Jeremías 20:4 - Q'eqchi Bible

⁴ Xb'aan naq li Qaawa' xye chi jo'ka'in: «Tink'e naq taaxiwa aawib' aajunes ut tatkanaaq cho'q xxiweb' chixjunileb' laawamiiw. Laa'at taawileb' naq te'kamsiiq chi ch'iich' xb'aaneb' li xik' neke'ilok reheb'. Tinq'axtesi chixjunileb' laj Judá sa' ruq' li awab'ej re Babilonia re naq te'k'ame'q sa' li tenamit a'an ut te'kamsiiq chi ch'iich'.

Li Santil hu

⁴ Li Ka̱cuaꞌ quixye, “Xinba̱nu chi joꞌcan xban nak la̱in tinba̱nu nak la̱at ajcuiꞌ tatxucuak chirilbal li cꞌaꞌru ta̱ba̱nu ut teꞌxucuak ajcuiꞌ eb la̱ cuami̱g. Eb aꞌan teꞌcamsi̱k chi chꞌi̱chꞌ xbaneb li xicꞌ nequeꞌiloc reheb. Chixjunileb laj Judá tebinkꞌaxtesi saꞌ rukꞌeb lix reyeb laj Babilonia ut teꞌcꞌamekꞌ chi pre̱xil Babilonia malaj ut teꞌcamsi̱k chi chꞌi̱chꞌ.

Jeremías 20:4 ပူးပေါင်းရင်းမြစ်များ

Jeremías 29:21

“Jo'ka'in xye li Nimajwal Yos, li xYos laj Israel, chirix laj Ajab, ralal laj Kolaías, ut chirix laj Sedesías, ralal laj Mahasías, li neke'roksi link'ab'a' yal re eeb'alaq'inkil: «Tinq'axtesiheb' sa' ruq' laj Nabukodonosor, li awab'ej re Babilonia, ut a'an taakamsinq reheb' cheru ajwi' laa'ex.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 6:25

Mexxik sa'eb' li k'aleb'aal, mex'elk sa'eb' li b'e. Laj xik'il uuchinel wank xch'iich' rik'in, xiw xiw aj chik li b'eek yalaq b'ar”.

Salmos 73:19

Sa' junpaat te'kanaaq chi xiwajel rilb'aleb' ut te'ok chi oso'k xb'aaneb' xxiw.

2 Reyes 25:7

Chiru ajwi' laj Sedesías ke'kamsiik chi ch'iich' chixjunileb' li ralal, ut a'an ki'isiik xsa'eb' li ru, ke'xb'ak' rik'in wiib' kareen q'anch'iich' ut ke'xk'am toj Babilonia.

1 Samuel 2:33

Ut wi wanqeb' sa' xyanqeb' laawech'alal li teb'inkanab' chi k'anjelak sa' lin'artal, a'an taak'ulmanq yal re naq te'raho'q xch'ool ut timil timil te'oso'q. A'ut li xk'ihaleb' laawalal te'kamq chi ch'iich'.

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Jeremías 13:19

Eb' li tenamit sa' xteepal Nejeb sutsuukeb' xb'aaneb' li xik' neke'ilok reheb', ut maajun chik naru chi nume'k aran. Chixjunileb' laj Judá xe'chape'k ut xe'k'ame'k chi preexil sa' najtil tenamit.

Jeremías 20:6

Ut laa'at, a Pasjur, tatchape'q aawochb'een laajunkab'al ut texk'ame'q Babilonia. Aran toxatkamq ut tatmuqe'q aawochb'eeneb' laawamiiw li xab'alaq'iheb' rik'ineb' laawaatin»”.

Jeremías 46:5

Ab'anan k'aru yookeb' chi xk'ulb'al? Eb' laj Ejiipt xe'ch'inank xch'ool ut yookeb' chi elelik; eb' li xsoldaad yo xkamsinkileb' ut yookeb' chi elelik chi ink'a' neke'ilok chirixeb'. Xiwajel rilb'al li rahilal yalaq b'ar -chan li Qaawa'-.

Jeremías 52:24

Li xjolomileb' laj puub' kixchap laj Seraías, li xb'eenil aj tij, ut laj Sofonías, li xkab'il, jo'wi' oxib'eb' chik li neke'ilok re li rokeb'aal li rochoch li Qaawa'.