Jeremías 19:5 - Q'eqchi Bible

⁵ Xe'xyiib'atq li tijob'aal cho'q re laj Bahal re xk'atb'aleb' li ralal xk'ajoleb' cho'q mayej sa' xk'ab'a' laj Bahal, ut laa'in ink'a' xintaqlaheb' xb'aanunkil li na'leb' a'in, ink'a' inyehom reheb' chi moko ink'oxlahom kach'inaq.

Li Santil hu

⁵ Queꞌxyi̱beb li naꞌajej li najt xteram re teꞌxlokꞌoni cuiꞌ li yi̱banbil dios Baal ut aran queꞌxcꞌateb li ralal chokꞌ xmayejeb. La̱in incꞌaꞌ quintaklaheb chixba̱nunquil aꞌan, chi moco quebinye reheb nak teꞌxba̱nu. Ma̱ jokꞌe quincꞌoxla nak joꞌcan teꞌxba̱nu.

Jeremías 19:5 ပူးပေါင်းရင်းမြစ်များ

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Deuteronomio 12:31

Maab'aanu chi jo'kan re li Qaawa' laaYos. Xb'aan naq chixjunil li tz'i'b'eetal chiru li Qaawa', chixjunil li tz'eqtaananb'il xb'aan, neke'xb'aanu eb' a'an re xloq'oninkil li xyoseb': a' ajwi' eb' li ralal ut xrab'ineb' neke'xk'at sa' xk'ab'a'eb' li xyos!

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

2 Reyes 17:17

Ke'xk'ehatq chi k'ate'k eb' li ralal xk'ajoleb' cho'q mayej, ke'patz'okje'k rik'ineb' laj q'e ut ke'xtzolatq li nawalink. Ke'xk'e xch'ooleb' chi xb'aanunkil li maa'usilal xb'aan li tumin, toj reetal ke'xchiq' xjosq'il li Qaawa'.

Daniel 2:29

“At awab'ej, naq wankat chaq sa' laach'aat, yookat chi k'oxlak chirix li taak'ulmanq sa'eb' li kutan chaalel. Ut li Yos li nakutanob'resink re li muqmuukil na'leb' xk'utb'esi chawu li k'aru taak'ulmanq.

Ezequiel 38:10

«Laa'in, li Qaawa', ninye chi jo'ka'in: Chiruheb' li kutan a'an taa'alaaq sa' laach'ool xb'aanunkil li ink'a' us.

Ezequiel 20:26

Kinkanab'eb' chi xtz'ajninkil rib'eb' rik'in li xmayejeb', naq ke'xyeechi'i eb' li xb'een ralaleb' cho'q k'atb'il mayej chiruheb' li jalanil yos, re raj naq te'xiwaq ut te'xnaw naq laa'in li Qaawa' Yos».

2 Crónicas 28:3

Kik'atok pom sa' xtaq'ahil Ben-Hinón, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ruheb' xb'aan li Qaawa' chiruheb' laj Israel.

Números 22:41

Toj eq'la re li kutan jun chik, laj Balak kixk'am laj Balaham chirix, toj sa' xb'een li tzuul Bamot-Bahal, b'arwi' nak'utunk kach'in li xmuheb'aaleb' laj Israel.

Ezequiel 16:36

Laa'in, li Qaawa', ninye aawe chi jo'ka'in: Laa'at kat'usub' aawib' ut kak'ut laaxutaan chiruheb' li neke'rahink aawu jo'wi' chiru chixjunileb' laatz'i'b'eetalil yos. Kamayeja ajwi' eb' laawalal aak'ajol chiruheb' a'an.

2 Reyes 21:6

Kixk'at li ralal cho'q xmayej; kixtzol li q'ehink ut li nawalink, kipatz'okatq rik'ineb' laj q'e ut rik'ineb' li musiq'ej. Xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.