Jeremías 22:15 - Q'eqchi Bible

¹⁵ Ma nakak'oxla naq li reetalil li wank chi awab'ejil a'an xyiib'ankil laawochoch rik'in junes yaw? Il laayuwa': kiwa'ak, ki'uk'ak; ab'an kixb'aanu li xk'anjel rik'in tiikilal ut usilal, jo'kan naq us ki'elk rik'in chixjunil li kixb'aanu.

Li Santil hu

¹⁵ At rey, ¿ma nacacꞌoxla nak la̱at cha̱bil rey yal xban nak cua̱nk la̱ cha̱bil palacio yi̱banbil riqꞌuin li cheꞌ chacalteꞌ? La̱ yucuaꞌ quixba̱nu li us ut quicuan saꞌ ti̱quilal. Joꞌcan nak us qui-el riqꞌuin li quixba̱nu. Incꞌaꞌ quipaltoꞌ cꞌaꞌru re.

Jeremías 22:15 ပူးပေါင်းရင်းမြစ်များ

2 Reyes 23:25

Maajun awab'ej kiwank junxil jo' laj Josías, ut maa'ani chik kixq'axtesi rib' moqon chiru li Qaawa' chi anchal xch'ool, chi anchal li raanm ut chi anchal xmetz'ew chi xpaab'ankil li xChaq'rab' laj Moisés, jo' li awab'ej a'an.

Isaías 3:10

Us xaq re li tiik xch'ool xb'aan naq tixyal xsahil li xchaab'il k'anjel.

Eclesiastés 10:17

Ab'anan us xaq re li tenamit li wank x'awab'ej chaab'il xch'ool, ut eb' li wankeb' xwankil neke'wa'ak sa' xhonalil re xtawb'al wi' chik xkawilal roq ruq'eb', ut ink'a' yal re kalaak.

Proverbios 25:5

Chawisiiq li ink'a' us xna'leb' chi k'anjelak chiru li awab'ej, ut taak'ojlaaq li x'awab'ejihom chi junajwa sa' tiikilal.

Proverbios 29:4

Naq li awab'ej nataqlank sa' tiikilal, naxk'ojob' xwankil li xtenamit; ab'an wi junes titz'ok tumin naxb'aanu, naxsach li xtenamit.

2 Reyes 22:2

Laj Josías kixb'aanu li nawulak chiru li Qaawa', ut tz'aqal kixtaaqe li xb'e laj David li xyuwa': kixpaab' li Yos chi tz'aqal re ru.

Jeremías 42:6

A' yaal ma tixk'ul qach'ool li xsumehom li Yos malaj ut ink'a', laa'o tqapaab' li Qaawa' li qaYos, li xatqataqla wi' chi tz'aamank chi elajink. Wi too'ab'inq chiru, us too'elq”, chankeb'.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Proverbios 21:3

Xb'aanunkil li usilal ut li tiikilal, q'axal loq' cho'q re li Qaawa' chiru chixjunil li k'atb'il mayej.

1 Reyes 10:9

Loq'oninb'il taxaq li Qaawa' laaYos, li k'ojk'o xch'ool chawix ut xatxk'ojob' sa' xk'ojarib'aal laj Israel! Sa' xk'ab'a' xraab'aleb' laj Israel chi junelik, li Qaawa' xatxxaqab' cho'q awab'ej re naq tattaqlanq sa' xb'eeneb' sa' xyaalal ut sa' tiikilal”, chan.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

1 Corintios 10:31

Jo'kan utan, wi texwa'aq tex'uk'aq malaj k'a'aq chik re ru teeb'aanu, b'aanuhomaq chixjunil re xloq'oninkil ru li Yos.

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

San Lucas 11:41

Chek'ehaq cho'q eetenq'aal jo'nimal li wank eerik'in, ut chi jo'kan saqaq ru chixjunil cho'q eere.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Jeremías 22:18

Jo'kan utan, a'an a'in li aatin naxye li Qaawa' chirix laj Johakín, ralal laj Josías, li awab'ej re Judá: “Maajun taayaab'aq chirix naq taakamq, chi moko te'xye: «Toq'ob' ru li qas qiitz'in. Toq'ob' ru li awab'ej: ak xq'ajk xsutq'iik».

Jeremías 22:3

B'aanuhomaq li tiikilal ut li k'ulub'ej, kolomaqeb' li yookeb' chi rahob'tesiik, meemajewa chi moko cherahob'tesi laj ab'l tenamit, li neb'a'yox ut li xmalka'an. Meekamsi li maak'a'eb' xmaak, sa' li na'ajej a'in.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Eclesiastés 2:24

Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Proverbios 31:9

Aatinan chirixeb' ut raqon aatin sa' xb'eeneb' rik'in tiikilal; chakoleb' li neb'a' ut li kub'enaqeb' xwankil.

Proverbios 20:28

Li rahok ut li uxtaanank nak'aak'alenk re li awab'ej; xaqxooq xwankil chi kaw wi chaab'il ut tiik xch'ool li awab'ej.

2 Crónicas 34:2

Kixb'aanu li nawulak chiru li Qaawa', ut tz'aqal kixtaaqe li xb'e laj David li xyuwa': kixpaab' li Yos chi tz'aqal re ru.

1 Crónicas 3:15

Eb' li ralal xk'ajol laj Josías a'aneb' a'in: laj Johanán, a' li asb'ej; li xkab', a' laj Johakín; li rox, a' laj Sedesías, ut li xka, a' laj Salún.

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Jeremías 7:5

«Wi nekechaab'ilob'resi leeyu'am ut leeb'aanuhom; wi tiikaq leech'ool cherib'il eerib';

2 Crónicas 35:22

Ab'an laj Josías ink'a' kixjal xk'a'uxl, xb'aan naq kaw xch'ool chi yalok rik'in laj Nekó, ut ink'a' kirab'i li raatin laj Nekó, li kichalk rik'in li Yos. Jo'kan naq ke'ok chi yalok sa' xtaq'ahil Mejido.

2 Crónicas 35:26

Li xyehom ut xb'aanuhom laj Josías, chixjunil li us kixb'aanu jo' naxye li xChaq'rab' li Qaawa',