Jeremías 16:17 - Q'eqchi Bible

¹⁷ Xb'aan naq kutan saqenk chiwu chixjunil li xb'aanuhomeb', nawil li xmaakeb' ut nink'e reetal chi us li xmaa'usilaleb'.

Li Santil hu

¹⁷ La̱in nacuil chixjunil li cꞌaꞌru nequeꞌxba̱nu. Ma̱cꞌaꞌ mukmu chicuu. Incꞌaꞌ naru teꞌxmuk lix ma̱usilaleb.

Jeremías 16:17 ပူးပေါင်းရင်းမြစ်များ

Proverbios 15:3

Li Qaawa' wank yalaq b'ar ut narileb' li chaab'il ut li ink'a' useb' xch'ool.

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

Proverbios 5:21

Li Qaawa' naril li xna'leb' li junjunq ut naxk'e reetal li xb'aanuhom.

Salmos 90:8

Laa'at nakanaw chixjunil li qamaak. Li k'aru xqab'aanu chi muqmu, kutan saqenk chik chawu laa'at.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Ezequiel 9:9

Li Qaawa' kichaq'ok ut kixye we: “Q'axal numtajenaq li xmaakeb' laj Israel ut eb' laj Judá. Nujenaq chi kamenaq chixjunil li tenamit; maak'a' chik tiikilal aran Jerusalén. Sa' xch'ooleb' a'an naq xinkanab' xjunes li tenamit ut ink'a' nawil li k'aru yookeb' chi xb'aanunkil.

Isaías 29:15

Ra chaalel sa' xb'eeneb' li neke'xmuq rib' chiru li Qaawa' yal re xmuqb'al li xk'a'uxeb'! Neke'b'aanunk maa'usilal sa' li aak'ab' ut neke'xye: “Maajun na'ilok qe, maajun nanawok qu”, chankeb'.

Salmos 139:3

Ch'olch'o chawu b'ar ninb'eek ut jo'q'e ninsotlaak; nakak'e reetal jo'ch'inal jo'nimal li ninb'aanu.

Ezequiel 8:12

Toja' naq li Qaawa' kixye we: “At kaamel winq, ma xawil k'aru neke'xb'aanu sa' muqmu eb' li xcheekelal laj Israel? Ma xak'e reetal chanru naq li junjunq naxloq'oni ru li xjalanil yos sa' li xtijob'aal? Sa' xch'ooleb' a'an naq ink'a' nawil ruheb' ut xin'elk sa' li tenamit a'in”.

Salmos 51:9

Chakirkiri li ha' sa' inb'een, ut tinkanaaq chi saq ru linyu'am; chinaach'ajob'resi, ut q'axal saqpotz'inaqin chik chiru li ratz'amke.

Salmos 109:15

Junelik ta chiwanq sa' xch'ool li Qaawa' chixjunil a'an re naq chixsach li xk'ab'a'eb' sa' ruuchich'och'.

Jeremías 2:22

Us ta taach'ajob'resi aawib' chi chaab'il, us ta taaxab'oni aawib' chi us, ab'an toj wanq reetalil laamaa'usilal chiwu -chan li Nimajwal Yos-.

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Sofonías 1:12

“Sa' li kutan a'an tinxok linsaqenk ut tinpoqle li tenamit Jerusalén. Toja' naq tink'eheb' chi xtojb'al li xmaakeb' li k'ojk'ookeb' xch'ool ut sa yookeb' chi hilank, eb' li neke'yehok sa' xch'ooleb': «Li Qaawa' maak'a' naxb'aanu: chi moko li us chi moko li ink'a' us».

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

Li xHu LAJ JOB 10:14

laa'at nakawil linb'aanuhom re xk'eeb'al reetal ma wank inmaak, ut chi jo'kan naru tinaak'e chi xtojb'al linmaak.

Li xHu LAJ JOB 31:4

Li Yos naril chixjunil li ninb'aanu ut naxnaw chixjunil linb'e.

Salmos 33:15

A'an kiyiib'ank re li junjunq chi ch'oolej ut naxk'e reetal jo'ch'inal jo'nimal li neke'xb'aanu.

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Jeremías 7:11

Malaj nekek'oxla naq li ochoch nanimaak wi' link'ab'a', a'an rochocheb' laj elq'? Laa'in nink'e reetal jo'ch'inal jo'nimal li nekeb'aanu. Raatin li Qaawa'.