Jeremías 17:11 - Q'eqchi Bible

¹¹ Li ani nab'ihomo'k rik'in b'alaq'ik, a'an kama' li xik'anel xul li naxmetzo li mol maawa' re. Taasachq li xb'ihomal chiru, chi junpaat, ut taakanaaq jo' li maak'a' xna'leb'.

Li Santil hu

¹¹ Li ani naxtau xbiomal riqꞌuin balakꞌic, aꞌan chanchan li xul li naxhupub rib saꞌ xbe̱n li mol li ma̱cuaꞌ re. Nak toj ma̱jiꞌ ti̱x, tixsach lix biomal ut ta̱cꞌutu̱nk nak ma̱cꞌaꞌ xnaꞌleb.

Jeremías 17:11 ပူးပေါင်းရင်းမြစ်များ

Proverbios 28:20

Li tiik xch'ool, naab'aleb' neke'osob'tesink re; a'ut li nab'ihomo'k chi junpaat, toxtoj rix li xmaak.

Proverbios 21:6

Li b'ihomal sik'b'il rik'in b'alaq'ik, maak'a' na'ok wi'; a'an chanchan li sib' cho'q reheb' li neke'xsik' li kamk.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Jeremías 22:13

“Ra chaalel sa' aab'een li nakatkab'lak rik'in maa'usilal ut nakayiib' laawochoch rik'in b'alaq'ik; nakatawasiheb' laawas aawiitz'in chi k'anjelak ut ink'a' nakatoj li xk'anjeleb'.

Proverbios 28:8

Li nak'ehok tumin chi to' ut terto li ral naxpatz', a'an nab'ihomo'k; ab'an li k'aru naxtamresi, tkanaaq cho'q re li na'uxtaanank ru li neb'a'.

Proverbios 15:27

Li narataw b'ihomo'k naxsach li xjunkab'lal; ab'an li ink'a' naraj tuminaak ru najtaq roq li xyu'am.

2 Pedro 2:14

Ka'aj chik maa neke'xtiw eb' li ixq rik'in xsa' ruheb', tik ink'a' nak'ojlaak xch'ooleb' chi maakob'k; neke'xq'unb'esi li q'uneb' xch'ool, ak k'aynaqeb' chi xrahinkil ru li b'ihomal, maa'usilanb'ileb' chi junajwa!

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

Sofonías 1:9

Sa' li kutan a'an tinrahob'tesiheb' ajwi' li neke'ok chi pisk'onb'il sa' rochoch li xyoseb' ut neke'xnujob'resi a'an rik'in elq' ut b'alaq'ik”.

Proverbios 28:22

Li pix aj winq narataw b'ihomo'k chi junpaat, ut ink'a' naxnaw naq sa' neb'a'il tox'oso'q.

Proverbios 13:11

Li b'ihomal li natawmank chi junpaat, sa' junpaat taa'oso'q; li ani naxch'utub' li xtumin chi timil timil, taab'ihomo'q.

Salmos 55:23

Chaq'axtesi sa' ruq' li Qaawa' li k'a'ux wi' laach'ool, ut a'an taakuutunq aawe; maajoq'e tixkanab' li tiik xch'ool chi oso'k chi junajwa.

San Lucas 12:20

A'ut li Yos kixye re: «At jip, sa' ajwi' li q'oqyink a'in taamaq'e'q chawu laayu'am. Ut li k'a'aq re ru xakawresi, ani taa'eechaninq re?».

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

1 Timoteo 6:9

A'ut eb' li neke'raj b'ihomo'k, neke'xk'e rib' chi aaleek ut te't'ane'q sa' li ra'al, sa' k'iila paay chi kaqalik q'axal yib'eb' ru ut maak'a' na'ok wi': eb' a'an neke'k'amok reheb' li winq sa' li sachleb'aal ut sa' li lajk-oso'k.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Miqueas 2:9

Nalajerisi eb' li ixq sa' li rochocheb' q'axal raaro xb'aaneb', ut nekemaq' xloq'aleb' li ralal xk'ajoleb' li ink'ehom reheb' laa'in.

Amós 3:10

Li Qaawa' kixye chi jo'ka'in: “Eb' a'an ink'a' neke'xb'aanu li tiikilal, ut neke'xnujob'resi li rochocheb' rik'in li k'aru xe'relq'a naq xe'xrahob'tesi eb' li ras riitz'in”.

Proverbios 28:16

Naq na'awab'ejink li ink'a' us xna'leb', nanumtaak li rahilal; ab'an li awab'ej li ink'a' narataw ru li b'ihomal, taanajto'q roq li xyu'am.

Proverbios 23:5

xb'aan naq sa' junpaat naxik jo' naxik'ank li t'iw. Wi relik chi yaal toxaawil li b'ihomal, sa' junpaat taasachq chawu.

Salmos 49:13

Li winq ink'a' nakanaak rik'in li xb'ihomal chi junelik, chanchan b'an eb' li xul li neke'kamk.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Li xHu LAJ JOB 20:21

maa'ani kixkol rib' chiru. Jo'kan naq li xb'ihomal ink'a' najt tixkuy.