Jeremías 20:7 - Q'eqchi Bible

⁷ At Qaawa', xinaab'oq ut xinaaq'unb'esi, ut laa'in xinsume linb'oqb'al; laa'at jwal kaw aawib' chiwu, jo'kan naq xaq'ax wu. Chixjunileb' nikine'xse'e rajlal ut nikine'reetz'u wulaj wulaj.

Li Santil hu

⁷ Laj Jeremías quixye: —At Ka̱cuaꞌ, la̱at xina̱balakꞌi ut la̱in xincanab cuib re tina̱balakꞌi. La̱at kꞌaxal cau a̱cuib chicuu la̱in. Joꞌcan nak xatnumta saꞌ inbe̱n. Rajlal cutan niquineꞌxhob li tenamit ut chixjunileb niquineꞌxseꞌe.

Jeremías 20:7 ပူးပေါင်းရင်းမြစ်များ

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Lamentaciones 3:14

Xinxk'e chi se'eek xb'aaneb' chixjunil li tenamit; chixjunil li kutan yookeb' chi weetz'unkil.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Hebreos 11:36

wankeb' ke'xkuy eetz'uuk ut rape'k chi tz'uum; ke'xkuy ajwi' b'ak'e'k chi kareen ut tz'alam;

1 Corintios 9:6

Ma ka'aj tab'i' laa'in ut laj Bernabé tento took'anjelaq chi kaw re xsik'b'al qatzekemq?

Hechos 17:32

Naq ke'rab'i chi aatinak chirix li xwaklijikeb' li kamenaq, wankeb' ke'ok chi xse'enkil laj Pablo; wankeb' chik ke'yehok: —Toj sa' jun sut chik tatqab'ihaq chi aatinak chirix a'an.

Hechos 17:18

Wankeb' ajwi' aj nahonel xninqal ru k'a'uxl, xkomoneb' laj Epikuro ut eb' laj Estoiko, ke'ok chi wech'ink rik'in. Wan ke'yehok: —K'a' anchal taaraj xyeeb'al laj b'ayol rib' a'an? Wankeb' wi' chik neke'yehok: —Mare a'an jun li na'aatinak chirixeb' jalanil yos. Ke'xye chi jo'kan xb'aan naq laj Pablo naxye resil li Jesus jo' ajwi' resil li xwaklijik wi' chik chi yo'yo.

San Lucas 23:11

Ab'anan laj Herodes naq ak xtz'eqtaana ut xreetz'u li Jesus, rochb'eeneb' laj puub' li wankeb' rik'in, kixk'e jun xchaq'alil ru aq'ej chirix ut kixtaqla wi' chik rik'in laj Pilaat.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

Miqueas 3:8

A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

Jeremías 29:26

Li Qaawa' xxaqab'ank aawe cho'q aj tij, a Sofonías, cho'q ruuchil laj Johadá, re naq laa'ataq li xjolomileb' laj ilol re li rochoch li Yos. Wi twanq junaq kaan ru xjolom li tixk'e rib' cho'q propeet, tento naq taak'e sa' li nat'che' ut taab'ak' chi kareen.

Jeremías 17:16

Ab'an laa'in maajun sut xwelaji aawu naq taataqla chaq li rahilal sa' xb'eeneb', chi moko xinyo'oni li rahilal cho'q reheb' a'an. Laa'at nakanaw chi us chixjunil linyehom, xb'aan naq inyehom chawu ut sa' laak'ab'a'.

Jeremías 15:18

K'a'ut naq ink'a' naraqe'k linrahilal? K'a'ut naq ink'a' chik naru xkotzb'al xrahil li waanm? At Qaawa', ma chanchanat li yal k'oxlanb'il ha' cho'q we, kama'at jun roqha' li nab'alaq'ink we?

Jeremías 15:10

Q'axal ra wankin, at inna'. Jwal us raj naq ink'a' kinyo'laak, xb'aan naq sa' lintenamit chixjunileb' neke'wech'ok wik'in ut xik' nikine'ril. Maajun wan wi' ink'as chi moko ink'ehom to' tumin, ab'anan chixjunileb' neke'majewank we.

2 Reyes 2:23

Chirix chik a'an laj Eliseo ki'elk Jerikó ut kitaqe'k Betel. Ut naq yo chi xik, ke'elk chaq sa' li tenamit saaj aleb', li ke'ok chi xyeeb'al re: “Ayu, at t'uru', saaxik! Ayu, at t'uru', saaxik!”, chankeb'.

Li xHu LAJ JOB 12:4

Junelik xinwank sa' tiikil ch'oolej, ut li Yos junelik xsume lintz'aamahom. Ab'an anaqwan a'eb' ajwi' li wamiiw nikine'xse'e.

Salmos 119:51

Eb' li q'etq'et numtajenaq nikine'xhob', ab'an laa'in ink'a' ninq'et laachaq'rab'.

Jeremías 38:19

Kichaq'ok laj Sedesías, li awab'ej, ut kixye: “Ninxiwak xb'aaneb' laj Judiiy li xe'q'axonk sa' xyanqeb' laj Kaldeha. Mare anchal tinq'axtesiiq sa' ruq'eb' ut tine'xrahob'tesi”.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Li xHu LAJ JOB 30:9

Ab'an anaqwan nikine'xse'e ut nikine'reetz'u.

Isaías 8:11

Li Qaawa' kixye we, rik'in xnimal xwankil, naq ink'a' tink'am we jo' li xyu'ameb' li tenamit a'in: