Jeremías 19:15 - Q'eqchi Bible

¹⁵ “Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Li Santil hu

¹⁵ —Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—

Jeremías 19:15 ပူးပေါင်းရင်းမြစ်များ

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Jeremías 17:23

A'ut eb' a'an ink'a' kine'xpaab' chi moko ke'raj wab'inkil, ke'xjipi b'an chik rib' re naq ink'a' kine'xpaab' chi moko ke'raj q'use'k.

Nehemías 9:29

Kaq'useb' re naq te'xpaab' wi' chik laachaq'rab', ab'an eb' a'an ink'a' ke'xpaab'; ke'xnimob'resi b'an rib' chawu, ke'maakob'k ut ke'xq'et laataqlahom li nak'ehok xyu'am li ani napaab'ank re. Ke'xkawub'resi ut ke'xjipu li xch'ooleb', tik ink'a' ke'ab'ink.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Jeremías 11:17

Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.

Jeremías 19:3

Taaye reheb': «Ab'ihomaq li raatin li Qaawa', ex awab'ej re Judá jo'wi' laa'ex li wankex Jerusalén. Li Nimajwal Yos, li xYos laj Israel, xye chi jo'ka'in: Nimla rahilal li tintaqla sa' xb'een li na'ajej a'in, toj reetal taaraho'q sa' xxikeb' li te'ab'inq re.

Jeremías 22:21

Kin'aatinak aawik'in naq toj sa wankat chaq, ab'an laa'at kaye: «Ink'a' nawaj aawab'inkil», chankat. Jo'kan nakab'aanu chalen chaq sa' laasaajilal: maajun sut nakawaj xpaab'ankil li waatin.

Jeremías 36:31

Tatink'e chi xtojb'al rix laamaak; jo'kan ajwi' te'xk'ul eb' laawalal aak'ajol ut eb' laj jolominel tenamit. Tintaqla chaq sa' eeb'een, sa' xb'eeneb' laj Jerusalén jo'wi' sa' xb'eeneb' li wankeb' sa' xteepal Judá, chixjunil li rahilal li xinye resil eere chi ink'a' xineepaab'»”.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Jeremías 13:11

Jo' naq nab'ak'mank li k'aamalsa' chi sa'ej, jo'ka'an naq xwaj xb'ak'b'al wik'in chixjunileb' li tenamit Israel ut Judá, rik'in xk'oxlankil naq a'aneb' raj intenamit, li xnimal ink'ab'a', linloq'al ut linwankilal. A'ut eb' a'an ink'a' xe'raj wab'inkil.

Jeremías 18:11

“Jo'kan utan, ye a'in reheb' laj Judá ut reheb' laj Jerusalén: «Li Qaawa' xye chi jo'ka'in: Yookin xkawresinkil eerahob'tesinkil ut ak yookin xk'uub'ankil. Kanab'omaq xb'aanunkil li maa'usilal, tiikob'resiiq ru leeyu'am ut leeb'aanuhom».

Jeremías 25:3

“Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

Jeremías 25:4

Li Qaawa' ajwi' k'iila wa kixtaqla chaq eb' li xpropeet eerik'in, ab'an laa'ex ink'a' kex'abink chiruheb' chi moko kepaab'eb':

Jeremías 25:7

A'ut laa'ex ink'a' nikineepaab' -chan li Qaawa'-; kechiq' b'an injosq'il naq nekeloq'oni li xyiib'ahom leeruq', ut rik'in a'an nekeb'oq chaq li rahilal sa' eeb'een.

Jeremías 25:8

“Jo'kan naq li Nimajwal Yos xye chi jo'ka'in: «Laa'ex ink'a' keraj rab'inkil linq'usum;

Lamentaciones 2:2

Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.