Jeremías 21:6 - Q'eqchi Bible

⁶ Tinkamsiheb' chixjunileb' li wankeb' sa' li tenamit a'in; eb' li poyanam ut eb' li xul te'kamq xb'aan jun li xiwajel raxkamk.

Li Santil hu

⁶ La̱in tinsach e̱ru che̱junilex li cuanquex saꞌ li tenamit aꞌin, joꞌ cristian joꞌ xul. Tintakla jun nimla yajel saꞌ e̱be̱n ut telajexca̱mk.

Jeremías 21:6 ပူးပေါင်းရင်းမြစ်များ

Sofonías 1:3

Tinsach ruheb' li poyanam ut eb' li xul, tinkamsiheb' li xik'anel xul jo'wi' eb' li kar; teb'ink'e chi tichk'ok li ink'a' useb' xna'leb' ut twisiheb' li winq sa' ruuchich'och'”, chan li Qaawa'.

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Ezequiel 14:19

“Ut wi tintaqla chaq li yajel sa' li tenamit a'an ut, xb'aan xnimal injosq'il, tink'eheb' chi kamk eb' li winq ut eb' li xul,

Ezequiel 14:17

“Ut wi tintaqla chaq li raaxiik' sa' li tenamit a'an ut tinye naq te'kamsiiq eb' li winq ut eb' li xul,

Ezequiel 14:13

“At kaamel winq, wi junaq tenamit namaakob'k chiwu ut naxq'et li xpaab'aal, laa'in tinrahob'tesi ut tinkanab' chi maak'a' chik xtzekemq; tintaqla chaq li we'ej sa' xb'een ut tink'eheb' chi kamk eb' li poyanam jo' ajwi' eb' li xul.

Jeremías 33:12

Li Nimajwal Yos kixye chi jo'ka'in: “Sa' li na'ajej a'in li maak'a'eb' wi' li poyanam ut eb' li xul, sa'atqeb' chixjunil li tenamit, taawanq wi' chik li pim b'arwi' eb' laj ilol ketomq te'xk'am li xketomqeb'.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Ezequiel 33:29

Naq tinjuk' li tenamit ut chaqich'och' tinkanab' wi' xb'aan li k'iila maa'usilal xb'aanu, toja' naq te'xnaw naq laa'in li Qaawa'».

Ezequiel 33:27

“Ye ajwi' reheb': «Jo'ka'in xye li Qaawa': Sa' xk'ab'a' linloq'al, ninye li waatin naq eb' li wankeb' sa'eb' li juk'b'il tenamit, te'kamsiiq chi q'esnal ch'iich'; eb' li wankeb' sa' k'aleb'aal, te't'upiiq xb'aaneb' li josq' aj xul, ut eb' li wankatqeb' sa'eb' li ochoch pek ut eb' li saqoonak, te'kamq xb'aan li yajel.

Ezequiel 12:16

Ab'an wanqeb' teb'inkol chiru li raaxiik', li we'ej ut li yajel, re naq, sa'eb' li tenamit te'wulaq wi', toxe'xseeraq'i chixjunil li xjo'maajo'il b'aanuhomeb', ut te'xnaw naq laa'in li Qaawa'»”.

Ezequiel 7:15

Chirix li tenamit yo li raaxiik', ut chisa' wank li yajel ut li we'ej. Li ani wanq chaq sa' k'aleb'aal, taakamsiiq chi ch'iich', ut li ani wanq sa' li tenamit taakamq xb'aan li we'ej ut li yajel.

Jeremías 42:22

Jo'kan utan, chenawaq chi us naq texkamq xb'aan li raaxiik', li we'ej ut li raxkamk, yalaq b'ar teeraj wi' na'ajunk”.

Jeremías 36:29

Ut ye re laj Johakín: «Li Qaawa' xye chi jo'ka'in: Laa'at xak'at li b'otb'ookil hu ut xaye: K'a'ut naq xatz'iib'a sa' li hu naq relik chi yaal li awab'ej re Babilonia tolxjuk'i li tenamit a'in, ut maajun chik poyanam chi moko xul taakanaaq chisa'?

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Jeremías 20:4

Xb'aan naq li Qaawa' xye chi jo'ka'in: «Tink'e naq taaxiwa aawib' aajunes ut tatkanaaq cho'q xxiweb' chixjunileb' laawamiiw. Laa'at taawileb' naq te'kamsiiq chi ch'iich' xb'aaneb' li xik' neke'ilok reheb'. Tinq'axtesi chixjunileb' laj Judá sa' ruq' li awab'ej re Babilonia re naq te'k'ame'q sa' li tenamit a'an ut te'kamsiiq chi ch'iich'.