Jeremías 20:12 - Q'eqchi Bible

¹² At Nimajwal Yos li nakayal rixeb' li tiikeb' xch'ool, li nakanaw ut nakawil k'aru wank sa' xch'ool li winq, k'ut chiwu chanru naq tat-eeqajunq sa' xb'eeneb', xb'aan naq xinq'axtesi wib' sa' laawuq'.

Li Santil hu

¹² At Ka̱cuaꞌ, at nimajcual Dios, la̱at nacayal rixeb li ti̱queb xchꞌo̱l. La̱at nacanau chanru li ra̱meb ut lix cꞌaꞌuxeb li junju̱nk. Joꞌcan nak tincuil taxak nak ta̱qꞌueheb chixtojbal lix ma̱queb li nequeꞌxba̱nu raylal cue xban nak la̱in xincanab saꞌ a̱cuukꞌ li cꞌaꞌru yo̱quin chixcꞌulbal.

Jeremías 20:12 ပူးပေါင်းရင်းမြစ်များ

Jeremías 11:20

A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Salmos 62:8

Rik'in li Yos nintaw linkolb'al ut linloq'al: a'an linsaqoonak ut linmuheelahom.

Salmos 54:7

Chinaq taxaq li maa'usilal sa' xb'eeneb' li xik' neke'ilok we, chasach taxaq ruheb' sa' xk'ab'a' laatiikilal, at Qaawa'!

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Salmos 59:10

At inYos, laa'at laj k'ehol xkawub' linch'ool, aawik'in xaqxo li woyb'enihom, xb'aan naq laa'at linsaqoonak.

Salmos 139:23

At Qaawa', chatz'ili wix ut chawil chanru linch'ool; chayal wix re xnawb'al chixjunil li naweek'a.

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

Jeremías 17:18

Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.

Isaías 37:14

Laj Esekías kixk'ul li hu chi ruq'eb' li xtaql li awab'ej ut kiril xsa'. Chirix chik a'an koho sa' rochoch li Yos, kixte li hu chiru li Qaawa'

Salmos 17:3

Laa'at xatz'il rix li waanm ut xinaawula'ani chi q'eq; xinaayal sa' xam, ab'an maak'a' maa'usilal xataw wik'in.

Salmos 11:5

Li Qaawa' naxyal rix laj maak ut li tiik xch'ool; xik' naril li narahink re li raaxiik'.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

1 Pedro 4:19

Jo'kan utan, eb' li yookeb' chi xk'ulb'al rahilal jo' chanru naraj li Yos, che'xb'aanuuq li us ut che'xq'axtesiiq li raanm sa' ruq' laj Yoob'tesinel tiik xch'ool.

1 Pedro 2:23

Naq kihob'e'k, ink'a' kisumenk rik'in hob'ok; naq kirahob'tesiik, ink'a' kimajewank, kixq'axtesi b'an rib' sa' ruq' Li naraqok aatin sa' tiikilal.

Jeremías 12:8

Xb'aan naq lintenamit li jwal ninra xik' xinril jo' jun li kaqkoj sa' li k'iche'. Xe'xjap reheb' sa' inb'een; jo'kan naq xeb'intz'eqtaana.

Isaías 38:14

Kama'in li wilix naq nintz'uyink, ninq'urnak kama' li mukuy. Xe'lub'je'k xsa' li wu chi ilok sa' choxa. At Qaawa', jwal ra wankin, kim chintenq'ankil!

Salmos 86:4

Chak'e taxaq xsahil inch'ool: laa'in aj k'anjel chawu ut nintz'aamank nin'elajink chawu.

2 Crónicas 24:22

Laj Johás li awab'ej kisachk sa' xch'ool li usilal ki'uxk re xb'aan laj Johadá, xyuwa' laj Sakarías, kixkamsi b'an laj Sakarías li ralal li kixye sa' xkamik: “Li Qaawa' xril taxaq li k'aru xab'aanu ut a'an taxaq chik'ehoq reeqaj aawe!”, chan.

1 Samuel 1:15

Ut lix Ana kixsume: “Ink'a', wa. Ink'a' xin'uk'ak b'iin chi moko k'a' chik chi ha'il li nakaltesink. Q'axal ra sa' inch'ool ut yookin chi xteeb'al li waanm chiru li Qaawa'.

Salmos 58:10

Che'k'ate'q kama'eb' li k'ix chi toj maji' neke'xk'e reetal; che'isiiq chi junajwa kama' li k'im nasaapuuk chi toj rax xb'aan li kawil iq'!