Jeremías 15:17 - Q'eqchi Bible

¹⁷ Maajun wa xinwank sa' xyanqeb' li neke'ch'uch'ib'k chi moko sa' xyanqeb' li neke'sub'uk kutan; junelik xinb'eek injunes xb'aan naq laa'at wankat wik'in, ut laajosq'il na'eek'asink re linch'ool.

Li Santil hu

¹⁷ La̱in incꞌaꞌ nacuochbeniheb li nequeꞌhoboc, chi moco nasahoꞌ inchꞌo̱l riqꞌuineb. Chalen nak casicꞌ cuu chokꞌ a̱profeta, la̱in junelic injunes nincuan ut ninjoskꞌoꞌ chirilbal li incꞌaꞌ us.

Jeremías 15:17 ပူးပေါင်းရင်းမြစ်များ

Lamentaciones 3:28

Li winq tento tkanaaq xjunes ut ink'a' taawech'inq, naq rajom li Qaawa' chi jo'kanan.

Salmos 1:1

Us xaq reheb' li ink'a' naxik xch'ooleb' chirix xtakchi' li ink'a' useb' xna'leb', chi moko neke'wank sa' xb'eheb' laj maak, ut ink'a' neke'hilank sa' xch'utameb' li neke'xmajewa li Yos,

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

Salmos 102:7

Chanchanin aj chik li warom sa' li chaqich'och', chanchanin li tanwuj sa' xyanq li po'lem.

Daniel 7:28

“Arin kiraqe'k resil linmatk'. Laa'in laj Daniel k'ajo' naq ki'ok ink'a'uxl ut kichalk inxiw; ab'anan kink'uula sa' inch'ool chixjunil a'in ut maa'ani aj e kinseeraq'i li k'aru kiwil”, chan laj Daniel.

Jeremías 16:8

“Mat-ok sa' junaq ochoch b'arwi' yo li ninq'ehik, maak'ojob' aawib' chi tzekank ut chi uk'ak sa' xyanqeb'.

Jeremías 1:10

Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Zacarías 1:12

Ut li x'ánjel li Qaawa' kixye: “At Nimajwal Yos, ak wank lajeeb' xkaak'aal chihab' yo laajosq'il sa' xb'een Jerusalén ut Judá. Toj jo'q'e taawuxtaana ruheb'?”.