Jeremías 15:4 - Q'eqchi Bible

⁴ Tink'eheb' chi xiwak chixjunileb' li tenamit sa' ruuchich'och' xb'aan li maak kixb'aanu aran Jerusalén laj Manasés, ralal laj Esekías, awab'ej re Judá.

Li Santil hu

⁴ Chixjunileb li tenamit saꞌ ruchichꞌochꞌ ta̱sachk xchꞌo̱leb xban li cꞌaꞌru quixba̱nu aran Jerusalén laj Manasés li ralal laj Ezequías nak quicuan chokꞌ xreyeb laj Judá.

Jeremías 15:4 ပူးပေါင်းရင်းမြစ်များ

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Jeremías 29:18

Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Ezequiel 23:46

Li Qaawa' kixye chi jo'ka'in: “Xch'utub'aqeb' rib' chixjunileb' li poyanam chi xjitb'al lix Oholá ut lix Oholibá, re naq te'xib'esiiq ut taa'elq'aaq li k'aru reheb'.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

2 Reyes 21:2

Ab'an laj Manasés ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Lamentaciones 1:8

Q'axal xmaakob'k li tenamit Jerusalén, jo'kan naq xk'ulub' li tz'eqtaanaak. Jo'k'ihaleb' li xe'k'ehok xloq'al junxil, anaqwan neke'xtz'eqtaana, xb'aan naq xe'ril chi t'ust'u. Jo'kan naq nayaab'ak ut naxmuq rib' xb'aan xxutaan.

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

2 Reyes 21:1

Kab'laju chihab' wank re laj Manasés naq ki'ok chi awab'ejink, ut o'laju roxk'aal chihab' kitaqlank aran Jerusalén. xJefsí-Baj xk'ab'a' li xna'.

2 Crónicas 33:1

Kab'laju chihab' wank re laj Manasés naq ki'ok chi awab'ejink, ut o'laju roxk'aal chihab' kitaqlank aran Jerusalén.

2 Crónicas 33:2

Ab'anan ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

Ezequiel 18:19

Mare laa'ex teeye: «K'a'ut naq li alalb'ej ink'a' naxtoj rix xmaak li xyuwa'?». Ink'a', xb'aan naq a'an xb'aanu li us ut li tiikilal, xpaab' ut xk'anjela ru chixjunileb' linchaq'rab'; jo'kan naq ch'olch'o naq taawanq xyu'am.

2 Reyes 21:15

xb'aan naq ke'xb'aanu li ink'a' nawulak chiwu ut ke'xchiq' injosq'il chalen naq ke'elk chaq Ejiipt eb' li xxe'toonil yuwa'eb' toj anaqwan»”.