Jeremías 15:10 - Q'eqchi Bible

¹⁰ Q'axal ra wankin, at inna'. Jwal us raj naq ink'a' kinyo'laak, xb'aan naq sa' lintenamit chixjunileb' neke'wech'ok wik'in ut xik' nikine'ril. Maajun wan wi' ink'as chi moko ink'ehom to' tumin, ab'anan chixjunileb' neke'majewank we.

Li Santil hu

¹⁰ Laj Jeremías quixye: —Tokꞌob xak cuu, at innaꞌ. Incꞌaꞌ ta cuan quinyoꞌla xban nak junes pletic nequeꞌraj cuiqꞌuin ut chixjunileb xicꞌ nequeꞌiloc cue. Ma̱cꞌaꞌ incꞌas riqꞌuineb chi moco eb aꞌan cuanqueb xcꞌas cuiqꞌuin. Abanan chixjunileb niquineꞌxmajecua.

Jeremías 15:10 ပူးပေါင်းရင်းမြစ်များ

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

Éxodo 22:25

“Wi taak'e aatumin chi to' re junaq sa' xyanqeb' lintenamit, re junaq neb'a' li wanq aawik'in, maab'aanu li neke'xb'aanu laj k'ehol to'; maatitz' ral li tumin re.

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

San Mateo 24:9

“Toja' naq texq'axtesiiq chi rahob'tesiik, texkamsiiq ut xik' tex'ile'q xb'aaneb' chixjunil li tenamit sa' ink'ab'a'.

San Mateo 5:44

A'ut laa'in ninye eere: Cherahaqeb' li xik' neke'ilok eere ut chextijoq chirixeb' li neke'rahob'tesink eere,

Jeremías 15:20

Laa'in tatinxaqab' chiruheb' a'an jo' jun kumul chi tz'ak li jwal kaw rib', jo' xkawil li q'anch'iich', li maajoq'e taaruuq xjuk'b'al. Te'yaloq aawik'in, ab'an ink'a' te'numtaaq sa' aab'een, xb'aan naq wankin aawik'in chakolb'al ut chatenq'ankil.

Proverbios 26:2

Jo' li tz'unun ink'a' nahilank malaj li wilix naxik'ank chi junelik, jo'kan ajwi' li majewaak naq nachalk chi maak'a' xyaalal.

Salmos 109:28

Xmajewaaqineb' a'an, a'ut laa'at nikinaawosob'tesi. Wi te'xkut rib' sa' inb'een, xutaanal te'kanaaq wi'; ab'an q'axal taasaho'q linch'ool laa'in aj k'anjel chawu.

Salmos 15:5

a' li nak'ehok tumin chi to' ut ink'a' naxpatz' ral, li ink'a' naraj tuminaak re xrahob'tesinkil li maak'a' xmaak. Li nab'aanunk re chixjunil a'in, maajaruj taach'inanq xch'ool chirix li Yos.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

Levítico 25:36

“Mik'a' aamaq' chiru chi moko taapatz' ral li tumin li xak'e re chi to', chaxiwa b'an ru laaYos ut sik' xna'aj laawech tenamitul sa' laawochoch.

Hechos 28:22

Ab'an tqaj aawab'inkil chirix li k'aru nakak'oxla, xb'aan naq naqanaw naq li jek'jookil paab'aal wankat wi' xik' ilb'il yalaq b'ar.

Levítico 25:37

Maapatz' ral li tumin li xak'e re chi to', chi moko taaterq'usi xtz'aq li tzekemq li taak'e re.

Salmos 69:4

Xinlub'k chi xjapb'al we; taaxamo'q xsa' linkux, taa'oso'q xsa' li wu xb'aan royb'eninkil linYos.

Habacuc 1:3

K'a'ut naq nakak'e chiwil li maa'usilal ut li raaxiik' a'in? K'ajo' li rahilal ut li elq'ak! Yalaq b'ar wank li wech'ij ib' ut li yalok.