Jeremías 2:25 - Q'eqchi Bible

²⁵ Chak'e reetal, at Israel! Ok aawe chi xch'e'b'al laawoq ut taachaqiq xsa' laawe xb'aan li chaqi'eel. Ab'an laa'at nakaye: «Maak'a' chik xja'lenkil: laa'in nawulak chiwu xik chirixeb' laj ab'l tenamit ut eb' li jalanil yos twaj tinloq'oni», chankat.

Li Santil hu

²⁵ La̱ex aj Israel, la̱in xinye e̱re, “me̱tacuasi e̱rib chixsicꞌbal li jalanil dios toj retal nak ta̱chakik e̱re”. Abanan la̱ex xeye, “Ma̱cꞌaꞌ xjalenquil. La̱o nakara li jalanil dios ut aꞌan li takalokꞌoni”, chanquex.

Jeremías 2:25 ပူးပေါင်းရင်းမြစ်များ

Deuteronomio 32:16

Ke'xchiq' xjosq'il li Yos xb'aaneb' li jalanil yos ut ke'xyoob' xrahil xch'ool xb'aan li tz'i'b'eetalil na'leb'.

Jeremías 18:12

A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Romanos 8:24

Yaal ajwi' naq ak kolb'ilo, ab'anan ka'ajwi' rik'in oyb'enink; ut li qoyb'enihom, wi na'ilmank ru, moko oyb'eniik ta chik naraj, xb'aan naq ani tab'i' naroyb'eni li k'aru na'ilmank ru?

Lamentaciones 4:4

Li ru'uj raq' li k'uula'al toj natu'uk naxletz rib' sa' re xb'aan li chaqi'eel. Eb' li kok'al neke'xpatz' xwaheb', ab'an maa'ani nak'ehok reheb'.

Jeremías 14:10

Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Jeremías 13:22

Ut wi taaye sa' laach'ool: «K'a'ut naq nink'ul chi jo'ka'in?», chanawaq naq xb'aan laak'iila maa'usilal yookat chi xk'ulb'al a'an; jo'kan naq xe'risi laawaq' chawix ut xate'xmux.

Isaías 57:10

Xb'aan laak'iila b'eenik xattawaak, ab'an maajun wa xaye: «Ink'a' chik nawaj xb'aanunkil». Nakataw li k'aru naxk'e aakawilal, jo'kan naq ink'a' nach'inank laach'ool.

Isaías 2:6

At Qaawa', xatz'eqtaana laatenamit, a'aneb' li ralal xk'ajol laj Jakob, xb'aan naq k'ajo'eb' laj q'e ut eb' laj nawal sa' xyanqeb'; neke'xb'aanu jo'eb' laj Filistea ut neke'xk'am rib' sa' usilal rik'ineb' laj ab'l tenamit.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Deuteronomio 28:48

tatk'anjelaq chiruheb' li xik' neke'ilok aawe, li tixtaqlaheb' li Qaawa' aawik'in. Tattz'okaaq ut taachaqiq aawe, maak'a'aq aab'aatal ut wanqat sa' rajb'al ru chi junajwa. Li Qaawa' tixk'e chakux jun b'itch'iich' toj reetal tat-oso'q.

San Lucas 16:24

Toja' naq kixjap re chi xyeeb'al: «At inyuwa' Abrahán, chawuxtaana wu! Taqla chaq laj Lázaro ut xt'aqresihaq chaq li ru'uj ruq' re naq tolxkehob'resi li ru'uj waq', xb'aan naq q'axal ra wankin sa' li xam a'in».

San Lucas 15:22

“Ab'an li yuwa'b'ej kixye reheb' li xmoos: «K'amomaq chaq chi junpaat li chaab'il aq'ej ut tiqib'omaq. K'ehomaq xmatq'ab' chi ru'uj ruq' ut k'ehomaq xxaab' chi roq.

Oseas 2:3

Wi ink'a' tixkanab' xb'aanunkil, laa'in tinkanab' sa' xutaan ut chi t'ust'u, jo' naq kiyo'laak; jo' li chaqich'och' tkanaaq ut chi pojtz' ch'och', re naq taakamq xb'aan xmajelal li ha'.

Jeremías 44:17

tqab'aanu b'an chixjunil li wank sa' qach'ool xb'aanunkil. Toj yooqo chi xmayejankil k'ajpom ut b'iin chiru li xNa' li choxa, jo' naqab'aanu chalen toj anaqwan, jo' ke'xb'aanu chaq eb' li qana' qayuwa', eb' li awab'ej ut eb' li xjolomileb' li qatenamit sa' xteepal Judá ut sa'atqeb' li b'e re Jerusalén. Xb'aan naq junxil chaq k'ajo' li qatzekemq, jwal us koowank ut maajun rahilal kiqataw.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Jeremías 22:20

“Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Ezequiel 20:32

Sa' eech'ool laa'ex naq kama'aqex eb' li tenamit junch'ol, jo'kaqex eb' li poyanam li neke'loq'onink che' ut pek; ab'anan a'an maajoq'e taak'ulmanq.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Malaquías 3:14

A'an a'in li xeye: «Maak'a' aj e k'anjelak chiru li Yos. K'aru toorusila wi' li xpaab'ankil li xchaq'rab' ut k'aru xyaalal naq yooq chi raho'k qach'ool chiru li Nimajwal Yos?

2 Crónicas 28:23

Kimayejak chiruheb' li xyoseb' laj Damaask, xb'aan kixye sa' xch'ool: “Li xyoseb' li awab'ej re Aram neke'xtenq'aheb'. Jo'kan naq tinmayejaq chiruheb' re naq tine'xtenq'a ajwi' laa'in”, chan sa' xch'ool. A'aneb' li ke'sachok xwankil laj Ajás jo' ajwi' xwankil chixjunileb' laj Israel.

Jeremías 22:21

Kin'aatinak aawik'in naq toj sa wankat chaq, ab'an laa'at kaye: «Ink'a' nawaj aawab'inkil», chankat. Jo'kan nakab'aanu chalen chaq sa' laasaajilal: maajun sut nakawaj xpaab'ankil li waatin.