̱cꞌaꞌ nequeꞌraj re. Usta saꞌ lin templo nequeꞌxba̱nu li ma̱usilal, chan li Ka̱cuaꞌ.

Jeremías 23:11 ပူးပေါင်းရင်းမြစ်များ

Sofonías 3:4

Eb' li xpropeeteb' naxik xb'een neke'xye, aj b'alaq'eb' ut aj tik'ti'eb'. Eb' laj tij neke'xmux li loq'laj na'ajej ut neke'xsach xwankil li xchaq'rab' li Yos.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Ezequiel 23:39

Ut chiru ajwi' li kutan a'an, naq ke'xmayeja eb' li ralal xk'ajol chiruheb' li jalanil yos, ke'chalk ajwi' sa' linloq'laj ochoch ut ke'xsach xwankil. A'an a'in li ke'xb'aanu sa' linloq'laj ochoch.

Jeremías 32:34

toj reetal xe'xmux xsa' li ochoch nanimaak wi' link'ab'a' naq xe'xk'e aran eb' li tz'i'b'eetalil yos.

Ezequiel 8:16

Moqon chik kinxk'am toj chiru li neb'aal wank chisa' li rochoch li Qaawa', ut kink'e reetal naq, sa' xyanq li artal rik'in li neb'aal, wankeb' oob' xka'k'aal chi winq, neke'rixkin li rochoch li Yos ut yookeb' chi ilok sa' xjayal releb'l saq'e, wiq'wookeb' chi xloq'oninkil ru li saq'e.

Jeremías 11:15

“K'aru naxsik' sa' li wochoch li xsum waanm, naq naab'al li maa'usilal ak xb'aanu? Ma tatkole'q chiru li rahilal naq nakak'oxla rik'in xmayejankil li tib' ut li xxeeb'? Ma taak'ojlaaq laach'ool rik'in a'an, a Israel?”.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Jeremías 7:30

Jo'ka'in kixye li Qaawa': “Eb' laj Judá xe'xb'aanu li ink'a' nawulak chiwu: xe'xk'am li xtz'i'b'eetal aj yos sa' linsantil ochoch ut xe'xsach xwankil li na'ajej nanimaak wi' link'ab'a'.

2 Crónicas 36:14

Jo'kaneb' ajwi' chixjunileb' li xyuwa'ileb' laj tij ut eb' li poyanam: numtajenaq li maa'usilal ke'xb'aanu, jo' chanru k'aynaqeb' xb'aanunkil eb' li jalanil tenamit, ut ke'xmux li rochoch li Yos, li ak q'axtesinb'il chi xloq'oninkil ru li Qaawa' aran Jerusalén.

Ezequiel 8:11

Wankeb' ajwi' lajeeb' xkaak'aal chi cheekel winq aj Israel li yookeb' chi xloq'oninkil ru eb' li jalanil yos; li junjunq wank xxanxaar sa' ruq' ut najt nawulak xsununkil li k'ajpom. Sa' xyanqeb' a'an wank laj Jasanías, ralal laj Safán.

Ezequiel 7:20

Xe'q'etq'eto'k xb'aan li xchaq'alil ru eb' li xlemtz'il q'ol, ut rik'in a'an xe'xyiib'atq li xreemaaru aj yoseb'. Jo'kan naq tinkanab' cho'q mul chixjunil a'an.

Jeremías 23:15

Jo'kan naq laa'in li Nimajwal Yos ninye chirixeb' li propeet: Tink'e junaq tzekemq rayre chi xtzekaheb' ut tink'e reheb' li ha' b'anb'il ru re kamsink, xb'aan naq xnumtaak li xmaa'usilaleb' li propeet aj Jerusalén ut xpuka rib' yalaq b'ar”.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

2 Crónicas 33:7

Kixk'e ajwi' li xjalam u li yiib'anb'il yos sa' li loq'laj ochoch, li kixye wi' li Yos re laj David ut laj Salomón li ralal: “Sa' li wochoch a'in ut arin Jerusalén, li insik'om ru sa' xyanqeb' chixjunil li xteepal laj Israel, tink'ojob' link'ab'a' chi junajwa.

2 Crónicas 33:5

Kixyiib'atq x'artaleb' li xsaqenkil li choxa chiru xkab'ichal xneb'aalil li rochoch li Qaawa'.

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

Lamentaciones 2:20

Il, at Qaawa', ut k'e reetal: ani xarahob'tesi jun sutaq chi jo'ka'in? Eb' li na'b'ej okeb' re chi xtiwb'al li xk'uula'aleb'; eb' laj tij jo'wi' eb' li propeet kamkeb' re sa' laaloq'laj ochoch.

Esdras 10:18

Sa' xyanqeb' laj tij a'aneb' a'in li xk'ab'a' li sumsuukeb' rik'in jun li ixq aj ab'l tenamit. Sa' xyanqeb' li ralal laj Josué, ralal laj Josadak, ut sa' xyanqeb' li rech'alal: laj Mahasías, laj Elieser, laj Jarib ut laj Kodolías.

Ezequiel 44:10

Eb' laj Leví, li xe'tz'eqtaanank we naq eb' laj Israel xe'xq'et li waatin ut xe'ok chi xloq'oninkileb' li jalanil yos, tento te'xtoj rix li xmaakeb'.

Sofonías 3:3

Li xninqaleb' ru winq li wankeb' aran, chanchaneb' li kaqkoj chaajeb' re; eb' laj raqol aatin jo'keb' laj xojb' sa' li chaqich'och' li ink'a' neke'xkanab' xtib'eb' re wulaj.