Jeremías 23:1 - Q'eqchi Bible

¹ “Ra chaalel sa' xb'eeneb' li neke'kanab'ank chi sachk ut chi cha'cha'inb'ileb' linkarneer”, chan li Qaawa'.

Li Santil hu

¹ Raylal ta̱cha̱lk saꞌ xbe̱neb li nequeꞌcꞌamoc be saꞌ xya̱nkeb lin tenamit xban nak xeꞌxcanab chi jeqꞌui̱c ruheb lin tenamit ut xeꞌxcanab chi sachecꞌ ruheb.

Jeremías 23:1 ပူးပေါင်းရင်းမြစ်များ

Jeremías 10:21

Eb' laj k'aak'alehom re li tenamit a'in xe'jipo'k ut ink'a' xe'xsik' li Qaawa'. Jo'kan naq ink'a' us neke'elk sa' xk'anjeleb' ut chixjunileb' li ketomq xe'cha'cha'iik yalaq b'ar.

Ezequiel 13:3

Rahilal chaalel sa' xb'eeneb' li propeet li maak'a'eb' xna'leb', li neke'aatinak chi maak'a' xyaalal ut maak'a' neke'ril.

San Mateo 9:36

Naq kirileb' li k'iila tenamit, kixtoq'ob'a ruheb' xb'aan naq ch'i'ch'i'inb'ileb' ut cha'chookeb', jo'keb' li karneer maak'a' aj ilol reheb'.

Jeremías 22:22

Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.

Jeremías 12:10

Naab'aleb' laj k'aak'alenel ketomq xe'xsach li wawimq ut xe'xteni ru li weechanihom; joxk' aj chik xe'xkanab' linna'aj li jwal raaro inb'aan, chanchan chik li chaqich'och'.

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

San Juan 10:12

A'ut li yal tojb'il, li maawa' aj k'aak'alenel ut moko re ta eb' li karneer, naq nachalk laj xojb', naxkanab'eb' li karneer ut na'elelik, xb'aan naq yal tojb'il ut maak'a' naraj wi' eb' li karneer; jo'kan naq laj xojb' naxsaapuheb' ut naxcha'cha'iheb'.

San Juan 10:10

“Laj elq' ka'ajwi' elq'ak, kamsink ut sachok naraj naq nachalk. Laa'in xinchalk re naq te'wanq xyu'am ut taawanq chi numtajenaq.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Ezequiel 34:31

Laa'ex linkarneer; laa'ex li walal ink'ajol b'eresinb'ilex inb'aan ut laa'in leeYos”, chan li Qaawa'.

Ezequiel 34:21

Laa'ex xetiikisihatq li ink'a' neke'xkuy b'eek ut xetiq'eb' chiru leexukub', toj reetal xeraanilasiheb' chi najt.

Jeremías 2:26

“Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

San Juan 10:8

Chixjunileb' li xe'k'ulunk xb'enwa chiwu a'aneb' aj elq' ut aj kamsineleb'; ab'an ink'a' xe'ab'iik xb'aaneb' li karneer.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Ezequiel 36:38

Jo' xk'ihaleb' li karneer mayejanb'il chiwu sa'eb' li ninq'e aran Jerusalén, jo'kanaq naq te'k'ihanq eb' li poyanam sa' li po'lem. Ut aran taanawmanq naq laa'in li Qaawa'»”.

Ezequiel 34:1

Li Qaawa' ki'aatinak wik'in ut kixye we:

Zacarías 10:3

Xyehom li Qaawa': “K'ajo' injosq'il sa' xb'eeneb' laj k'aak'alehom re lintenamit: tinrahob'tesiheb' li q'etq'et aj k'amol b'e. Naq li Nimajwal Yos tolrula'ani eb' li xkarneer, a'eb' li ralal xk'ajol laj Judá, tixkawresiheb' chi us ut tixk'eheb' xkawilal: jo'aqeb' chik li kawaay jwal kaweb' rib' re yalok.