Jeremías 21:7 - Q'eqchi Bible

⁷ Chirix chik a'an tinq'axtesi laj Sedesías, li awab'ej re Judá, sa' ruq' laj Nabukodonosor ut sa' ruq'eb' li neke'ajok xkamsinkil. A'aneb' te'choyoq xkamsinkileb' li te'kole'q sa' li tenamit chirix li raaxiik', li raxkamk ut li we'ej. Tink'eheb' chi kamsiik chi ch'iich', chi maak'a'aq toq'ob'ank u ut usilal cho'q reheb' -chan li Qaawa'-.

Li Santil hu

⁷ Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Jeremías 21:7 ပူးပေါင်းရင်းမြစ်များ

Jeremías 37:17

Moqon laj Sedesías, li awab'ej, kixtaqla xk'amb'al laj Jeremías sa' li rochoch, ut aran kixpatz' re sa' muqmu: “Ma wank junaq raatin li Qaawa' cho'q we?”, chan re. Kichaq'ok laj Jeremías ut kixye: “Wank, at awab'ej. A'an a'in: Laa'at tatq'axtesiiq sa' ruq' li awab'ej re Babilonia”.

Ezequiel 7:9

Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa', li yookin chi rahob'tesink eere.

Jeremías 13:14

Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Deuteronomio 28:50

jun tenamit q'axal josq'eb' li ink'a' te'roxloq'i li cheekel winq li cheekel ixq, chi moko te'ril xtoq'ob'aal ruheb' li kok'al.

Ezequiel 9:10

Jo'kan naq laa'in ink'a' twil xtoq'ob'aal ruheb' chi moko tinkuy li xmaakeb'; anaqwan tinraq aatin sa' xb'eeneb' jo' chanru li xyehom ut xb'aanuhomeb'”, chan li Qaawa'.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Isaías 47:6

K'ajo' naq xinjosq'o'k rik'in lintenamit, xink'e chi muxe'k li weechanihom ut xinq'axtesiheb' sa' laawuq', a Babilonia. A'ut laa'at ink'a' xawil xtoq'ob'aal ruheb' ut xateneb' li kawil k'anjel sa' xb'eeneb' li cheekel winq.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Jeremías 15:5

“Ani tawi' taa'iloq xtoq'ob'aal aawu, a Jerusalén? Ani tawi' taaraho'q xch'ool chawix malaj ani taaxaqliiq chi xk'eeb'al xsahil laach'ool?

Jeremías 15:9

Q'axal ra xk'ul li na'b'ej li wank wuqub' li ralal, k'ajo' naq xmayok li xch'ool! Xkanaak sa' xutaanal ut xsache'k li xwankil; xq'oqyino'k ru li saq'e naq toj kutan. Ut eb' li te'kole'q sa' xyanqeb', laa'in tinq'axtesiheb' chi kamk chiruheb' li xik' neke'ilok reheb'”, chan li Qaawa' Yos.

Jeremías 22:25

re aaq'axtesinkil sa' ruq'eb' li te'raj aakamsinkil, a'eb' li jwal nakaxiwa ruheb'. Tatinq'axtesi sa' ruq' laj Nabukodonosor, li awab'ej re Babilonia, ut sa' ruq'eb' laj Kaldeha.

Jeremías 27:6

Ut anaqwan xinq'axtesi chixjunileb' li na'ajej a'in sa' ruq' laj Nabukodonosor, aj k'anjel chiwu, awab'ej re Babilonia, ut xink'eheb' ajwi' eb' li k'iche'il xul re te'k'anjelaq chiru a'an.

Jeremías 34:3

Ut laa'at ink'a' tatkole'q chiru: relik chi yaal naq tate'xchap ut tatq'axtesiiq sa' ruq'; ut naq akaq xawil rik'in aawu li awab'ej re Babilonia ut xex'aatinak cherib'il eerib', tatk'ame'q sa' li tenamit a'an.

Ezequiel 23:28

“A'an a'in ninye laa'in, li Qaawa': Tatinq'axtesi sa' ruq'eb' li tenamit xik' nakawileb' ut sa' ruq'eb' li xatyib'ok xb'aaneb'.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Jeremías 20:4

Xb'aan naq li Qaawa' xye chi jo'ka'in: «Tink'e naq taaxiwa aawib' aajunes ut tatkanaaq cho'q xxiweb' chixjunileb' laawamiiw. Laa'at taawileb' naq te'kamsiiq chi ch'iich' xb'aaneb' li xik' neke'ilok reheb'. Tinq'axtesi chixjunileb' laj Judá sa' ruq' li awab'ej re Babilonia re naq te'k'ame'q sa' li tenamit a'an ut te'kamsiiq chi ch'iich'.

Jeremías 32:4

ut laj Sedesías, li awab'ej, ink'a' taakole'q sa' ruq'eb' laj Kaldeha, taaq'axtesiiq b'an sa' ruq' li awab'ej re Babilonia ut te'aatinaq chirib'ileb' rib'.

Jeremías 36:29

Ut ye re laj Johakín: «Li Qaawa' xye chi jo'ka'in: Laa'at xak'at li b'otb'ookil hu ut xaye: K'a'ut naq xatz'iib'a sa' li hu naq relik chi yaal li awab'ej re Babilonia tolxjuk'i li tenamit a'in, ut maajun chik poyanam chi moko xul taakanaaq chisa'?

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Lamentaciones 2:20

Il, at Qaawa', ut k'e reetal: ani xarahob'tesi jun sutaq chi jo'ka'in? Eb' li na'b'ej okeb' re chi xtiwb'al li xk'uula'aleb'; eb' laj tij jo'wi' eb' li propeet kamkeb' re sa' laaloq'laj ochoch.

Lamentaciones 2:22

At Qaawa', yalaq b'ar xab'oqeb' chaq li rahilal, xe'chalje'k li ch'a'ajkilal chanchaneb' li b'oqb'ileb' chaq sa' junaq ninq'e. Sa' xkutankil li xjosq'il li Qaawa' maajun x'elelik chi moko xkole'k li xyu'am: eb' li xink'iiresiheb' ut li xinch'oolaniheb' xe'kamsije'k xb'aaneb' li xik' neke'ilok we.