Jeremías 22:9 - Q'eqchi Bible

⁹ Ut te'sumeeq chi jo'ka'in: «Xb'aan naq xe'xsach xwankil li Sumwank li kixk'ojob' li Qaawa', li xYoseb', ut xe'ok chi xloq'oninkileb' li jalanil yos»”.

Li Santil hu

⁹ Ut teꞌchakꞌok li tenamit ut teꞌxye, “Quixsach ru xban nak queꞌxkꞌet li contrato li quixba̱nu li Dios riqꞌuineb, ut queꞌxlokꞌoni li yi̱banbil dios ut queꞌcꞌanjelac chiruheb,” chaꞌakeb.

Jeremías 22:9 ပူးပေါင်းရင်းမြစ်များ

2 Crónicas 34:25

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

2 Reyes 22:17

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Jeremías 50:7

Yalaq ani xk'uluk reheb', xt'upiheb', ut eb' li xik' neke'ilok reheb' xe'xye: «Moko maak ta naq te'qasach ruheb', xb'aan naq xe'maakob'k chiru li Qaawa', a'an tz'aqal li xmuheb'aaleb'; xe'maakob'k chiru li royb'enihomeb' li xna' xyuwa'eb'».

1 Reyes 9:8

Ut chixjunileb' li te'nume'q chiru li xchaq'alil ru ochoch a'in, naq po'lemaq aj chik, te'sachq xch'ool, te'se'eq ut te'xpatz'i rib' chirib'ileb' rib': «K'a'ut anchal naq li Qaawa' xb'aanu chi jo'kan re li tenamit ut li ochoch a'in?», cha'qeb'.

Jeremías 9:13

Kichaq'ok li Qaawa' ut kixye: “Xb'aan naq ke'xkanab' xpaab'ankil linChaq'rab' ink'ehom reheb'. Ink'a' ke'rab'i xyaab' linkux chi moko ke'xpaab',

Jeremías 11:3

Taaye reheb' sa' ink'ab'a' laa'in li Qaawa', li xYos laj Israel, naq majewanb'ilaq li ani ink'a' tixpaab' li raatinul li Sumwank a'in.

Jeremías 16:11

Toja' naq taaye reheb': «Xb'aan naq kine'xtz'eqtaana eb' leena' leeyuwa' -chan li Qaawa'- ut koheb' xch'ool chirixeb' li jalanil yos; ke'xloq'oni ruheb' ut ke'k'anjelak chiruheb'. Kine'xtz'eqtaana laa'in ut ink'a' ke'xpaab' linchaq'rab' ink'ehom reheb'.

Ezequiel 5:15

Tathob'e'q ut tatmajewaaq xb'aaneb' li tenamit sutsuukat wi'. Naq tinraqoq aatin sa' aab'een rik'in linjosq'il ut xninqal rahilal, chixjunileb' te'xtaw xyaalal -chan li Qaawa' Yos-.

Ezequiel 12:16

Ab'an wanqeb' teb'inkol chiru li raaxiik', li we'ej ut li yajel, re naq, sa'eb' li tenamit te'wulaq wi', toxe'xseeraq'i chixjunil li xjo'maajo'il b'aanuhomeb', ut te'xnaw naq laa'in li Qaawa'»”.

Ezequiel 14:23

Taak'ojlaaq leech'ool naq teenaw chanru li xna'leb'eb' ut teeril li xyehom ut xb'aanuhomeb'. Toja' naq teenaw naq moko maak'a' ta xyaalal naq xinrahob'tesi Jerusalén. Laa'in, li Qaawa', xinyehok re a'in”.

Ezequiel 39:23

Ut eb' li xninqal ru tenamit te'xnaw naq eb' laj Israel xe'k'ame'k chi preexil xb'aan naq xe'maakob'k; ut laa'in ink'a' chik xwaj rilb'aleb' ru xb'aan naq xe'xq'et lintaqlahom. Jo'kan naq xinq'axtesiheb' sa' ruq'eb' li xik' neke'ilok reheb', ut xe'kamsiik chixjunileb' chi q'esnal ch'iich'.

Deuteronomio 29:24

“Toja' naq chixjunileb' li poyanam te'patz'oq: «K'a'ut naq jo'kan kixb'aanu li Qaawa' rik'in li ch'och' a'an? K'a'ut naq kichalk li xnimal xjosq'il li Qaawa'?», cha'qeb'.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.