Jeremías 18:12 - Q'eqchi Bible

¹² A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Li Santil hu

¹² Abanan eb aꞌan teꞌxye, “Ma̱cꞌaꞌ na-oc cuiꞌ li cꞌaꞌru yo̱cat chixyebal. Takaba̱nu cꞌaꞌru nakaj la̱o. Takaba̱nu li ma̱usilal li nakacꞌoxla xba̱nunquil,” chaꞌakeb.

Jeremías 18:12 ပူးပေါင်းရင်းမြစ်များ

Jeremías 2:25

Chak'e reetal, at Israel! Ok aawe chi xch'e'b'al laawoq ut taachaqiq xsa' laawe xb'aan li chaqi'eel. Ab'an laa'at nakaye: «Maak'a' chik xja'lenkil: laa'in nawulak chiwu xik chirixeb' laj ab'l tenamit ut eb' li jalanil yos twaj tinloq'oni», chankat.

Deuteronomio 29:19

“Wi ani sa' eeyanq taarab'i li teneb'anb'il sa' qab'een sa' xk'ab'a' li jurament a'in ut ink'a' tixk'e xwankil, tixye b'an sa' xch'ool xjunes rib': «Laa'in us tin'elq sa' chixjunil, us ta tinb'aanu jo' naxye linjipilal», xmaak li winq a'an te'sache'q chixjunileb'.

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Isaías 57:10

Xb'aan laak'iila b'eenik xattawaak, ab'an maajun wa xaye: «Ink'a' chik nawaj xb'aanunkil». Nakataw li k'aru naxk'e aakawilal, jo'kan naq ink'a' nach'inank laach'ool.

San Lucas 1:51

Kixk'ut xwankilal li xtel ut kixcha'cha'i li q'etq'eteb' sa' xch'ooleb'.

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Ezequiel 37:11

Ut li Qaawa' kixye we: “At kaamel winq, eb' li b'aq a'in a'aneb' chixjunileb' li ralal xk'ajol laj Israel. Anaqwan yookeb' chi xyeeb'al: «Xe'chaqik li qab'aqel ut maak'a' chik qoyb'enihom; xoo'oso'k chiqajunilo», chankeb'.

Jeremías 44:17

tqab'aanu b'an chixjunil li wank sa' qach'ool xb'aanunkil. Toj yooqo chi xmayejankil k'ajpom ut b'iin chiru li xNa' li choxa, jo' naqab'aanu chalen toj anaqwan, jo' ke'xb'aanu chaq eb' li qana' qayuwa', eb' li awab'ej ut eb' li xjolomileb' li qatenamit sa' xteepal Judá ut sa'atqeb' li b'e re Jerusalén. Xb'aan naq junxil chaq k'ajo' li qatzekemq, jwal us koowank ut maajun rahilal kiqataw.

Jeremías 23:17

Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

Jeremías 11:8

Ab'anan ink'a' ke'ab'ink chiwu chi moko kine'xpaab', ke'xq'etq'eti b'an chik rib' chiwu ut ke'ok chi xb'aanunkil li naraj li xjip aj ch'ooleb'. Ink'a' ke'xpaab' li k'aru kinchaq'rab'iheb' wi'; jo'kan naq kinrahob'tesiheb' jo' yeeb'il sa' li Sumwank»”.

2 Reyes 6:33

Toj yook ajwi' chi aatinak rik'ineb' li cheekel winq naq li xtaql li awab'ej kiwulak rik'in laj Eliseo ut kixye: “Li Yos xtaqlank chaq li rahilal a'in. Ink'a' chik truuq twoyb'eni naq li Qaawa' tooxtenq'a”.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Malaquías 3:14

A'an a'in li xeye: «Maak'a' aj e k'anjelak chiru li Yos. K'aru toorusila wi' li xpaab'ankil li xchaq'rab' ut k'aru xyaalal naq yooq chi raho'k qach'ool chiru li Nimajwal Yos?

Isaías 65:2

Maak'a' rajb'al naq junelik xink'e inch'ool chi xk'ulb'al jun q'etq'et aj tenamit li junes maa'usilal naxik wi' xch'ool;

Jeremías 6:17

Toja' naq li Qaawa' kixxaqab'eb' aj k'aak'alehom reheb' ut kixye re li tenamit: “K'ehomaq reetal naq taayaab'asiiq li pur”. A'ut li tenamit ke'xye: “Ink'a' naqaj rab'inkil”, chankeb'.