Jeremías 18:21 - Q'eqchi Bible

²¹ Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Li Santil hu

²¹ Anakcuan ta̱takla taxak li cueꞌej saꞌ xbe̱neb li ralal xcꞌajoleb. Cheꞌcamsi̱k ta riqꞌuin chꞌi̱chꞌ. Eb li ixakilbej cheꞌcana̱k chi ma̱cꞌaꞌak chic lix cocꞌaleb ut chi ma̱cꞌaꞌak chic lix be̱lomeb. Eb li be̱lomej cheꞌca̱mk ut eb li toj sa̱jeb cheꞌcamsi̱k saꞌ li ple̱t.

Jeremías 18:21 ပူးပေါင်းရင်းမြစ်များ

Amós 4:10

“Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Lamentaciones 5:3

Maak'a' chik qayuwa', neb'a'yox xookanaak wi'; ut eb' li qana' xe'kanaak chi xmalka'anil.

Jeremías 15:8

K'ajo'eb' li xmalka'an sa' xyanqeb', q'axal naab'aleb' chik chiru li samahib' chire li palaw. Chiru li kutan xe'chalk eb' laj sachonel re xkamsinkileb' li xna'eb' li saaj al. T'anaamil sa' xb'eeneb' li xiwak ut li rahilal.

Jeremías 9:21

“Li kamk x'ok sa'eb' li qab'entaan, xwulak toj sa' li qachaq'alil ru ochoch. Xkamsiheb' li kok'al sa'atqeb' li b'e, ut sa'eb' li k'ayiil xe'kamsiik eb' li saaj al.

Deuteronomio 32:25

Sa'eb' li b'e talaje'kamsiiq li ralal xk'ajol rik'in ch'iich', ut k'ajo'aq li xiwak sa' li rochocheb'. Jun kamikaqeb' chixjunileb', jo' saaj winq jo' saaj ixq, jo' k'uula'al jo' cheekel winq.

Éxodo 22:24

Toja' naq taachalq chi junpaat linjosq'il ut texinkamsi chi ch'iich': leerixaqil xmalka'an chik te'kanaaq, ut leekok'al te'kanaaq chi maak'a' chik xyuwa'eb'.

2 Timoteo 4:14

Laj Alejandro, laj tenol ch'iich', naab'al li rahilal xb'aanu we. Li Qaawa' taa'eeqajunq re jo' chanru li xb'aanuhom.

Jeremías 12:3

At Qaawa', laa'at nakanaw wu; xinaawil ut xak'e reetal naq linch'ool wank aawik'in. K'ameb' sa' li kamsib'aal jo' naq nak'ame'k li karneer, ut k'e reetalileb' cho'q re xkutankil li kamsink.

2 Crónicas 36:17

Toja' naq li Qaawa' kixtaqla chaq li awab'ej re Kaldeha chi yalok rik'ineb' laj Judá. Ut a'an kixkamsiheb' chi ch'iich' eb' li kaweb' rib', sa' rochoch li Yos, ut ink'a' kiril xtoq'ob'aal ruheb' li saaj winq, eb' li tuq'ixq, eb' li cheekel winq chi moko eb' li saq aj chik rismal xjolomeb': chixjunileb' ke'q'axtesiik xb'aan li Qaawa' sa' ruq'eb' laj Kaldeha.

1 Samuel 15:33

A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

Salmos 63:10

A'ut eb' li te'ajoq inkamsinkil, che'nuq'e'q ta xb'aan xchamal li ch'och';

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 13:18

Chi simaj te'xkamsi eb' li saaj al, ink'a' te'ril xtoq'ob'aal ruheb' li k'uula'al, chi moko te'xkuy xmaakeb' li kok'al.

Jeremías 14:16

Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Jeremías 15:7

Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Jeremías 50:30

Jo'kan naq eb' li xsaaj al te'kamsiiq sa'atqeb' li b'e ut chixjunileb' laj puub' te'kamq sa' li kutan a'an”, chan li Qaawa'.

Lamentaciones 1:15

Li Qaawa' xtz'eqtaana chixjunileb' li jwal kaweb' rib' chinkolb'al. Xch'utub'eb' li k'iila aj puub' chi yalok wik'in re xsachb'al ruheb' li saaj al neke'okenk chiwix. Xinxyeq'i sa' roq laa'in li tuq'ixq re Judá, jo' na'uxk reheb' li uub' re xyatz'b'al li xya'al.

Ezequiel 16:38

Tinraqoq aatin sa' aab'een jo' na'uxk re li ixq naxmux li xsumlajik ut li nakamsink, ut tatink'e chi kamk xb'aan linjosq'il ut li xmay inch'ool.

Ezequiel 22:25

Eb' laj k'amol aab'e jo'keb' li kaqkoj li neke'xjap reheb' chi xt'upinkil li xtzak. Xe'xnuq' eb' li poyanam, xe'xmaq'atq li b'ihomal ut li sahil eechej, ut naab'aleb' li xmalka'an wankeb' chik aawik'in.

Salmos 63:11

che'kamsiiq ta rik'in ch'iich' re naq te'kanaaq cho'q xtib'eb' laj xojb'!

Isaías 9:16

Eb' laj jolominel xe'xb'alaq'i li tenamit a'in, ut eb' li neke'taaqenk reheb' xe'sachk xb'aaneb'.