Jeremías 16:13 - Q'eqchi Bible

¹³ Jo'kan naq texwisi sa' li na'ajej a'in ut texxik sa' jun tenamit li ink'a' eenawom ru chi moko rilomeb' leena' leeyuwa', ut aran texk'anjelaq chiruheb' li jalanil yos, xb'aan naq ink'a' chik nawil xtoq'ob'aal eeru».

Li Santil hu

¹³ Joꞌcan nak li Dios texrisi saꞌ li naꞌajej aꞌin. Texqꞌue chi cꞌamecꞌ saꞌ jalan chic naꞌajej li incꞌaꞌ xenau chi moco le̱ xeꞌto̱nil yucuaꞌ queꞌxnau. Nak cua̱nkex aran, la̱ex texcꞌanjelak chiruheb li jalanil dios chi kꞌek chi cutan ut li Dios incꞌaꞌ ta̱ril xtokꞌoba̱l e̱ru.”

Jeremías 16:13 ပူးပေါင်းရင်းမြစ်များ

Deuteronomio 28:36

“Li Qaawa' tatxk'am laa'at ut laa'awab'ej sa' jun li tenamit b'arwi' laa'at chi moko laana' laayuwa' nanawok re, ut aran tatk'anjelaq chiruheb' jalanil yos, yiib'anb'ileb' rik'in che' ut pek.

Jeremías 15:14

Tatinkanab' cho'q xmuneb' li xik' neke'ilok aawe sa' jun tenamit li ink'a' aanawom ru, xb'aan naq k'ajo' injosq'il xchalk sa' aab'een, chanchan junaq xam li tixsach aawu chi junwaakaj”, chan li Qaawa'.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

2 Crónicas 7:20

relik chi yaal naq texwisi sa' li ch'och' xink'e eere, twisi sa' xnaq' wu li ochoch a'in li xinsantob'resi sa' ink'ab'a', ut taakanaaq cho'q se'leb'aal sa' xyanqeb' chixjunileb' li tenamit.

Jeremías 22:28

Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?

Jeremías 15:4

Tink'eheb' chi xiwak chixjunileb' li tenamit sa' ruuchich'och' xb'aan li maak kixb'aanu aran Jerusalén laj Manasés, ralal laj Esekías, awab'ej re Judá.

Jeremías 14:8

Laa'at li xyo'oon laj Israel, laa'at laj kolol qe sa' li rahilwank: k'a'ut naq nakab'aanu aawib' chi jalan laatenamit sa' li na'ajej a'in? Chanchanat laj numel b'e li nakanaak yal jun q'oqyink ajwi'.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Jeremías 5:19

Ut naq te'xpatz' aawe: «K'a'ut naq li Qaawa' xb'aanu qe chixjunil a'in?», taaye reheb': «Jo' naq laa'ex xekanab' li Qaawa' re k'anjelak chiruheb' li jalanil yos sa' leena'aj, jo'kan ajwi' naq texk'anjelaq chiruheb' laj ab'l poyanam, sa' li na'ajej moko eere ta».

Salmos 81:12

“A'ut lintenamit ink'a' xrab'i xyaab' linkux, eb' laj Israel ink'a' xe'raj ab'ink chiwu.

Deuteronomio 29:28

Li Qaawa' ki'isink chaq reheb' sa' li xna'ajeb' rik'in xnimal xjosq'il ut kixtaqlaheb' sa' jalan chik tenamit, b'arwi' wankeb' anaqwan», cha'qeb'.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 22:26

Tatink'e chi k'ame'k, aawochb'een laana', sa' jun tenamit b'arwi' ink'a' yo'lajenaqex, ut aran texkamq eekab'ichal.

2 Reyes 25:21

Ut a'in kixtaqla xkamsinkileb' aran Riblá, sa' xteepal Jamat. Jo'ka'in naq eb' laj Judá ke'k'ame'k sa' jalanil tenamit, najt rik'in li xtenamiteb'.

Jeremías 10:18

Jo'ka'in naxye li Qaawa': “Anaqwan twaanilasiheb' chi najt li wankeb' sa' li na'ajej a'in; relik chi yaal naq tinrahob'tesiheb' re rilb'al ma tine'xtaw wi' chik”.

Jeremías 16:5

Li Qaawa' kixye wi' chik we: “Mat-ok sa' junaq ochoch b'arwi' yo li yo'lenk kamenaq. Matyaab'ak chirixeb' li kamenaq chi moko taak'ojob' xch'ooleb', xb'aan naq sa' li tenamit a'in xwisi linrahom, lintuqtuukil usilal ut li wuxtaan -chan li Qaawa'-.