Jeremías 22:3 - Q'eqchi Bible

³ B'aanuhomaq li tiikilal ut li k'ulub'ej, kolomaqeb' li yookeb' chi rahob'tesiik, meemajewa chi moko cherahob'tesi laj ab'l tenamit, li neb'a'yox ut li xmalka'an. Meekamsi li maak'a'eb' xmaak, sa' li na'ajej a'in.

Li Santil hu

³ La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Jeremías 22:3 ပူးပေါင်းရင်းမြစ်များ

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Ezequiel 22:7

Eb' li poyanam li wankeb' aawik'in ink'a' neke'roxloq'i eb' li xna' xyuwa'eb', neke'xrahob'tesi eb' laj ab'l tenamit ut neke'xtawasi li neb'a'yox jo'wi' li xmalka'an.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Joel 3:19

Ejiipt taasache'q chi junajwa ut Edom nakirnak taakanaaq jo' li chaqich'och', xb'aan li rahilal ke'xb'aanu reheb' laj Judá, naq ke'xkamsi li maak'a'eb' xmaak sa' li xtenamiteb'.

Jeremías 9:24

Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Proverbios 23:10

Maajal xna'aj eb' li mayer nub'ajl, chi moko taamaq' xch'och'eb' li neb'a'yox,

Salmos 68:5

Chexb'ichanq sa' xk'ab'a' li Qaawa' ut chexwajb'aq chiru, chete li b'e chiru li nachalk sa' choql. A'an Qaawa' naxk'ab'a'in; sahoqex rik'in.

2 Reyes 24:4

ut xb'aan ajwi' naq kixkamsi naab'aleb' li maak'a'eb' xmaak, toj reetal kixnujob'resi Jerusalén chi kamenaq. Ut li Qaawa' ink'a' chik kixkuy a'an.

Deuteronomio 24:7

“Wi junaq winq taarelq'a li ras riitz'in rech aj Israelil ut tixk'e cho'q xmun malaj ut tixk'ayi, laj elq' a'an tento taakamq, re naq taasachq chi junajwa li ink'a' us sa' eeyanq.

Jeremías 26:16

Toja' naq eb' li xjolomil li tenamit ut chixjunileb' li poyanam ke'xye reheb' laj tij ut eb' li propeet: “Li winq a'in moko xk'ulub' ta kamsiik, xb'aan naq xooraatina sa' xk'ab'a' li Qaawa' li qaYos”, chankeb'.

Proverbios 6:17

li q'etq'etil, li tik'ti'ik, li kamsink poyanam maak'a'eb' xmaak,

Salmos 94:21

Neke'raj xkamsinkil li tiik xch'ool ut neke'xteneb' li kamk sa' xb'eeneb' li maak'a'eb' xmaak.

Salmos 94:6

Neke'xkamsi li xmalka'an ut laj ab'l tenamit; neke'xtoq xkux li neb'a'yox.

Li xHu LAJ JOB 24:9

Eb' laj maak neke'xmaq' li neb'a'yox li toj natu'uk, ut neke'xk'am chi najt cho'q ruuchil li k'as.

Li xHu LAJ JOB 22:9

xachaq'rab'iheb' li xmalka'an chi maak'a' wank reheb' ut xarahob'tesiheb' li neb'a'yox.

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

Deuteronomio 27:19

«Tz'eqtaananb'ilaq li ani tixq'et li xk'ulub' laj ab'l tenamit, li neb'a'yox ut li xmalka'an». Ut chixjunil li tenamit te'xye: «Jo'kan».

Deuteronomio 25:1

“Naq wanq raaxiik' sa' xyanqeb' wiib'aq winq, xikaqeb' sa' raqb'a aatin ut taaraqmanq aatin chirixeb': chi jo'kan taach'olaaq ru naq tiik xch'ool li ani tiik xch'ool ut taach'olaaq ajwi' naq wank xmaak li ani wank xmaak.

Deuteronomio 10:18

A'an na'ilok reheb' li maak'a'eb' xna' xyuwa' jo' ajwi' eb' li xmalka'an; naxra li jalaneb' xtenamit ut naxk'e xwa ruk'a'eb' jo'wi' li raq'eb'.

Levítico 19:15

“Tiikaq ru laach'ool, naq tatraqoq aatin: ma yal aatoq'ob'a ru li neb'a' chi moko taaxiwa ru li wank xwankil. Sa' xyaalal b'an tatraqoq aatin sa' xb'eeneb' chixjunileb'.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Éxodo 22:22

“Maarahob'tesi li xmalka'an chi moko li neb'a'yox.

San Mateo 23:23

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketoj li xlajeetqil li isk'i'ij, li anis ut li komino, ut xekanab' xpaab'ankil li q'axal nim xwankil sa' li Chaq'rab': a' li tiikilal, li uxtaanank ut li paab'aal! Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

Éxodo 22:21

“Maahob' li jalan xtenamit chi moko taarahob'tesi, xb'aan naq ab'lex ajwi' laa'ex naq kexwank chaq sa' li tenamit Ejiipt.

Isaías 58:6

Moko a'an ta li ayuun nawaj. “Li ayuun nawaj laa'in a'an a'in: rach'ab'ankileb' li wankeb' sa' tz'alam chi maak'a'eb' xmaak, xk'ixb'al li xk'aamal li rahob'tesiik, rach'ab'ankileb' li tawasinb'ileb' ut risinkil chixjunil li kawil taqlank.

Isaías 58:7

Chawotz laawa rik'in li natz'okaak, chak'e rochochnaal li neb'a' li maak'a' rochoch, chak'e xb'aatal li maak'a' raq' ut chatenq'a laawech neb'a'il.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Jeremías 19:4

Xb'aan naq xine'xtz'eqtaana eb' laj Israel ut xe'xsach xwankil li na'ajej a'in, naq xe'mayejak k'ajpom chiruheb' li jalanil yos, li ink'a' xnawom ruheb' a'an chi moko eb' li xmama' rixa'aneb', chi moko eb' li awab'ej re Judá. Ut naab'aleb' li maak'a'eb' xmaak xe'xkamsi arin.

Lamentaciones 3:36

Wi ink'a' naraqmank aatin sa' tiikilal, ma ink'a' tab'i' ra sa' xch'ool li Qaawa'?

Ezequiel 18:12

naxrahob'tesi li neb'a' ut li toq'ob'aal ru, narelq'a li ab'i e, ink'a' naxq'ajsi ruuchil li to', naxloq'oni ruheb' li jalanil yos ut naxb'aanu li ink'a' nawulak chiwu,

Ezequiel 45:9

“Laa'in, li Qaawa', ninye chi jo'ka'in: Tz'aqalaq li xeb'aanu, ex aj jolominel re Israel! Kanab'omaq li rahob'tesink ut li raaxiik'. B'aanuhomaq li tiikilal ut li us. Meemaq' chik xch'och'eb' lintenamit -chan li Qaawa'-.

Amós 5:24

Ab'anan chiwanq li tiikilal jo' jun nima', ut li tiikil ch'oolej chiwanq jo' li roqha' ink'a' nachaqik.

Deuteronomio 24:17

“Ink'a' taajal ru li xk'ulub' laj ab'l tenamit chi moko li neb'a'yox; ink'a' taaxok li xt'ikr li xmalka'an cho'q reeqaj li to'.

Salmos 82:4

Chekolaq li neb'a' ut li maak'a' xwankil; cherisihaqeb' sa' ruq' li ink'a' us xna'leb'.

Ezequiel 18:7

maajun naxrahob'tesi, naxq'axtesi b'an li k'aru xkanab'ahom ut xyehom cho'q ruuchil li xk'as; ink'a' na'elq'ak, naxk'e b'an chi wa'ak li yo xtz'okajik ut naxk'e xb'aatal li maak'a' raq';

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.