Jeremías 17:22 - Q'eqchi Bible

²² Meerisi chik leeriiq sa' leerochoch sa' li kutan sábado; maajun chik k'anjel teeb'aanu, santob'resiiq b'an li kutan a'an sa' ink'ab'a' jo' kinchaq'rab'iheb' wi' leexe'toonil yuwa'.

Li Santil hu

²² Chi moco te̱risi li i̱k saꞌ le̱ rochoch saꞌ li hiloba̱l cutan. Ut incꞌaꞌ texcꞌanjelak. Cheqꞌuehak xlokꞌal li hiloba̱l cutan joꞌ quinye reheb le̱ xeꞌto̱nil yucuaꞌ.

Jeremías 17:22 ပူးပေါင်းရင်းမြစ်များ

Ezequiel 20:12

Kink'e ajwi' chi xloq'oniheb' li xwuq li kutan, ut a'an kikanaak jo' eetalil rik'ineb' a'an ut laa'in, re raj te'xjultika naq laa'in, li Qaawa', insantob'resihomeb' cho'q intenamit.

Isaías 58:13

“Chawoxloq'i li kutan sábado ut matyakok sa' linsantil kutan. Chaye re li kutan a'an: «sahil kutan», «loq'laj kutan», cha'qat re li xsantil kutankil li Qaawa'; chawoxloq'i ut matxik chik b'araq, matyakok sa' li sábado chi moko taab'aanu li nakawaj aajunes aawib'.

Éxodo 23:12

“Chiru waqib' kutan tatk'anjelaq, ab'an sa' li xwuq tathilanq, re naq te'hilanq laab'ooyx ut laab'uur, ut te'k'ulunq xch'ool li xyum laamoos ut li jalan xtenamit.

Apocalipsis 1:10

Sa' xkutankil li Qaawa', kinreechani li Musiq'ej ut kiwab'i chiwix jun kawil xyaab' kuxej, kama' xyaab' li tronpeet, yo chi xyeeb'al we:

San Lucas 23:56

Chirix chik a'an ke'q'ajk, koxe'xkawresi sununkil b'an ut miir, ut ke'hilank sa' li sábado, jo' chanru naxye li xChaq'rab' laj Moisés.

San Lucas 6:5

Kixye ajwi' reheb': —Li K'ajolb'ej a'an aj eechal re li sábado.

Ezequiel 22:8

At Jerusalén, ink'a' nakawoxloq'i eb' linloq'laj eechej chi moko linhilob'aal kutan.

Levítico 23:3

“Waqib' kutan tatk'anjelaq, ab'an sa' xwuq li kutan tathilanq, a'an hilob'aal kutan re jun loq'laj ch'utam. Yalaq b'ar wanqat, a'anaq hilob'aal kutan sa' xk'ab'a' li Qaawa'.

Levítico 19:3

“Li junjunq chiroxloq'i li xna' xyuwa'. “Cheroxloq'i ajwi' linkutan sábado. Laa'in li Qaawa' leeYos.

Nehemías 13:15

Sa'eb' li kutan a'an kink'e ajwi' reetal naq wankeb' aj Judá neke'k'anjelak sa' li hilob'aal kutan: neke'yatz'ok uub', neke'b'eelank triiw chi joob', neke'xk'eheb' li b'uur chi riiqankil li b'iin, uub', iig ut yalaq k'a' chi iiqul, re xk'amb'al chaq Jerusalén sa' li kutan sábado. Toja' naq keb'inq'us ut kinye reheb' naq ink'a' te'k'ayinq sa' li kutan a'an.

Jeremías 17:24

«Ab'anan, wi laa'ex nikineepaab' -chan li Qaawa'-, wi nekeroxloq'i li kutan sábado ut maajun k'anjel teeb'aanu chi moko teenumsi leeriiq sa'eb' li rokeb'aal Jerusalén,

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.