Jeremías 2:37 - Q'eqchi Bible

³⁷ K'ajo'aq ajwi' aaxutaan naq tat-elq chaq Ejiipt, xb'aan naq ink'a' nawulak chiwu li kaw wi' aach'ool, ut ink'a' us tat-elq rik'ineb' a'an”.

Li Santil hu

³⁷ Cꞌajoꞌak le̱ xuta̱n nak tex-e̱lk chak riqꞌuineb laj Egipto xban nak incꞌaꞌ textenkꞌa. La̱in li Ka̱cuaꞌ xintzꞌekta̱naheb laj Egipto li nequecꞌojob cuiꞌ e̱chꞌo̱l. Incꞌaꞌ us tex-e̱lk riqꞌuineb aꞌan.—

Jeremías 2:37 ပူးပေါင်းရင်းမြစ်များ

2 Samuel 13:19

Ab'anan naq wank chik sa' b'e, kixk'e cha sa' xjolom ut kixq'ich li xchaab'il jut-aq' li wank chirix. Chirix chik a'an kixtikib' yaab'ak, kixk'e li ruq' sa' xjolom ut chajcho re naq koho.

Jeremías 17:5

Jo'ka'in kixye li Qaawa': “Majewanb'ilaq li naxkawub'resi xch'ool chirix li winq, a' li naxsik' xtenq'ankil rik'in li yal kaamel ut li Qaawa' naxtz'eq chirix li xch'ool.

Jeremías 32:5

Laj Nabukodonosor tixk'am laj Sedesías toj Babilonia, b'arwi' twanq toja' re naq laa'in tinraqoq aatin sa' xb'een. Us ta laa'ex texyaloq rik'ineb' laj Kaldeha, moko us ta tex'elq», chan li Qaawa'”.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

2 Crónicas 13:12

Chek'e reetal naq li Qaawa' a'an laj k'amol b'e chiqu; ut eb' laj tij okeb' re chi xyaab'asinkil li pur re taaqatikib' yalok eerik'in. Ex aj Israel, mexyalok rik'in li Qaawa', li xYos eb' leexe'toonil yuwa', xb'aan naq maak'a' aj e”, chan laj Abías.

Números 14:41

Kichaq'ok laj Moisés ut kixye reheb': “K'a'ut naq yookex wi' chik chi xq'etb'al raatin li Qaawa'? A'an moko us ta taa'elq.

Jeremías 14:3

Eb' li ninqeb' xwankil neke'xtaqla li xmooseb' chi sik'ok ha'; eb' a'in neke'xik wankeb' wi' li kumb', ut maak'a' li ha'. Neke'sutq'iik chaq chi maak'a' xsa' li xkukeb'; sachsookeb' xch'ool ut tz'aptz'ookeb' li xjolomeb' sa' t'ikr xb'aan xxutaaneb'.

Jeremías 14:4

X'atz'je'k li ch'och' xb'aan naq maak'a' li hab'; jo'kan naq xe'wiib'ank xch'ool eb' laj k'alom ut xe'xtz'ap li xjolomeb'.

Jeremías 22:30

A'an a'in li raatin li Qaawa': “Tz'iib'ahomaq xk'ab'a' li winq a'in jo' li maajun ralal xk'ajol, jo' junaq winq li maajun sut x'elk chi us chiru li xyu'am. Xb'aan naq maajun reheb' li ralal xk'ajol toxk'ojlaaq sa' li xk'ojarib'aal laj David re x'awab'ejinkil wi' chik eb' laj Judá”.

2 Samuel 11:12

Ab'an laj David kixye re: “Kanaaqat ajwi' hoon, ut wulaj tatxik”. Jo'kan naq laj Urías toj kikanaak Jerusalén sa' li kutan a'an.

Isaías 28:18

Taasachmanq xwankil li xk'eeb'al eerib' sa' aatin rik'in li kamk, ut li sumwank rik'in li xna'ajeb' li kamenaq taakanaaq chi maak'a' rajb'al. Naq taachalq li nimla rahilal, texputz'i.

Jeremías 22:20

“Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Lamentaciones 4:17

Xqayo'oni qatenq'ankil toj reetal ink'a' chik xqakuy. Xqoyb'eni jun tenamit chi qakolb'al, ab'an ink'a' xk'ulunk.