Jeremías 2:33 - Q'eqchi Bible

³³ “Q'axal tzolb'ilat chi xsik'b'aleb' li neke'rahink aawu; a'atqeb' laj yumb'eet neke'xtzol re aawik'in!

Li Santil hu

³³ La̱ex kꞌaxal cuan e̱naꞌleb chixsicꞌbal li cꞌaꞌru nequera ru ut kꞌaxal cuiꞌchic nabal li ma̱usilal naru nequeꞌxtzol e̱riqꞌuin li incꞌaꞌ useb xnaꞌleb.

Jeremías 2:33 ပူးပေါင်းရင်းမြစ်များ

Ezequiel 16:47

Ut laa'at kak'anasi li xmaa'usilaleb' chi numtajenaq wi' chik; chi moko rik'in a'an kik'ojlaak laach'ool, kaq'ax b'an chik ru li xb'aanuhomeb' a'an.

Ezequiel 16:27

«Toja' naq kintaqsi li wuq' sa' aab'een charahob'tesinkil. Kinjeb' laatzekemq ut katinq'axtesi sa' ruq'eb' laj Filistea, li q'axal xik' nakate'ril ut neke'xutaanak xb'aan laatz'i'b'eetalil yu'am.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Jeremías 2:23

Chan put ru naq nakaye: «Maak'a' ninmux wi' wib', ink'a' ninloq'oni ru laj Bahal»? Il eb' laanums chiru li taq'a ut k'e reetal laab'aanuhom, at ch'ina kameey li nakatsachb'esink b'e;

2 Crónicas 33:9

Laj Manasés kixk'am xb'eheb' laj Judá ut eb' laj Jerusalén chi xb'aanunkil li maa'usilal, ut q'axal yib' wi' chik ru ke'xb'aanu chiru li ke'xb'aanu eb' li tenamit ke'sache'k ru xb'aan li Qaawa' chiruheb' laj Israel.

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Jeremías 2:34

Oso'jenaq laab'aatal sa' xkik'eleb' li neb'a' jo' ajwi' sa' xkik'eleb' li maak'a'eb' xmaak, a'eb' li maajun wa xataweb' chi elq'ak.