Jeremías 21:2 - Q'eqchi Bible

² “B'aanu usilal, patz'on chiqix rik'in li Qaawa' k'a'ut naq laj Nabukodonosor, li awab'ej re Babilonia, x'ok chi yalok qik'in. Mare anchal tixb'aanu junaq sachb'ach'oolej li Qaawa' re naq tookanab'aaq sa' xyaalal xb'aan laj Nabukodonosor”. Toja' naq li Qaawa' kiraatina laj Jeremías,

Li Santil hu

² —Ba̱nu usilal, tattijok chiru li Ka̱cuaꞌ ut ta̱patzꞌ re cꞌaꞌru us takaba̱nu xban nak laj Nabucodonosor lix reyeb laj Babilonia yo̱ chi pletic kiqꞌuin. Ma̱re li Ka̱cuaꞌ tixba̱nu junak milagro re nak laj Nabucodonosor tixcanab pletic kiqꞌuin, chanqueb.

Jeremías 21:2 ပူးပေါင်းရင်းမြစ်များ

Jeremías 37:3

Laj Sedesías, li awab'ej, kixtaqla laj Jukal, ralal laj Selemías, ut laj Sofonías, ralal laj Mahasías laj tij, re xtz'aamankil a'in chiru laj Jeremías, li propeet: “Tijon chiqix chiru li Qaawa' li qaYos”, chankeb' re.

Jeremías 37:7

“Jo'ka'in xye li Qaawa', xYos laj Israel: Yehomaq re li awab'ej re Judá, li xtaqlank chaq eere chi patz'ok wik'in, naq eb' li xsoldaad laj Parahón, li xe'chalk raj chetenq'ankil, xe'sutq'iik wi' chik Ejiipt.

1 Samuel 28:15

Toja' naq laj Samuel kixye re laj Saúl: “K'a' naq nikinaach'i'ch'i'i ut nikinaapatz'?”. Kichaq'ok laj Saúl: “Wankin sa' jun nimla ch'a'ajkilal: eb' laj Filistea yookeb' chi yalok wik'in ut li Yos xinxkanab'. Ink'a' chik nikinxsume chi moko rik'ineb' propeet, chi moko sa' inmatk'. Jo'kan naq xatinb'oq chaq re naq taaye we k'aru tinb'aanu”.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

2 Crónicas 32:21

Ut li Qaawa' kixtaqla chaq jun x'ánjel li kixsach ruheb' chixjunileb' laj puub' jwal kaweb' rib' chi yalok, eb' li xninqaleb' ru winq ut eb' li xjolomileb' laj puub' re li awab'ej re Asiria, ut a'in kisutq'iik sa' xtenamit chi k'ajo' xxutaan ut naq kox'okaq sa' rochoch li xyos, aran ajwi' kikamsiik chi ch'iich' xb'aaneb' li ralal.

2 Reyes 1:3

Ab'anan li x'ánjel li Qaawa' kixye re laj Elías aj Tisbé: “Xaqlin ut ayu chi xk'ulb'aleb' li xtaql li awab'ej re Samaria ut ye reheb': «Ma maak'a' tab'i' li Yos arin Israel naq texxik chi patz'ok rik'in laj Bahal-Sebub, xyoseb' laj Ekrón?

1 Samuel 10:22

Toja' naq ke'xpatz' wi' chik re li Qaawa': “Ma xk'ulunk arin laj Saúl?”, chankeb'. Kixye li Qaawa': “Wank aran, muqmu sa' xyanq li k'aru eere”.

Jueces 20:27

Sa'eb' li kutan a'an li xLoq'laj Kaaxil li xSumwank li Yos wank aran Betel ut laj Pinjás, ralal laj Elehasar, ralal laj Aharón, yo chaq chi k'anjelak cho'q aj tij. Ut eb' laj Israel ke'patz'ok re li Qaawa': “Ma tento naq tooxik wi' chik chi yalok rik'ineb' laj Benjamín li qech aj Israelil malaj ut ink'a' chik tooxik?”, chankeb'. Li Qaawa' kixsumeheb': “Ayuqex xb'aan naq wulaj tinq'axtesiheb' sa' leeruq'”, chan.

Génesis 10:10

Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

Éxodo 9:28

Chetz'aama chiru li Qaawa' naq chich'anaaq li kaaq ut li saqb'ach; ut laa'in texinkanab' chi xik ut ink'a' chik texwanq arin”, chan.

2 Reyes 17:24

Li awab'ej re Asiria kixk'ameb' chaq laj Babilonia, laj Kutá, aj Abá, laj Jamat ut eb' aj Separbáhin, ut kixk'eheb' xna'aj sa' li tenamit Samaria, ke'wank wi' eb' laj Israel. Jo'kan naq ke'reechani Samaria ut ke'kanaak sa' li xna'ajeb' laj Israel.

Isaías 48:2

Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

Jeremías 15:11

At Qaawa', ye we wi ink'a' us xink'anjelak chawu, wi ink'a' xintijok chirixeb' li xik' neke'ilok we, naq yookeb' chaq chi k'uluk rahilal ut rahil ch'oolej.

Jeremías 21:3

ut a'in kixye reheb' li xtaql laj Sedesías: “Yehomaq li aatin a'in re laj Sedesías:

Jeremías 37:17

Moqon laj Sedesías, li awab'ej, kixtaqla xk'amb'al laj Jeremías sa' li rochoch, ut aran kixpatz' re sa' muqmu: “Ma wank junaq raatin li Qaawa' cho'q we?”, chan re. Kichaq'ok laj Jeremías ut kixye: “Wank, at awab'ej. A'an a'in: Laa'at tatq'axtesiiq sa' ruq' li awab'ej re Babilonia”.

Ezequiel 7:26

Junes raaxiik' ut resil li rahilal taachalq. Te'patz'oq moy u re li propeet, ab'anan yal maak'a'aq rajb'al; li chaq'rab' taasachq sa' xch'ooleb' laj tij, ut eb' li cheekel winq maak'a'aq chik xna'leb'eb'.

Jeremías 34:1

Naq laj Nabukodonosor, li awab'ej re Babilonia, rochb'eeneb' laj puub' ut chixjunileb' li tenamit li wankeb' rub'el xwankil sa' ruuchich'och', yookeb' chi yalok rik'ineb' laj Jerusalén ut rik'ineb' chixjunil li tenamit wankeb' chi xsutam, li Qaawa' ki'aatinak rik'in laj Jeremías ut kixye re: