Jeremías 2:16 - Q'eqchi Bible

¹⁶ A'atqeb' laj Menfis ut eb' laj Tafnes xe'sachok re leewankil.

Li Santil hu

¹⁶ Eb laj Menfis ut eb laj Tafnes queꞌnumta saꞌ e̱be̱n ut queꞌrisi le̱ cuanquil.

Jeremías 2:16 ပူးပေါင်းရင်းမြစ်များ

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Jeremías 44:1

A'an a'in li kiyehe'k re laj Jeremías chirixeb' laj Judiiy li wankeb' chaq Ejiipt, sa'eb' li tenamit re Mikdol, Tafnes, Menfis ut li wankatqeb' chaq sa' xteepal Patros:

Isaías 19:13

Xe'kaano' ruheb' li neke'jolomink re Sohán, xe'xb'alaq'i rib' li xninqaleb' ru winq re Nof, ut a'aneb' ajwi' laj k'amol b'e xe'sachb'esink re Ejiipt.

Deuteronomio 33:20

Cho'q re laj Gad kixye: “Usilaatinanb'il taxaq li kinimob'resink re li xna'aj laj Gad. Tuntu kama' li ixqi kaqkoj, naxt'up li xtel ut li xjolom li ani tixchap.

Ezequiel 30:16

Tink'e xxamlel Ejiipt, ut Sin tixtolk'osi rib' xb'aan li rahilal; taahope'q li xsuttz'akil li tenamit Tebas ut Menfis rahaq sa' xch'ool chi junelik.

Ezequiel 30:13

“Laa'in, li Qaawa', ninye chi jo'ka'in: Tinjuk'i eb' li xjalam u li jalanil yos ut tinsach ruheb' li b'alaq'il yos re Menfis. Maajoq'e chik taawanq junaq li taa'awab'ejinq re Ejiipt, ut xiwajel tinkanab' li tenamit a'an.

Jeremías 46:19

Kawresihomaq eerib' chi xik chi preexil, ex aj Ejiipt, xb'aan naq nakirirnak tkanaaq li tenamit Menfis, taasache'q ru chi junwaakaj ut maajun chik wanq chisa'.

Isaías 8:8

Tox'okaq toj Judá, kama' li b'ut'iha', ut taawulaq toj chi xkuxeb' li poyanam: chanchanaq li t'iw helho li xxik' li tixtz'ap chixjunil laatenamit, a Emmanuel”.

2 Reyes 23:33

Laj Johakás kichape'k xb'aan laj Nekó, awab'ej re Ejiipt, sa' li na'ajej Riblá, sa' xteepal Jamat, yal re naq ink'a' taa'awab'ejinq aran Jerusalén. Li Parahón kixteneb' sa' xb'een li tenamit xtojb'al oxlaju xka'k'aal kintal li plaat ut oxib' aroow li oor.

2 Reyes 18:21

Nink'e reetal naq kaw aach'ool rik'ineb' laj Ejiipt chatenq'ankil. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

Jeremías 48:45

“Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Oseas 9:6

Ilomaq: eb' li tenamit xe'elelik xb'aan li rahilal; eb' laj Ejiipt te'k'uluq reheb' ut aran Menfis te'muqlaaq. K'aamla taamuquq re li xb'ihomaleb' ut junes pajl te'yo'laaq sa' li xmuheb'aaleb'.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.