Jeremías 17:18 - Q'eqchi Bible

¹⁸ Kanaaqeb' sa' xutaan eb' li neke'ajok inrahob'tesinkil, ut maawa' laa'in tinxutaanaq. Sachqeb' xch'ool a'an, ut maawa' laa'in li taasachq inch'ool. Taqla chaq li rahilal sa' xb'eeneb' ut sach ruheb' chi junwaakaj.

Li Santil hu

¹⁸ Ta̱cꞌuteb taxak xxuta̱neb li yo̱queb chinsicꞌbal re teꞌxba̱nu raylal cue. Ut incꞌaꞌ taxak ta̱cꞌut inxuta̱n la̱in. Yo̱k ta xxiuheb teꞌcana̱k. Abanan la̱in incꞌaꞌ ta̱qꞌue chi sachc inchꞌo̱l. Nabal taxak li raylal ta̱takla saꞌ xbe̱neb toj retal teꞌosokꞌ.

Jeremías 17:18 ပူးပေါင်းရင်းမြစ်များ

Salmos 35:4

Te'kaqo'q xb'aaneb' xxutaan eb' li neke'raj inkamsinkil; che'sutq'iiq chirixeb' chi sachsooqeb' xch'ool eb' li neke'yoob'ank ch'a'ajkilal chiwix.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Jeremías 11:20

A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Salmos 40:14

Chakuy taxaq inmaak, at Qaawa', ut chinaakol; seeb'a chaq aawib' chintenq'ankil, at Qaawa'!

Salmos 35:8

Chichalq taxaq li sache'k sa' xb'eeneb' chi maak'a'eb' sa' xch'ool: che'chape'q taxaq xb'aan li ra'al xe'xyiib', che't'ane'q taxaq sa' li jul b'ekb'il xb'aaneb'!

Apocalipsis 18:6

K'ehomaq re jo' naq a'an kik'ehok, chek'e reeqaj li xb'aanuhom ka' sut chik xk'ihal. Ut sa' li sek' kixkawresi wi' li uk'a', chekawresi laa'ex li xka'wail re a'an.

Jeremías 17:16

Ab'an laa'in maajun sut xwelaji aawu naq taataqla chaq li rahilal sa' xb'eeneb', chi moko xinyo'oni li rahilal cho'q reheb' a'an. Laa'at nakanaw chi us chixjunil linyehom, xb'aan naq inyehom chawu ut sa' laak'ab'a'.

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

Salmos 71:1

At Qaawa', aawik'in ninmuhenk, maajaruj taxaq taasachb'esiiq inch'ool chawix!

Salmos 70:2

At inYos, kim chinkolb'al! At Qaawa', seeb'a chaq aawib' chintenq'ankil!

Li xHu LAJ JOB 16:14

Xte lintib'el yalaq b'ar, jo' junaq aj puub' li xik re chi yalok.

Jeremías 14:17

Ye reheb' li tenamit li aatin a'in: «Chi q'eq ut chi kutan ink'a' ninkanab' li yaab'ak xb'aan li nimla rahilal yo xk'ulb'al lintenamit, k'ajo' xnimal li xtiq'ilal!

Jeremías 1:17

Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Jeremías 12:3

At Qaawa', laa'at nakanaw wu; xinaawil ut xak'e reetal naq linch'ool wank aawik'in. K'ameb' sa' li kamsib'aal jo' naq nak'ame'k li karneer, ut k'e reetalileb' cho'q re xkutankil li kamsink.

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Jeremías 17:19

Li Qaawa' kinraatina chi jo'ka'in: “Ayu ut xaqab' aawib' sa' Rokeb'aal laj Benjamín b'arwi' neke'ok ut neke'elk li awab'ej re Judá; ut jo'kan ajwi' taab'aanu sa' chixjunileb' li okeb'aal wankeb' Jerusalén.

Deuteronomio 33:11

At Qaawa', chawosob'tesiheb' re naq kawaqeb', ut chak'ul chi anchal aach'ool li k'anjel neke'xb'aanu. Chasach ruheb' li neke'yalok rik'ineb'; ink'a' chik che'wakliiq chaq li xik' neke'ilok reheb'”, chan laj Moisés.