Jeremías 17:2 - Q'eqchi Bible

² Eb' laawalal aak'ajol najultiko'k reheb' eb' li artal ut li xtooneb' li che' nekek'e cho'q yos, li wankatqeb' sa' xmuheb' li che', sa' xb'eenatq eb' li xninqal b'ool

Li Santil hu

² Jultic reheb le̱ ralal e̱cꞌajol eb li artal ut li yi̱banbil dios xAsera li quelokꞌoni rubeleb li cheꞌ li ni̱nk xmuheb ut saꞌ eb li naꞌajej li ni̱nkeb xteram.

Jeremías 17:2 ပူးပေါင်းရင်းမြစ်များ

2 Crónicas 24:18

Ke'xtz'eqtaana li rochoch li Qaawa', xYos eb' li xxe'toonil yuwa'eb', ut a'eb' chik li loq'laj che' ut li jalaneb' yos ke'xloq'oni ru. Jo'kan naq kichalk xjosq'il li Qaawa' sa' xb'een Judá ut Jerusalén, xb'aan li maak ke'xb'aanu.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Isaías 17:8

Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

Isaías 1:29

Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

2 Crónicas 33:3

Kixyiib' wi' chik eb' li tijob'aal sa' xjolomeb' li tzuul, li kixjuk'eb' laj Esekías li xyuwa'. Kixxaqab'eb' li x'artal laj Bahal ut kixyiib'atq ajwi' xjalam u lix Aserá. Kixwiq'ib' rib' chiruheb' li xsaqenkil ru li choxa ut kixloq'oniheb',

Jueces 3:7

Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Jeremías 7:18

Eb' li alal k'ajolb'ej neke'k'amok chaq li si', eb' li yuwa'b'ej neke'tz'ab'ok li xam ut eb' li ixaqilb'ej neke'k'uub'ank re li k'uluj re xmayejankil chiru li jalanil yos, a' li xNa' li choxa neke'xye re. Neke'xchiq' ajwi' injosq'il naq neke'uk'ak sa' xk'ab'a'eb' li jalanil yos.

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

2 Crónicas 33:19

Li xtij ut li xsumenkil xb'aan li Qaawa', chixjunil li xmaak ut li b'alaq'ik kixb'aanu, eb' li na'ajej kixyiib'atq wi' eb' li tijob'aal ut b'arwi' kixk'ehatq eb' li xjalam u lix Aserá ut eb' li jalanil yos, naq toj maji' nayot'e'k xch'ool ut naxkub'si li xwankil, chixjunil a'an tz'iib'anb'il sa' xHuhil li xyehom ut xb'aanuhom laj Josay.

Éxodo 34:13

Taajuk'i li x'artaleb', taapuk'iheb' li xxaqab'anb'il pek ut taayok'i eb' li xloq'laj toon che'.

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Deuteronomio 12:2

“Teesach chi junajwa chixjunileb' li na'ajej b'arwi' neke'xloq'oni li xyoseb' eb' li tenamit teereechani: teesach sa' xb'eeneb' li tzuul, sa' xb'eeneb' li b'ool ut rub'elatq chixjunil li xchaq'alil ru che'.