Jeremías 15:1 - Q'eqchi Bible

¹ Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Li Santil hu

¹ Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Jeremías 15:1 ပူးပေါင်းရင်းမြစ်များ

Ezequiel 14:14

Ut wi sa' li tenamit a'an wanqeb' laj Noé, laj Danel ut laj Job, ka'ajwi' eb' a'an te'kole'q xb'aan li xtiikilaleb' xch'ool -chan li Qaawa'-.

Jeremías 14:11

Li Qaawa' kixye we: “Mattijok chiwu chirix li tenamit a'in.

Jeremías 11:14

Ut laa'at, a Jeremías, mattijok chirixeb' li tenamit a'in. Mattz'aamank chi moko chat-elajink chirixeb', xb'aan naq moko te'wab'i ta naq te'xpatz' xtenq'ankileb' sa' xkutankil li nimla rahilal.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Salmos 99:6

Laj Moisés ut laj Aharón rochb'eeneb' li rech tijul, laj Samuel rochb'eeneb' li neke'patz'ok li xloq'laj k'ab'a' ke'xyaab'a li Qaawa', ut a'an kixsumeheb' chaq.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.

1 Samuel 7:9

Laj Samuel kixchap jun karneer toj natu'uk ut kixyeechi'i chi xjunxaqalil cho'q k'atb'il mayej chiru li Yos, kixyaab'a xk'ab'a' li Qaawa' sa' xb'eeneb' laj Israel, ut li Qaawa' kirab'i li xtij.

Jeremías 52:3

Jo'kan naq li Qaawa' kijosq'o'k rik'ineb' laj Jerusalén ut eb' laj Judá, ut ink'a' chik kiraj rilb'aleb' ru. Laj Sedesías kixq'etq'eti rib' chiru li awab'ej re Babilonia.

Jeremías 23:39

laa'in texintz'eq chirix linch'ool ut texwisi sa' xnaq' wu, laa'ex jo'wi' li tenamit ink'ehom eere ut cho'q reheb' leena' leeyuwa'.

Jeremías 18:20

Ma maa'usilal na'eeqajuuk wi' li usilal? Xb'aan naq yookeb' chi xpikb'al li jul re inmuqb'al. Jultikaq aawe naq xintijok chawu re xtz'aamankil laawuxtaan chirixeb' ut xkolb'aleb' chiru li tojb'amaak.

Jeremías 15:19

Toja' naq li Qaawa' kixye we chi jo'ka'in: “Wi tatsutq'iiq chaq wik'in, laa'in tatink'ul wi' chik ut tat-ok wi' chik chi k'anjelak chiwu. Wi taakanab' xyeeb'al memil aj aatin ut taatikib' xyeeb'al li jwal aajel ru, laa'at li tat-aatinaq sa' ink'ab'a'. A'eb' li poyanam tento te'sutq'iiq aawik'in, moko laa'at ta li tatsutq'iiq rik'ineb'.

Proverbios 14:35

Li awab'ej nasaho'k xch'ool rik'in laj k'anjel seeb' xk'a'uxl; ab'an najosq'o'k rik'in li maak'a' na'ok wi'.

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

Jeremías 35:19

Jo'kan naq laa'in, li Nimajwal Yos, li xYos laj Israel, ninch'olob' cheru naq ink'a' taalajq junaq li ralal xk'ajol laj Jonadab, li ralal laj Rekab, re k'anjelak chiwu», chan li Qaawa'”.

Jueces 5:9

“Ninyoxink chawu, at inYos, linch'ool wank rik'ineb' li xjolomil laj Israel, rik'ineb' li ke'xyeechi'i rib' chi yalok sa' xk'ab'a' lintenamit. Chenima ru li Qaawa', chejunilex!

Génesis 19:27

Eweraq chik kiwakliik toj eq'la laj Abrahán ut koho sa' li na'ajej b'arwi' kiwank chiru li Qaawa'.

Zacarías 3:3

Tiqto laj Josué rik'in tz'ajn aj aq' ut xaqxo chiru li x'ánjel li Qaawa'.

Deuteronomio 9:26

Kin'elajink chiru li Qaawa' ut kinye: «At Qaawa', at qaYos, maasacheb' ru laatenamit, laaweechanihom li kakoleb' chaq rik'in xnimal aawankil ut kawisiheb' chaq Ejiipt rik'in xkawilal laawuq'.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

Jeremías 9:19

Chalen chaq Sión na'ab'iik li rahil ch'oolejil: “Toq'ob' qu, k'ajo' naq yo qarahob'tesinkil! Relik chi yaal naq xookanab'aak sa' xutaan: xoo'isiik sa' li qatenamit ut li qochoch xkanaak chi po'lem”.

Jeremías 10:18

Jo'ka'in naxye li Qaawa': “Anaqwan twaanilasiheb' chi najt li wankeb' sa' li na'ajej a'in; relik chi yaal naq tinrahob'tesiheb' re rilb'al ma tine'xtaw wi' chik”.

Jeremías 16:5

Li Qaawa' kixye wi' chik we: “Mat-ok sa' junaq ochoch b'arwi' yo li yo'lenk kamenaq. Matyaab'ak chirixeb' li kamenaq chi moko taak'ojob' xch'ooleb', xb'aan naq sa' li tenamit a'in xwisi linrahom, lintuqtuukil usilal ut li wuxtaan -chan li Qaawa'-.

Jeremías 16:13

Jo'kan naq texwisi sa' li na'ajej a'in ut texxik sa' jun tenamit li ink'a' eenawom ru chi moko rilomeb' leena' leeyuwa', ut aran texk'anjelaq chiruheb' li jalanil yos, xb'aan naq ink'a' chik nawil xtoq'ob'aal eeru».

Jeremías 22:28

Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?

Ezequiel 22:30

Laa'in xinsik' junaq winq sa' xyanqeb' re raj tixwaklesi wi' chik li xtz'akul li tenamit ut taa'okenq raj chi aatinak wik'in re naq ink'a' tinsach li xna'ajeb', ab'anan maajun xintaw.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.