Jeremías 2:19 - Q'eqchi Bible

¹⁹ A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Li Santil hu

¹⁹ Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Jeremías 2:19 ပူးပေါင်းရင်းမြစ်များ

Isaías 3:9

Chi xnaq' ruheb' nak'utunk li xmaa'usilaleb'; moko muqmu ta li xmaakeb', chanchaneb' wi' laj Sodoom. Toq'ob'eb' xaq ru, xb'aan naq yookeb' chi xsik'b'al li xrahilaleb'!

Jeremías 4:18

“Laana'leb' ut laab'aanuhom xk'amok chaq re li rahilal a'in sa' aab'een; li maa'usilal xwulak li xmay toj sa' laawaanm, xb'aan naq xaq'etq'eti aawib' chiwu”.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Salmos 36:1

Re li xjolomileb' laj b'ichanel. Xsaalm laj David, laj k'anjel chiru li Qaawa'.

Oseas 5:5

Li xq'etq'etileb' laj Israel yo chi q'apliik sa' xb'eeneb'; eb' laj Efraín neke'tichk'ok sa' li xmaa'usilaleb'; jo'kaneb' ajwi' laj Judá.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Romanos 3:18

tik ink'a' neke'xxiwa ru li Yos”.

Zacarías 7:11

Ab'an eb' li tenamit ink'a' ke'raj xpaab'ankil, ke'xjipi chik rib'eb' ut ke'xtz'ap xxikeb' re naq ink'a' ke'ab'ink;

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Oseas 4:16

Laj Israel xq'etq'eti rib' chiru li Qaawa' jo' junaq wakax kaan ru: chan tawi' ru naq taach'oolaniiq xb'aan li Qaawa' jo' junaq ch'ina karneer sa' li chaab'il pach'aya'?

Jeremías 5:22

Ma ink'a' nekexiwa wu laa'in? -chan li Qaawa'-. Ma ink'a' teesiksiki eerib' xb'aan eexiw chiwu? Laa'in kink'e li samahib' cho'q xramleb' li palaw, a'an jun nub'ajl li ink'a' naru xq'axb'al. Us ta te'wakliiq li xkawil oq li ha' ut kaw te'eek'anq, ab'an ink'a' te'nume'q sa' xb'een.

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Isaías 5:5

Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Proverbios 5:22

Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

Proverbios 1:32

Eb' li ink'a' neke'xnaw k'oxlak neke'kamk, xb'aan naq ink'a' neke'raj xk'ulb'al li xna'leb'eb'; ut eb' li jip neke'sachk xb'aan naq ink'a' neke'xk'e xch'ool chi tzolok.

Jeremías 5:24

Ink'a' x'alaak b'ayaq sa' xch'ooleb' xyeeb'al: Qaxiwaaq ru li Qaawa' li qaYos li naxtaqla chaq li hab' sa' xq'ehil; ut ak xaqxo li kutan li naqaxok wi' ru li awimq.

Ezequiel 39:24

Xinb'aanu reheb' jo' chanru li xmaa'usilaleb' ut li xmaakeb', ut xeb'inkanab' xjuneseb'.

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Oseas 13:9

“At Israel, ani taatenq'anq aawe sa' laasachik?

Miqueas 1:5

Chixjunil a'in taak'ulmanq xb'aan naq eb' laj Jakob xe'xq'etq'eti rib' chiru li Yos, xb'aan naq xe'maakob'k eb' laj Israel. B'ar wank li xxe' li xq'etq'etil eb' laj Jakob? Ma ink'a' tab'i' sa' li tenamit Samaria? Ani wank re naq eb' laj Judá xe'ok chi xloq'oninkil eb' li jalanil yos? Ma ink'a' tab'i' sa' li tenamit Jerusalén?

Éxodo 33:6

Jo'kan naq chalen sa' li tzuul Horeb eb' laj Israel ke'risi chirixeb' li xchaab'il aq'eb'.

Jueces 10:13

A'ut laa'ex xineetz'eqtaana ut xex'ok chi xloq'oninkileb' li jalanil yos. Jo'kan naq ink'a' chik texinkol anaqwan.

1 Reyes 18:18

Kisumeek: “Moko laa'in ta li yookin chi sachok re Israel, laa'at b'an ut eb' li ralal xk'ajol laayuwa', xb'aan naq xatz'eqtaana li xchaq'rab' li Qaawa' ut xkohat chirixeb' laj Bahal.

2 Crónicas 12:5

Toja' naq laj Semaías, li propeet, kik'ulunk rik'in laj Robohán ut rik'ineb' li xjolomileb' laj Judá, li ch'utch'uukeb' Jerusalén re yalok rik'in laj Sosak, ut kixye reheb': “Jo'ka'in xye li Qaawa': «Laa'ex xineetz'eqtaana, jo'kan naq laa'in texinkanab' sa' ruq' laj Sosak»”.

2 Crónicas 21:10

Ab'anan eb' laj Edom ke'risi rib' rub'el xwankileb' laj Judá, chalen toj anaqwan. Jo'kan ajwi' ke'xb'aanu eb' laj Libná sa'eb' li kutan a'an, xb'aan naq laj Jorán kixkanab' xloq'oninkil ru li Qaawa', xYos eb' li xxe'toonil yuwa'.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

Jeremías 1:16

Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

Jeremías 7:19

Ma laa'in tab'i' yookeb' chinmajewankil? Ma ink'a' tab'i' a'aneb' ajwi' neke'xmajewa rib' ut chi jo'kan neke'xk'ut xxutaaneb'?

Jeremías 13:22

Ut wi taaye sa' laach'ool: «K'a'ut naq nink'ul chi jo'ka'in?», chanawaq naq xb'aan laak'iila maa'usilal yookat chi xk'ulb'al a'an; jo'kan naq xe'risi laawaq' chawix ut xate'xmux.

Ezequiel 23:30

Taachalq chixjunil a'in sa' aab'een xb'aan naq xutaanal li xab'aanu ut xaloq'oniheb' ru li jalanil yos.

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.