Jeremías 18:20 - Q'eqchi Bible

²⁰ Ma maa'usilal na'eeqajuuk wi' li usilal? Xb'aan naq yookeb' chi xpikb'al li jul re inmuqb'al. Jultikaq aawe naq xintijok chawu re xtz'aamankil laawuxtaan chirixeb' ut xkolb'aleb' chiru li tojb'amaak.

Li Santil hu

²⁰ ¿Ma naru ta biꞌ ta̱kꞌajca̱mu̱k li us riqꞌuin li ma̱usilal? Eb aꞌan chanchan nak ac xeꞌxbec injulel. Jultic a̱cue nak xincol rixeb cha̱cuu. Us xina̱tinac chirixeb re nak incꞌaꞌ ta̱qꞌueheb chixtojbal xma̱queb xban a̱joskꞌil.

Jeremías 18:20 ပူးပေါင်းရင်းမြစ်များ

Salmos 57:6

At inYos, chaterq'usi laawankil toj sa' xb'een li choxa, chiwanq laaloq'al sa' chixjunil li ruuchich'och'.

Salmos 35:7

Xb'aan naq xe'xk'e inra'lenkil chi maak'a' inmaak; xe'xb'ekatq injulel, us ta ink'a' xinmaakob'k.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Salmos 35:12

Usilal ninb'aanu reheb' a'an, a'ut a' chik li maa'usilal nink'ul sa' ruq'eb'. K'ajo' naq namayok li waanm!

Jeremías 18:22

Chi'ab'imanq li japok e sa' rochocheb' naq te'chalq sa' junpaat jun teep chi aj elq' sa' xb'eeneb'. Xb'aan naq xe'xpik li jul re inmuqb'al ut xe'xk'e jun k'aam rub'el woq re inra'lenkil.

Eclesiastés 10:8

Li nab'ekok jul, taat'ane'q chisa'. Li ani tixjor li tz'ak, taatiwe'q xb'aan li k'anti'.

Proverbios 26:27

Li naxb'ek junaq jul, a'an ajwi' taat'ane'q chisa'; ut li natolk'osink pek, tixtaw li kamk rub'el a'an.

Salmos 119:95

Eb' li ink'a' useb' xna'leb' neke'raj inkamsinkil; ab'an laa'in naxik inch'ool chirix laachaq'rab'.

San Juan 15:25

Jo'ka'in xk'ulmank re naq chitz'aqloq ru li aatin tz'iib'anb'il sa' li xChaq'rab'eb' a'an: «Xik' xine'ril chi maak'a' inmaak».

San Juan 10:32

Ut li Jesus kixye reheb': —Naab'al li chaab'il b'aanuhom li neke'chalk rik'in li Yuwa'b'ej xlajink'ut cheru. B'ar wank reheb' a'an li teeraj wi' inkutinkil chi pek?

Jeremías 14:20

At Qaawa', naqaxooto li qamaa'usilal jo'wi' li xmaakeb' li qaxe' qatoon, xb'aan naq xoomaakob'k chawu.

Jeremías 11:14

Ut laa'at, a Jeremías, mattijok chirixeb' li tenamit a'in. Mattz'aamank chi moko chat-elajink chirixeb', xb'aan naq moko te'wab'i ta naq te'xpatz' xtenq'ankileb' sa' xkutankil li nimla rahilal.

Jeremías 7:16

“At Jeremías, mattijok chirix li tenamit a'in, mattz'aamank chiwu chi moko chat-elajinq chirixeb'. Maawelaji wu xb'aan naq moko tatwab'i ta.

Proverbios 17:13

Li naxk'e maa'usilal cho'q reeqaj li usilal ki'uxk re, junelik wanq li rahilal sa' li xjunkab'al.

Salmos 38:20

Numtajenaqeb' chik li xik' neke'ilok we chi maak'a' xyaalal, naab'aleb' li neke'tz'eqtaanank we chi maak'a' inmaak,

Salmos 7:15

K'ehomaq reetal: laj maak xsiyaak li maak rik'in, a'an nujenaq chi maa'usilal; jo'kan naq taarala li b'alaq'il.

Li xHu LAJ JOB 6:27

Laa'ex ink'a' nekexxutaanak chi xk'ayinkil junaq neb'a'yox malaj junaq eeramiiw.

1 Samuel 19:4

Ut laj Jonatán ki'aatinak chirix laj David chiru laj Saúl li xyuwa'; kixye re: “At awab'ej, matmaakob'k rik'in xb'aanunkil li ink'a' us re laj David laj k'anjel chawu, xb'aan naq a'an ink'a' xmaakob'k chawu, xb'aanu b'an naab'al li us re aatenq'ankil.

Jeremías 5:26

Sa' lintenamit wankeb' winq ink'a' useb' xna'leb' li junelik yookeb' chi luktesink ch'oolej, chanchan tawi' naq yookeb' chi ra'lenk xik'anel xul; ab'an a'eb' chik li winq neke'xluktesi xch'ooleb'.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 18:19

Ut laa'in kintijok chi jo'ka'in: “At Qaawa', chak'ul taxaq lintij, chawab'i aj ta wi' li yookeb' xyeeb'al eb' li xik' neke'ilok we.

Jeremías 27:18

Wi raj yaal naq propeeteb' ut wank li raatin li Qaawa' rik'ineb', tijoqeb' anaqwan chiru li Nimajwal Yos, re naq li k'a'aq re ru re li rochoch li Qaawa' li toj xkanaak ut li toj wank sa' rochoch li awab'ej re Judá ut Jerusalén ink'a' taak'ame'q aran Babilonia».

Lamentaciones 3:59

Xak'e reetal li rahilal xe'xb'aanu we chi maak'a' inmaak; raqon aatin chiwix sa' tiikilal.

Jeremías 17:18

Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.