Jeremías 17:27 - Q'eqchi Bible

²⁷ Ab'anan wi ink'a' nikineepaab' re xsantob'resinkil li xwuq li kutan, ut nekeroksi leeriiq sa' li tenamit Jerusalén sa' li kutan a'an, laa'in tink'e chi k'ate'k eb' li rokeb'aal li tenamit; ut li xam a'an tixk'at eb' li xchaq'alil ru ochoch re Jerusalén, ut maajun chik taaruuq chi chupuk re»”.

Li Santil hu

²⁷ Abanan cui la̱ex incꞌaꞌ te̱ba̱nu li cꞌaꞌru ninye ut cui incꞌaꞌ nequeqꞌue xlokꞌal li hiloba̱l cutan, ut cui nequerocsi le̱ ri̱k saꞌ li hiloba̱l cutan saꞌ eb li oqueba̱l re Jerusalén, la̱in tinsach ruheb li oqueba̱l ut eb li palacio li cuanqueb Jerusalén. Tincꞌateb ut ma̱ ani ta̱ru̱k ta̱chupuk re li xam li tinsach cuiꞌ,” chan li Dios.

Jeremías 17:27 ပူးပေါင်းရင်းမြစ်များ

2 Reyes 25:9

Kixk'at li rochoch li Yos, li rochoch li awab'ej ut chixjunileb' li ochoch wankeb' Jerusalén; kixk'ateb' ajwi' li rochocheb' li xninqaleb' ru winq.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 21:14

Laa'in tinraqoq aatin sa' eeb'een jo' chanru leeyehom ut leeb'aanuhom; tinchoqle leek'iche' ut taak'atq chixjunil li wank chi xsutam. Laa'in, li Qaawa', xinyehok re a'in»”.

Amós 1:14

Jo'kan naq tink'e xxamlel li xsuttz'akil li tenamit Rabá ut te'k'ate'q eb' li xchaq'alil ru ochoch. Tinb'aanu chi jo'kan sa' xkutankil li yalok, sa' li nimla mululij ib', jo' xyaab' li kawil kaqsut-iq'.

Ezequiel 22:8

At Jerusalén, ink'a' nakawoxloq'i eb' linloq'laj eechej chi moko linhilob'aal kutan.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Jeremías 52:13

Kixk'at li rochoch li Qaawa', li rochoch li awab'ej ut chixjunileb' li ochoch wankeb' Jerusalén.

Jeremías 49:27

Laa'in tink'e xxamlel eb' li xsuttz'akil Damaask ut te'oso'q eb' li ch'ina'usil ochoch re Ben-Adad”.

Jeremías 39:8

Eb' laj Kaldeha ke'xk'at li rochoch li awab'ej jo' ajwi' li rochocheb' li poyanam, ut ke'xjuk' li xsuttz'akil Jerusalén;

Isaías 1:20

ab'an wi toj q'etq'etex, ch'olch'o naq texkamq chi ch'iich'. Laa'in li Qaawa' xinyehok eere a'in”.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

Amós 2:2

Jo'kan naq tink'e xxamlel chixjunil li xteepal Mohab ut te'k'ate'q eb' li xchaq'alil ru ochoch re Keryot. Sa' li nimla mululij ib' te'kamq eb' laj Mohab, naq yooq chi yaab'asiik li pur sa' xhonalil li yalok.

Amós 1:12

Jo'kan naq tink'e xxamlel li tenamit Temán ut te'k'ate'q eb' li xchaq'alil ru ochoch re Bosrá”.

Amós 1:10

Jo'kan naq tink'e xxamlel li xsuttz'akil li tenamit Tiro ut te'k'ate'q eb' li xchaq'alil ru ochoch”.

Amós 1:7

Jo'kan naq tink'e xxamlel li xsuttz'akil li tenamit Gasa ut te'k'ate'q eb' li xchaq'alil ru ochoch.

Amós 1:4

Jo'kan naq tink'e xxamlel li rochoch laj Jasahel, ut tinjuk'eb' ajwi' li xmuheb'aal laj Ben-Adad.

Ezequiel 16:41

te'xk'at laawochoch ut chiruheb' chixjunileb' li ixq te'xteneb' tojb'amaak sa' aab'een. Aran toxraqe'q chixjunil laamaa'usilal ut ink'a' chik taatojeb' li neke'rahink aawu.

Jeremías 44:16

“Ink'a' tqapaab' li k'aru xaye qe sa' xk'ab'a' li Qaawa',

Jeremías 32:29

Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Jeremías 22:5

Ab'anan, wi' ink'a' nekepaab' leeq'usb'al inb'aan, li xchaq'alil ru ochoch a'in po'lem taakanaaq wi'»”, chan li Qaawa'.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Jeremías 17:24

«Ab'anan, wi laa'ex nikineepaab' -chan li Qaawa'-, wi nekeroxloq'i li kutan sábado ut maajun k'anjel teeb'aanu chi moko teenumsi leeriiq sa'eb' li rokeb'aal Jerusalén,

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Jeremías 6:17

Toja' naq li Qaawa' kixxaqab'eb' aj k'aak'alehom reheb' ut kixye re li tenamit: “K'ehomaq reetal naq taayaab'asiiq li pur”. A'ut li tenamit ke'xye: “Ink'a' naqaj rab'inkil”, chankeb'.

Isaías 1:31

Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

2 Crónicas 36:19

Ke'xk'at ajwi' li rochoch li Qaawa', ke'xjuk' li xsuttz'akil Jerusalén, ke'xk'e xxamlel li xninqaleb' ru ochoch ut ke'xputz'i chixjunil li k'a'aq re ru jwal loq'.

2 Reyes 22:17

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Salmos 122:7

Chiwanq tuqtuukil usilal chi xsutam laatz'ak ut xnimal sahilal sa'atqeb' li xninqal ru laawochoch”.

Jeremías 18:1

Li Qaawa' ki'aatinak wik'in ut kixye we:

Lamentaciones 2:6

Jo' junaq aj elq' xweqi li xloq'laj ochoch ut kok'putz' xkanab' li na'ajej na'uxk wi' ch'utlaak. Ink'a' chik na'uxk ninq'ehik aran Sión chi moko neke'roxloq'i li sábado. Sa' xxamlel li xjosq'il li Qaawa' xk'e chi sache'k li awab'ej ut eb' laj tij.

Ezequiel 21:15

K'ajo' naq te'xiwaq xb'aan li ch'iich', ut naab'aleb' li te'kamsiiq. Sa' li junjunq chi okeb'aal xinxaqab'eb' laj kamsinel chi ch'iich': nalemtz'unk ru li ch'iich' re naq replotq rilb'al, ut q'esnanb'il li re chi us, re kamsink.

Ezequiel 23:38

Ut moko ka'aj ta wi' a'an ke'xb'aanu we, ke'xmux aj b'an wi' linloq'laj ochoch sa' jun chi kutan ut ink'a' ke'roxloq'i linhilob'aal kutan.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Ezequiel 21:3

ut ye reheb': «K'ehomaq reetal naq xik' chik nekexwil. Twisi chaq linq'esnal ch'iich' ut tinkamsi li tiik xch'ool jo'wi' laj maak.