Jeremías 2:8 - Q'eqchi Bible

⁸ Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

Li Santil hu

⁸ Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

Jeremías 2:8 ပူးပေါင်းရင်းမြစ်များ

Habacuc 2:18

K'aru aj e li xjalam u junaq k'oxlanb'il yos? A'an yal jalanil yos, aj b'alaq'; a'an yal xb'aanuhom junaq aj peech'. Ma naru tixk'ojob' xch'ool li xyiib'ank re? Xb'aan naq eb' li yiib'anb'il yos ink'a' neke'aatinak.

Jeremías 10:21

Eb' laj k'aak'alehom re li tenamit a'in xe'jipo'k ut ink'a' xe'xsik' li Qaawa'. Jo'kan naq ink'a' us neke'elk sa' xk'anjeleb' ut chixjunileb' li ketomq xe'cha'cha'iik yalaq b'ar.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

San Juan 8:55

us ta ink'a' nekenaw ru. Laa'in yaal naq ninnaw ru, ut wi tinye ta naq ink'a' ninnaw ru, laa'inaq raj aj tik'ti' jo' laa'ex. Ab'anan ninnaw ru ut nink'e inch'ool chirix li raatin.

San Lucas 11:52

“Ra chaalel sa' eeb'een laa'ex aj nahol Chaq'rab', xb'aan naq xek'am cho'q eere eejunes li xlaawil li yaal. Ink'a' xex'ok laa'ex ut xeram chiruheb' li xe'raj raj ok”.

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 12:10

Naab'aleb' laj k'aak'alenel ketomq xe'xsach li wawimq ut xe'xteni ru li weechanihom; joxk' aj chik xe'xkanab' linna'aj li jwal raaro inb'aan, chanchan chik li chaqich'och'.

Jeremías 7:8

«Ab'anan laa'ex nekepaab' li b'alaq'il aatin li maak'a' na'ok wi' cho'q eere.

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Jeremías 2:11

Ma wank junaq tenamit xjal li xyos? Us ta eb' a'an moko yoseb' ta! Ut lintenamit xjal ru li xloq'al rik'in li k'aru maak'a' na'ok wi'.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Isaías 30:5

chixjunileb' te'b'alaq'iiq xb'aan li tenamit a'an li maak'a' na'ok wi'; ink'a' te'tenq'aaq xb'aaneb' chi moko us te'elq, ka'aj b'an wi' li xutaan ut li rahilal te'xk'ul.

Isaías 29:10

Xb'aan naq li Qaawa' xwartesi leena'leb', xtz'ap leeru ut leejolom, ex propeet ut aj ilol moy u.

Isaías 28:7

Wankeb' ajwi' li neke'taktotk xb'aan li b'iin ut sachenaq xna'leb'eb' xb'aan li ha' nakaltesink: a'aneb' laj tij ut eb' li propeet li ink'a' chik nach'olaak li neke'xb'aanu xb'aan li b'iin, sachso xna'leb'eb' xb'aan li ha' nakaltesink. Ink'a' chik neke'ch'olaak chi aatinak ut yookeb' xkalajik naq neke'raqok aatin.

1 Reyes 18:40

Toja' naq laj Elías kixye reheb': “Chapomaqeb' li xpropeet laj Bahal, ut maajun reheb' chi'eleliq”. Ke'chapmank, ut laj Elías kixk'ameb' sa' li nima' Kisón ut aran kixkamsiheb' chi ch'iich'.

1 Reyes 18:29

Naq ak xnume'k wa'leb', aka'eb' chik li propeet ke'ok chi xpatz'b'al xk'ab'a' laj Bahal toj kiwulak xhonalil li mayejak; ab'anan maajun xyaab' kuxej ki'ab'iik, maa'ani kisumenk chaq.

1 Reyes 18:22

Ut laj Elías kixye ajwi' reheb': “Ka'ajin aj chik xpropeet li Qaawa', ut eb' li xpropeet laj Bahal, wankeb' lajeeb' roxk'aal xkab' o'q'ob'.

1 Samuel 12:21

Mexxik chirixeb' li maawa'eb' yos. Eb' a'an ink'a' neke'kolok ut maak'a' neke'ok wi', xb'aan naq yal k'oxlanb'ileb' yos.

1 Samuel 2:12

Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

Deuteronomio 33:10

Eb' a'an neke'xk'ut laataqlahom chiruheb' li ralal xk'ajol laj Jakob ut laachaq'rab' chiruheb' laj Israel. Neke'xyeechi'i pom chawu laa'at ut neke'mayejak chi chaab'il sa' xb'een laa'artal.

Jeremías 9:14

ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Ezequiel 22:26

Eb' laj tij sa' li tenamit a'in xe'xsach xwankil linchaq'rab' ut xe'xmux ru li k'a'aq re ru q'axal loq' cho'q we; ink'a' neke'xnaw xyeeb'al b'ar wank li loq' ut li muxb'il ru, chi moko b'ar wank li saq ru ut li tz'ajn ru. Ink'a' neke'roxloq'i linhilob'aal kutan, chi moko neke'xloq'oni wu laa'in.

Ezequiel 34:2

“At kaamel winq, aatinan sa' ink'ab'a' ut ye reheb' li neke'k'aak'alenk re Israel: «Jo'ka'in xye li Qaawa': Ra chaalel sa' xb'eeneb' li neke'k'aak'alenk re Israel, xb'aan naq yal xjuneseb' rib' neke'xch'oolani rib'. Ma ink'a' tab'i' a'eb' li ketomq tento rilb'aleb'?

Li xHu LAJ JOB 35:10

Ab'an ink'a' neke'xsik' laj Yoob'tesihom reheb'; ink'a' neke'xpatz' li nak'ehok sahilal sa' q'oqyinkil ru honal,