Jeremías 17:9 - Q'eqchi Bible

⁹ “Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Li Santil hu

⁹ Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

Jeremías 17:9 ပူးပေါင်းရင်းမြစ်များ

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

Eclesiastés 9:3

Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

Proverbios 28:26

Li naxkawu xch'ool xjunes rib', a'an maak'a' xna'leb'; ab'an li nab'eresiik xyu'am xb'aan li chaab'il na'leb', a'an tixkol rib'.

Hebreos 3:12

Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

San Mateo 13:15

Xb'aan naq kawujenaq li xch'ool li tenamit a'in, jipeb' sa' xxik ut xe'xmutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Salmos 51:5

Ninnaw chi us naq xinq'et laawaatin, rajlal nanaqk sa' inch'ool li maak xinb'aanu.

San Marcos 2:17

Li Jesus kirab'i a'an ut kixye reheb': —Ink'a' neke'raj aj b'anonel li kaweb', a'eb' b'an li yaj neke'ajok re. Ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

Romanos 7:11

Xb'aan naq li maak xchap xxe' xb'aan li chaq'rab': jo'kan naq xinxq'unb'esi ut xkinxkamsi xb'aan li chaq'rab'.

Efesios 4:22

Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'.

2 Samuel 11:15

A'an a'in li tz'iib'anb'il sa' li hu a'an: “K'ehomaq laj Urías chi uub'ej b'arwi' kaw li yalok, ut chirix chik a'an teekanab' xjunes re naq taatiq'e'q ut taakamq”.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Isaías 1:6

Chalen cheroq toj chejolom maak'a' chik eerusil: sak'b'ilkex, raxteninkex ut tiq'b'ilex, ut maajun nab'anok eere chi moko naxb'at leetiq'ilal; tik maajun nayalok xkotzb'al b'ayaq leerahilal.

Isaías 6:10

Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.

Salmos 64:7

Ani tab'i' taak'ehoq reetal li k'aru yooko?”. Neke'xyoob' raaxiik' ut neke'xmuq li ralahomeb' xch'ool, xb'aan naq k'ajo' xchamal li xch'ool ut xk'a'uxl li winq.

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.