Jeremías 16:5 - Q'eqchi Bible

⁵ Li Qaawa' kixye wi' chik we: “Mat-ok sa' junaq ochoch b'arwi' yo li yo'lenk kamenaq. Matyaab'ak chirixeb' li kamenaq chi moko taak'ojob' xch'ooleb', xb'aan naq sa' li tenamit a'in xwisi linrahom, lintuqtuukil usilal ut li wuxtaan -chan li Qaawa'-.

Li Santil hu

⁵ Mat-oc saꞌ li cab li yo̱keb cuiꞌ chi yoꞌle̱nc camenak, chi moco chi rahocꞌ a̱chꞌo̱l chirixeb, chi moco chacꞌojobeb xchꞌo̱l xban nak la̱in li Ka̱cuaꞌ xcuisi li tuktu̱quil usilal saꞌ xya̱nkeb li tenamit aꞌin. Incꞌaꞌ chic tincuuxta̱na ruheb chi moco tincuil xtokꞌoba̱l ruheb.

Jeremías 16:5 ပူးပေါင်းရင်းမြစ်များ

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Apocalipsis 6:4

Toja' naq ki'elk jun chik kawaay, kaq rix, ut li k'ojk'o chi xb'een kik'ehe'k xwankil re risinkil li tuqtuukilal sa' ruuchich'och', re naq te'xkamsi rib' chirib'ileb' rib' eb' li winq; ut kiq'axtesiik re jun li nimla jutz' ch'iich'.

Zacarías 8:10

Xb'aan naq chiruheb' li kutan a'an maak'a' chaq li tojleb' cho'q reheb' li winq chi moko reheb' li xul neke'iiqank; maak'a' ajwi' li tuqtuukilal sa' xyanqeb' li poyanam xb'aaneb' li xik' neke'ilok reheb', ut laa'in ajwi' xinb'aanunk naq maak'a' li sahilal chirib'ileb' rib' li tenamit.

Salmos 25:6

Chijultiko'q taxaq aawe, at Qaawa', laawusilal jo' ajwi' laarahom li wank chi junelik.

Jeremías 12:12

Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Jeremías 13:14

Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Jeremías 16:13

Jo'kan naq texwisi sa' li na'ajej a'in ut texxik sa' jun tenamit li ink'a' eenawom ru chi moko rilomeb' leena' leeyuwa', ut aran texk'anjelaq chiruheb' li jalanil yos, xb'aan naq ink'a' chik nawil xtoq'ob'aal eeru».

Lamentaciones 3:17

Maak'a' chik tuqtuukil usilal sa' li waanm ut xsachk sa' inch'ool k'aru li sahil ch'oolej.