Jeremías 17:3 - Q'eqchi Bible

³ jo' ajwi' sa' xjolomeb' li tzuul ut chiru taq'a. Chixjunil laaweechanihom ut laab'ihomal tink'e chi elq'aak xb'aan li maak li xab'aanu sa'eb' li tijob'aal chi tzuul ut sa' chixjunileb' laana'aj.

Li Santil hu

³ Ut quelokꞌoniheb li yi̱banbil dios saꞌ eb li tzu̱l ut saꞌ eb li cꞌaleba̱l. La̱in tincanab chi elkꞌa̱c le̱ biomal xbaneb li xicꞌ nequeꞌiloc e̱re. Teꞌrelkꞌa li cꞌaꞌru e̱re xban li ma̱usilal xeba̱nu saꞌ eb li naꞌajej li najt xteram li cuan saꞌ chixjunil le̱ naꞌaj.

Jeremías 17:3 ပူးပေါင်းရင်းမြစ်များ

Jeremías 15:13

At Israel, xb'aan chixjunil li xatmaakob'k wi' sa' laana'aj laa'in tinq'axtesi laab'ihomal ut laasahil eechej reheb' li xik' neke'ilok aawe, re naq te'xk'am chi maatan.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

2 Reyes 24:13

Chirix chik a'an laj Nabukodonosor kixxok chixjunil li k'a'aq re ru q'axal terto xtz'aq sa' rochoch li Qaawa'; kixk'am ajwi' li terto xtz'aq li wank sa' rochoch li awab'ej ut kixjuk' chixjunil li oor xyiib'ahom laj Salomón, awab'ej re Israel, re xsahob'resinkil ru li rochoch li Qaawa', jo' kiyehe'k chi junxilaj xb'aan li Yos.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Ezequiel 16:39

Tatinq'axtesi sa' ruq'eb', re naq eb' a'an te'juk'uq re eb' li na'ajej katmaakob'k wi' ut te'xsach ru eb' laatijob'aal. Te'xmaq'i laab'aatal, te'xsaapu laasahil eechej ut tik t'ust'u tate'xkanab'.

Ezequiel 6:3

Ye reheb' chi jo'ka'in: «Ex xtzuulul Israel, ab'ihomaq li naxye li Qaawa' chirixeb' li tzuultaq'a ut eb' li nima': Tintaqla chaq li raaxiik' sa' eeb'een ut tinjuk'i chixjunileb' leetijob'aal.

Lamentaciones 1:10

Eb' li xik' neke'ilok re xe'xxok chixjunil li xb'ihomal. Eb' laj Jerusalén xe'ril li maak'a'eb' xpaab'aal chi ok sa' li xloq'laj ochoch li Yos, a'eb' ajwi' li xaye laa'at, at Qaawa', naq ink'a' naru te'ok sa' laaloq'laj ch'utam.

Jeremías 12:12

Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Levítico 26:30

Laa'in tinjuk' leetijob'aal ut tinputz'iheb' li x'artalil leesununkil ensens, teb'intuub' leekamenaq sa' xb'eeneb' leekamenaqil yos ut texintz'eqtaana;

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

Jeremías 20:5

Tinq'axtesi ajwi' chixjunil li xb'ihomal Jerusalén, jo'ch'inal jo'nimal terto xtz'aq ut chixjunil li xsahil eechej eb' li awab'ej re Judá, sa' ruq'eb' li xik' neke'ilok reheb' re naq te'k'ame'q Babilonia.

Sofonías 1:13

Jo'kan naq taa'elq'aaq li xb'ihomaleb' ut taajuk'manq li rochocheb'. Xe'yiib'ank ochoch, ab'an ink'a' te'wanq chisa'; xe'awk uub', ab'an ink'a' te'uk'aq b'iin”.

Jeremías 21:13

Laa'in, li Qaawa', yo tz'aqal injosq'il sa' eeb'een li nim eewankil chiru taq'a, jo'kex li saqoonak chiru li helhookil ru ch'och'. Laa'ex nekeye: Ani taachalq chi yalok qik'in? Ani toltawoq qe sa' li qakawub'resinb'il tenamit? chankex.

Ezequiel 23:46

Li Qaawa' kixye chi jo'ka'in: “Xch'utub'aqeb' rib' chixjunileb' li poyanam chi xjitb'al lix Oholá ut lix Oholibá, re naq te'xib'esiiq ut taa'elq'aaq li k'aru reheb'.