Jeremías 15:7 - Q'eqchi Bible

⁷ Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Li Santil hu

⁷ La̱in tinjeqꞌui ruheb laj Judá saꞌ chixjunil li tenamit joꞌ nak nacꞌameꞌ li qꞌuim xban ikꞌ, ut tebincanab chi ma̱cꞌaꞌ chic ralal xcꞌajoleb, ut tinpoꞌ lix tenamit, abanan incꞌaꞌ ajcuiꞌ teꞌxcanab xba̱nunquil li ma̱usilal.

Jeremías 15:7 ပူးပေါင်းရင်းမြစ်များ

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Jeremías 51:2

Tintaqlaheb' li jalan xtenamiteb' re naq eb' laj Babilonia te'chiileeq sa' li iq' ut maajun chik tkanaaq sa' li xna'ajeb'. Xb'aan naq li tenamit taasutmanq rix yalaq b'ar naq taachalq li xnimal rahilal sa' xb'een.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Salmos 1:4

Moko jo'kaneb' ta li ink'a' useb' xna'leb', chanchaneb' b'an li k'im li nak'ame'k xb'aan iq'.

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

Ezequiel 24:25

«At kaamel winq, jultikaq aawe li aatin a'in: taawulaq xkutankil naq tinjuk' li wochoch chiruheb' laj Israel, li kaw wi' xch'ooleb', li neke'saho'k chi rilb'al li xch'ina'usal ut neke'xra chi anchaleb' xch'ool. Tinmaq' ajwi' chiruheb' eb' li ralal xk'ajoleb'.

Deuteronomio 28:41

Te'wanq aawalal ut aarab'in, ab'an moko aawehaqeb' ta, xb'aan naq te'xik chi preexil.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Jeremías 9:21

“Li kamk x'ok sa'eb' li qab'entaan, xwulak toj sa' li qachaq'alil ru ochoch. Xkamsiheb' li kok'al sa'atqeb' li b'e, ut sa'eb' li k'ayiil xe'kamsiik eb' li saaj al.

Deuteronomio 28:32

Eb' laawalal ut eb' laarab'in te'q'axtesiiq re jalan chik tenamit, ut taawil rik'in xnaq' aawu: wulaj wulaj taawaj raj rilb'aleb' wi' chik ru, ab'an maak'a' chik truuq taab'aanu.

Deuteronomio 28:18

Tz'eqtaananb'ilaqeb' ajwi' laawalal aak'ajol ut li ru rawimq laach'och', eb' li ral laawakax ut eb' li ral laakarneer.

Ezequiel 36:12

Tink'e laj Israel lintenamit chi b'eek sa' eeb'een, ex xtzuulul Israel; a'aneb' li te'eechaninq eere ut laa'exaq li reechanihomeb', re naq maajoq'e chik te'wanq chi maak'a'eb' li ralal xk'ajoleb'.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.