Jeremías 21:12 - Q'eqchi Bible

¹² Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Li Santil hu

¹² —La̱ex li nequex-oc chokꞌ xreyeb laj Judá, abihomak li oc re chixyebal li Ka̱cuaꞌ. Rajlal cutan textakla̱nk saꞌ ti̱quilal. Checolak li ani yo̱queb chi rahobtesi̱c xbaneb li incꞌaꞌ useb xnaꞌleb. Cui incꞌaꞌ te̱ba̱nu li us ta̱cha̱lk injoskꞌil saꞌ e̱be̱n. Chanchanak li xam li incꞌaꞌ naru xchupbal xban li ma̱usilal xeba̱nu.

Jeremías 21:12 ပူးပေါင်းရင်းမြစ်များ

Isaías 1:17

Tzolomaq xb'aanunkil li us, yalomaq eeq'e chi xsik'b'al li tiikilal, tenq'ahomaqeb' li rahob'tesinb'ileb', k'ehomaq li xk'ulub'eb' li neb'a'yox ut chekolaqeb' li xmalka'an!”.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Isaías 1:31

Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Romanos 13:4

xb'aan naq aj k'anjeleb' chiru li Yos re aatenq'ankil chi xb'aanunkil li us. Ab'an wi nakab'aanu li ink'a' us, chatxiwaq xb'aan naq moko maak'a' ta rajb'al naq wankeb' xjutz' ch'iich': aj k'anjeleb' chiru li Yos, aj q'ajkamuneleb' re xrahob'tesinkil li nab'aanunk re li ink'a' us.

San Lucas 1:69

ut kixxaqab' cho'q qe jun aj Kolonel q'axal kaw rib', sa' rochoch laj David li xmoos,

Ezequiel 22:31

Toja' naq xwisi linjosq'il sa' xb'eeneb' ut xeb'insach ru xb'aan xpo'ik linch'ool, re xteneb'ankil li tojb'amaak sa' xb'eeneb'»”, chan li Qaawa'.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Jeremías 23:19

K'ehomaq reetal naq xchalk xjosq'il li Qaawa', jo' jun kaqsut-iq' li xchalk sa' xb'eeneb' li neke'b'aanunk maa'usilal.

Isaías 7:13

Toja' naq laj Isaías kixye: “Ab'ihomaq, ex ralal xk'ajol laj David: ma ink'a' tz'aqal cho'q eere xch'i'ch'i'inkileb' li poyanam, naq teeraj ajwi' xch'i'ch'i'inkil li Qaawa' linYos?

Isaías 7:2

Naq li xjunkab'al laj David ke'rab'i resil naq eb' laj Siria xjunajihomeb' rib' rik'ineb' laj Efraín, k'ajo' naq ke'chalk xxiw li awab'ej ut eb' li tenamit, ut ke'ok chi siksotk jo'eb' li che' naq neke'eek'asiik xb'aan li kawil iq' sa' li k'iche'.

Salmos 101:8

Rajlal eq'la tinsach ruheb' li ink'a' useb' xna'leb', ut twisi sa' li xtenamit li Qaawa' jo'k'ihaleb' li neke'b'aanunk li maa'usilal.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Jeremías 21:5

Laa'in ajwi' jun tinyaloq eerik'in, rik'in xnimal inwankil ut inmetz'ew, chi k'ajo'aq injosq'il sa' eeb'een.

Li xHu LAJ JOB 29:17

Xinsach xwankileb' li ink'a' useb' xna'leb', ut xinkoleb' li tawasinb'ileb' xb'aaneb'.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Éxodo 18:13

Sa' li kutan jun chik laj Moisés kik'ojlaak chi raqok aatin sa' xb'eeneb' li tenamit, ut tik jun kutan ke'wank li tenamit chiru laj Moisés chalen eq'la toj ewu.

Jeremías 7:5

«Wi nekechaab'ilob'resi leeyu'am ut leeb'aanuhom; wi tiikaq leech'ool cherib'il eerib';

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.