Jeremías 20:13 - Q'eqchi Bible

¹³ B'ichahomaq ut loq'onihomaq ru li Qaawa', xb'aan naq A'an xkolok reheb' li wankeb' sa' rahilal sa' ruq'eb' li ink'a' useb' xna'leb'.

Li Santil hu

¹³ Bichahomak xlokꞌal li Ka̱cuaꞌ ut chelokꞌoni xban nak aꞌan li natenkꞌan reheb li tenkꞌa̱c nequeꞌraj ut aꞌan li nacoloc reheb saꞌ rukꞌeb li incꞌaꞌ useb xnaꞌleb.

Jeremías 20:13 ပူးပေါင်းရင်းမြစ်များ

Isaías 25:4

Xb'aan naq chanchanat jun saqoonak cho'q re li lub'lub', laa'at xkawub' xch'ool li neb'a' naq wank sa' rahilal, laa'at nakatkolok chiru li hab' ut nakatmuheelank chiru xtiqwal li saq'e. Eb' li josq' aj poyanam chanchaneb' li b'ut'iha' sa' li hab'alq'e

Salmos 69:33

Naq te'ril a'an eb' li neb'a', q'axal te'saho'q xch'ool, ut taawanq xkawub' xch'ooleb' li neke'sik'ok re li Yos!

Salmos 72:4

Chixkol taxaq eb' li neb'a', chixtenq'aheb' li toq'ob'eb' ru ut chixsachaq xwankil li narahob'tesink reheb'.

Salmos 34:6

Eb' li neke'xka'ya li Qaawa' taalemtz'unq li rilob'aaleb' kama' li saq'e; ink'a' te'kaqo'q xb'aaneb' xxutaan.

Jeremías 15:21

Tatinkol sa' ruq'eb' li ink'a' useb' xna'leb' ut tatwisi rub'el xwankileb' li josq' aj winq”, chan li Nimajwal Yos.

Jeremías 31:7

Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».