Jeremías 17:10 - Q'eqchi Bible

¹⁰ Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Li Santil hu

¹⁰ Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Jeremías 17:10 ပူးပေါင်းရင်းမြစ်များ

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Romanos 8:27

Ut li Yos, li ch'olch'o chiru k'aru wank sa' ch'oolej, naxnaw k'aru xk'a'uxl li Musiq'ej, xb'aan naq li Musiq'ej natijok chirixeb' laj santil paab'anel jo' chanru naraj li Yos.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Jeremías 11:20

A'ut laa'at, at Qaawa', at Nimajwal Yos, q'axal tiik laach'ool chi raqok aatin; nakatz'il rix li xch'ool ut li xk'a'uxl li winq. K'ut chiwu li rahilal taataqla chaq sa' xb'eeneb' a'an, xb'aan naq sa' laawuq' xinq'axtesi linyu'am.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Jeremías 20:12

At Nimajwal Yos li nakayal rixeb' li tiikeb' xch'ool, li nakanaw ut nakawil k'aru wank sa' xch'ool li winq, k'ut chiwu chanru naq tat-eeqajunq sa' xb'eeneb', xb'aan naq xinq'axtesi wib' sa' laawuq'.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Apocalipsis 22:12

“K'e reetal, laa'in tinchalq chi seeb' ut tink'am chaq linq'ajkamuhom re xtojb'al li junjunq jo' chanru li xyehom xb'aanuhom.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Proverbios 17:3

Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

2 Crónicas 6:30

Chakuy xmaak toj sa' laaloq'laj muheb'aal ut chatenq'a rik'in raqok aatin sa' xb'eeneb', jo' chanru xk'ulub' li junjunq. Laa'at nakanaw li xk'a'uxl li junjunq, ka'ajwi' laa'at nakanaw k'aru wank sa' xch'ool li winq ut li ixq.

San Juan 2:25

ut ink'a' na'ajmank ru naq taa'aatinaq anihaq chirixeb' li poyanam, xb'aan naq A'an naxnaw k'aru wank sa' xch'ool li ju'junq.

Jeremías 21:14

Laa'in tinraqoq aatin sa' eeb'een jo' chanru leeyehom ut leeb'aanuhom; tinchoqle leek'iche' ut taak'atq chixjunil li wank chi xsutam. Laa'in, li Qaawa', xinyehok re a'in»”.

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Miqueas 7:13

Ab'an nakirnak taakanaaq li xna'ajeb' li tenamit a'an xb'aan li maa'usilal xe'xb'aanu jo'k'ihaleb' li wankeb' aran.

San Mateo 6:4

re naq li k'aru xasi wanq sa' muqmu; ut laaYuwa' li naril li wank sa' muqmu, tatxq'ajkamu.

Hechos 1:24

Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru.

1 Reyes 8:39

Chakuy xmaak toj sa' laaloq'laj muheb'aal ut chatenq'a rik'in raqok aatin sa' xb'eeneb', jo' chanru xk'ulub' li junjunq. Laa'at nakanaw xk'a'uxl li junjunq, ka'ajwi' laa'at nakanaw k'aru wank sa' xch'ool li winq ut li ixq.

Salmos 44:21

Wi xsachk ta sa' qach'ool xk'ab'a' li qaYos, wi xqataqsi ta li quq' re xloq'oninkil li jalanil yos,

Eclesiastés 9:3

Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

Isaías 59:18

Li Qaawa' tixq'ajkamu li junjunq jo' chanru li xk'ulub': tixrahob'tesiheb' laj rahob'tesinel ut taa'eeqajunq sa' xb'eeneb' li xik' neke'ilok re, sa' xb'eeneb' ajwi' li tenamit sutsuukeb' xb'aan li palaw.

Jeremías 12:13

Xe'awok triiw, ut k'ix chik xe'xxok; maak'a' rajb'al naq xe'k'anjelak chi kaw. Te'xutaanaq chi xxokb'al li kach'in ajwi' xb'aan naq k'ajo' li xxamlel linjosq'il”.

Ezequiel 11:5

Sa' li honal a'an li xmusiq' li Yos kinreechani ut kinxtaqla chi xyeeb'al reheb' laj Israel: “Jo'ka'in xye li Qaawa': «A'an a'in li nekek'oxla, ex aj Israel. Ninnaw chi us leek'a'uxl.

Ezequiel 14:5

“Tintoch' xch'ooleb' laj Israel li xe'najto'k wik'in xb'aan chixjunileb' li xjalanil yoseb'.

Li xHu LAJ JOB 34:11

Li Yos naxq'ajkamu li junjunq a' yaal chanru li xyehom ut xb'aanuhom; naxk'e re li junjunq jo' li xk'ulub'.

Salmos 7:10

Laa'at li nakatnawok re li wank sa' li ch'oolej, laa'at nakawil li wank sa' xchamal li qaanm, chak'e taxaq chi ch'anaak li xmaa'usilaleb' li ink'a' useb' xna'leb'; chak'e xkawub' xpaab'aal eb' li tiikeb' xyu'am, at inYos li q'axal tiik aach'ool.

Salmos 44:22

ma ink'a' ta raj xk'e reetal li Qaawa', li nanawok chixjunil li wank sa' li ch'oolej?

Proverbios 12:14

Li junjunq tixk'ul xq'ajkamunkil a' yaal chanru li xyehom ut xb'aanuhom.

Jeremías 23:2

Jo'ka'in kixye li Qaawa', li xYos laj Israel, chirixeb' li neke'ilok re li xtenamit: “Laa'ex xexcha'cha'ink reheb' linkarneer, xek'eheb' chi elelik ut ink'a' xerileb'. Jo'kan naq laa'in texink'e chi xtojb'al rix leemaak -chan li Qaawa'-.