Jeremías 15:6 - Q'eqchi Bible

⁶ Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Li Santil hu

⁶ La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Jeremías 15:6 ပူးပေါင်းရင်းမြစ်များ

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

Sofonías 1:4

“Tinrahob'tesiheb' laj Judá ut chixjunileb' li wankeb' Jerusalén. Jo'nimal toj xkanaak re laj Bahal li xyoseb' tinsach ru chi junajwa; a' ajwi' li xk'ab'a'eb' laj k'anjel chiru ut eb' laj tij tinsacheb' ru.

Zacarías 7:11

Ab'an eb' li tenamit ink'a' ke'raj xpaab'ankil, ke'xjipi chik rib'eb' ut ke'xtz'ap xxikeb' re naq ink'a' ke'ab'ink;

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Ezequiel 25:7

Jo'kan naq tintaqsi li wuq' sa' eeb'een cherahob'tesinkil ut texinq'axtesi sa' ruq'eb' li xninqal ru tenamit re naq taa'elq'aaq chixjunil li k'aru eere. Tinsach eeru chi junwaakaj re teenaw naq laa'in li Qaawa'».

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Jeremías 1:16

Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

Oseas 4:16

Laj Israel xq'etq'eti rib' chiru li Qaawa' jo' junaq wakax kaan ru: chan tawi' ru naq taach'oolaniiq xb'aan li Qaawa' jo' junaq ch'ina karneer sa' li chaab'il pach'aya'?

Ezequiel 14:9

“Ut naq junaq propeet taab'alaq'iiq ut tixye junaq aatin sa' ink'ab'a', naraj naxye naq laa'in xink'ehok re chi b'alaq'iik li propeet a'an; tinrahob'tesi ut twisi sa' xyanqeb' lintenamit Israel.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Isaías 28:13

Jo'kan naq li Qaawa' taaraatinaheb' jo' neke'aatinaak eb' li kok'al, jo' tawi' naq yookeb' chi tzolok ilok ru hu. Te'pak'luje'q chirixeb' sa' li xb'eenikeb'; te't'ane'q sa' li ra'al ut q'axal ra te'xk'ul naq te'chape'q.

Isaías 31:3

Eb' laj Ejiipt a'an yal winqeb' ut moko yoseb' ta; ut li xkawaayeb' a'an yal tib'elejeb', moko musiq'ejeb' ta. Naq li Qaawa' tixye' li ruq', taatichk'oq laj tenq'anel ut taat'ane'q li natenq'aak; wotz te'oso'q chi junajwa.

Jeremías 6:12

Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

Jeremías 7:16

“At Jeremías, mattijok chirix li tenamit a'in, mattz'aamank chiwu chi moko chat-elajinq chirixeb'. Maawelaji wu xb'aan naq moko tatwab'i ta.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Ezequiel 35:3

chi jo'ka'in: «Jo'ka'in xye li Qaawa': At tzuul Seír, laa'in xik' nakatwil. Tinye' li wuq' sa' aab'een re aarahob'tesinkil, ut chaqich'och' tatinkanab' wi'.

Jeremías 13:14

Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.