Jeremías 2:34 - Q'eqchi Bible

³⁴ Oso'jenaq laab'aatal sa' xkik'eleb' li neb'a' jo' ajwi' sa' xkik'eleb' li maak'a'eb' xmaak, a'eb' li maajun wa xataweb' chi elq'ak.

Li Santil hu

³⁴ Chanchan nak osoꞌjenak le̱ rakꞌ saꞌ xquiqꞌueleb li nebaꞌ ut eb li ma̱cꞌaꞌeb xma̱c. Usta incꞌaꞌ xetauheb chirelkꞌanquil li cꞌaꞌru e̱re, abanan xecamsiheb.

Jeremías 2:34 ပူးပေါင်းရင်းမြစ်များ

2 Reyes 21:16

Naab'aleb' li maak'a'eb' xmaak kixkamsi laj Manasés, toj reetal kixnujob'resi chi kik' chixjunil li tenamit Jerusalén, a' jalan wi' naq kixk'eheb' chi maakob'k eb' laj Judá ut kixb'aanu li ink'a' nawulak chiru li Qaawa'.

Jeremías 19:4

Xb'aan naq xine'xtz'eqtaana eb' laj Israel ut xe'xsach xwankil li na'ajej a'in, naq xe'mayejak k'ajpom chiruheb' li jalanil yos, li ink'a' xnawom ruheb' a'an chi moko eb' li xmama' rixa'aneb', chi moko eb' li awab'ej re Judá. Ut naab'aleb' li maak'a'eb' xmaak xe'xkamsi arin.

2 Reyes 24:4

ut xb'aan ajwi' naq kixkamsi naab'aleb' li maak'a'eb' xmaak, toj reetal kixnujob'resi Jerusalén chi kamenaq. Ut li Qaawa' ink'a' chik kixkuy a'an.

Éxodo 22:2

“Wi laj elq' taatawe'q chi weqok kab'l ut taasak'e'q ut taakamq, ink'a' eeqajuninb'ilaq li xkik'el.

Ezequiel 24:7

K'ajo' li kamsink x'uxmank aran! Li kik' xb'eek roq sa' xb'eeneb' li pek ut ink'a' xhoye'k chiru li ch'och'; a' raj li pojtz' xtz'ub'uk re li kik' a'an.

Ezequiel 20:31

Naq nekeyeechi'i leemayej ut nekek'at sa' xam eb' leeralal eek'ajol, toj yookex chi xtz'ajninkil eerib' chiruheb' li jalanil yos chalen toj anaqwan. Ma tinkanab' tab'i' naq texpatz'oq wik'in, ex ralal xk'ajol laj Israel? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in -chan li Qaawa'-.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Jeremías 7:31

Sa' xTaq'ahil Ben-Hinón xe'xyiib' li tijob'aal re Tófet, re xyeechi'inkileb' li ralal xk'ajol cho'q k'atb'il mayej, li maajun wa inyehom reheb' chi moko xink'oxla b'ayaq a'an.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Isaías 59:7

Neke'xseeb'a rib' chi xb'aanunkil li maa'usilal, jo'wi' chi xkamsinkileb' li ras riitz'in li maak'a'eb' xmaak. Ka'ajwi' li kamsink poyanam wank sa' xch'ooleb', sachok ut rahilal neke'xkanab' b'arwi' neke'nume'k.

Isaías 57:5

li nekexxik chi xb'aanunkil leemaa'usilal rub'eleb' li ji malaj rub'elatq k'a'aq chik chi ninqal che'; nekekamsi leekok'al chireheb' li nima' ut sa'atqeb' li ochoch pek.

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Jeremías 2:33

“Q'axal tzolb'ilat chi xsik'b'aleb' li neke'rahink aawu; a'atqeb' laj yumb'eet neke'xtzol re aawik'in!

Jeremías 7:6

wi ink'a' chik teerahob'tesi li jalaneb' xtenamit, eb' li neb'a'yox ut eb' li xmalka'an, chi moko teekamsiheb' chik leeras eeriitz'in li maak'a'eb' xmaak, sa' li na'ajej a'in; wi ink'a' chik teeloq'oni ruheb' li jalanil yos li yookex wi' xsik'b'al li rahilal sa' eeb'een,

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.

Lamentaciones 4:14

Eb' li propeet ut eb' laj tij chanchaneb' li mutz' naq neke'b'eek sa' li tenamit; tz'ajn ruheb' xb'aan li kik', ut maajun naraj xch'e'b'al li raq'eb'.

Ezequiel 9:9

Li Qaawa' kichaq'ok ut kixye we: “Q'axal numtajenaq li xmaakeb' laj Israel ut eb' laj Judá. Nujenaq chi kamenaq chixjunil li tenamit; maak'a' chik tiikilal aran Jerusalén. Sa' xch'ooleb' a'an naq xinkanab' xjunes li tenamit ut ink'a' nawil li k'aru yookeb' chi xb'aanunkil.

Ezequiel 22:25

Eb' laj k'amol aab'e jo'keb' li kaqkoj li neke'xjap reheb' chi xt'upinkil li xtzak. Xe'xnuq' eb' li poyanam, xe'xmaq'atq li b'ihomal ut li sahil eechej, ut naab'aleb' li xmalka'an wankeb' chik aawik'in.

Éxodo 22:1

“Wi junaq winq trelq'a junaq b'ooyx malaj junaq karneer ut tixkamsi malaj tixk'ayi, tento tixtoj oob' chi b'ooyx jo' reeqaj li jun ut kaahib' chi karneer jo' reeqaj li jun.

Ezequiel 23:45

Ab'anan wankeb' winq tiikeb' xch'ool te'raqoq aatin sa' xb'eeneb' sa' junaq kutan jo' chanru xk'ulub'eb' laj yumb'eet ut eb' laj kamsinel poyanam. Xb'aan naq relik chi yaal naq aj yumb'eeteb' ut aj kamsineleb' poyanam”.