Jeremías 22:12 - Q'eqchi Bible

¹² taakamq b'an sa' li tenamit xk'ame'k wi' chi preexil, ut ink'a' tolril li tenamit a'in.

Li Santil hu

¹² Ta̱ca̱mk saꞌ li naꞌajej li ta̱cꞌamekꞌ cuiꞌ chi pre̱xil. Incꞌaꞌ chic ta̱sukꞌi̱k saꞌ li naꞌajej aꞌin,” chan li Ka̱cuaꞌ.

Jeremías 22:12 ပူးပေါင်းရင်းမြစ်များ

2 Reyes 23:34

Toja' naq laj Parahón Nekó kixxaqab' cho'q awab'ej laj Eliakín, ralal laj Josías, cho'q reeqaj li xyuwa', ut aj Johakín chik kixk'e cho'q xk'ab'a'. Ut laj Johakás kik'ame'k toj Ejiipt, b'arwi' kikamk.

Jeremías 22:18

Jo'kan utan, a'an a'in li aatin naxye li Qaawa' chirix laj Johakín, ralal laj Josías, li awab'ej re Judá: “Maajun taayaab'aq chirix naq taakamq, chi moko te'xye: «Toq'ob' ru li qas qiitz'in. Toq'ob' ru li awab'ej: ak xq'ajk xsutq'iik».

Levítico 26:38

Texsache'q chi junajwa sa' xyanqeb' li xninqal ru tenamit ut tex'oso'je'q sa' xna'ajeb' li xik' neke'ilok eere.

2 Reyes 23:29

Sa'eb' li kutan a'an laj Parahón Nekó, awab'ej re Ejiipt, koho sa' xjayal li nima' Éwfrates re xtenq'ankil li awab'ej re Asiria. Toja' naq li awab'ej Josías koho chi yalok rik'in, ab'anan naq laj Nekó kiril a'an, tikto kixkamsi sa' li na'ajej Mejido.

Jeremías 22:27

Ink'a' chik texsutq'iiq chaq sa' li tenamit li naxik wi' leech'ool”, chan li Qaawa'.

Jeremías 42:18

“Jo'ka'in xye li Nimajwal Yos, li xYos laj Israel: «Jo' naq xink'ut linjosq'il chiruheb' laj Jerusalén, jo'kan ajwi' naq taachalq linjosq'il sa' eeb'een wi texxik Ejiipt. Texmajewaaq, texse'eeq, tex'eetz'uuq ut xutaanalaqex yalaq b'ar, ut ink'a' chik teeril li na'ajej a'in».