Jeremías 14:8 - Q'eqchi Bible

⁸ Laa'at li xyo'oon laj Israel, laa'at laj kolol qe sa' li rahilwank: k'a'ut naq nakab'aanu aawib' chi jalan laatenamit sa' li na'ajej a'in? Chanchanat laj numel b'e li nakanaak yal jun q'oqyink ajwi'.

Li Santil hu

⁸ At Ka̱cuaꞌ, la̱at li kayoꞌon la̱o aj Israel. La̱at li nacatcoloc ke chiru li raylal. ¿Cꞌaꞌut nak chanchanat jun li jalan xtenamit? ¿Cꞌaꞌut nak chanchanat jun li yal numecꞌ yo̱?

Jeremías 14:8 ပူးပေါင်းရင်းမြစ်များ

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Jeremías 50:7

Yalaq ani xk'uluk reheb', xt'upiheb', ut eb' li xik' neke'ilok reheb' xe'xye: «Moko maak ta naq te'qasach ruheb', xb'aan naq xe'maakob'k chiru li Qaawa', a'an tz'aqal li xmuheb'aaleb'; xe'maakob'k chiru li royb'enihomeb' li xna' xyuwa'eb'».

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Isaías 45:21

Aatinanqex chi xkolb'al eerib'; wi teeraj, patz'omaq eerib' cherib'il eerib': Ani xk'ehok chi nawe'k a'in chalen chaq sa' xtiklajik? Ani ak xyehom chaq chalen chaq junxil? Ma maawa' tab'i' laa'in li Qaawa'? Maak'a' chik junaq yos chiwu laa'in. Laa'in li Yos tiik inch'ool ut aj kolonelin; maak'a' chik junaq yos chiwu laa'in.

Isaías 43:11

Ka'ajin wi' li Qaawa', ut maak'a' chik junaq aj kolonel chiwu.

1 Timoteo 1:1

Laa'in laj Pablo, x'apóstol li Kristo Jesus, jo' chanru rajom li Yos laj Kolol qe ut li Kristo Jesus li qasahil oyb'enihom,

Hechos 28:20

A'in xyaalal naq xintaqla eeb'oqb'al, re rilb'al eeru ut aatinak eerik'in, xb'aan naq tz'aqal sa' xk'ab'a' li royb'enihom li tenamit Israel b'ak'b'ookin rik'in li kareen a'in.

Isaías 45:15

Relik chi yaal naq laa'at li muqmuukil Yos, laa'at li xYos laj Israel, laj Kolonel.

Salmos 138:7

Naq wankin sa' rahilal, nakak'e inyu'am; nakaye' laawuq' sa' xb'eeneb' li xik' neke'ilok we ut rik'in laanim uq' nikinaakol chiru li xjosq'ileb'.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Salmos 46:1

Re li xjolomileb' laj b'ichanel. Xb'icheb' li ralal xk'ajol laj Koré. Rik'in xolb'.

Salmos 9:9

Naraqok aatin sa' tiikilal sa' xb'een li ruuchich'och', sa' xyaalalil naxb'eresiheb' li tenamit.

Salmos 10:1

At Qaawa', k'a'ut naq nakatkanaak chi najt, k'a'ut naq nakamuq aawib' chiwu sa' xhonalil li rahilal?

Jueces 19:17

Li cheekel winq kixtaqsi li rilob'aal ut kixka'ya laj b'ihaaj li wank sa' xyi li tenamit, ut kixye re: “B'ar xatchalk chaq ut b'ar xik aawe?”, chan.

Salmos 71:5

Xb'aan naq laa'at li woyb'enihom, at Qaawa'; chalen chaq sa' insaajilal kaw linch'ool aawik'in, at inYos.

Isaías 63:8

Li Qaawa' kixye: “Relik chi yaal naq a'aneb' lintenamit, a'aneb' li walal li maajoq'e tine'xb'alaq'i”. Ut A'an kikolok reheb'

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Zacarías 9:12

Sutq'inqex chaq sa' leetenamit, laa'ex li preex li toj wank eeroyb'enihom. Anaqwan ajwi' tinye resil naq ka'sut chik texwosob'tesi xb'aan li rahilal xek'ul.

Salmos 46:2

Li Yos a'an qasaqoonak ut qakawilal, yo'oon wank chi qatenq'ankil sa' xq'ehil li rahilal.

Isaías 33:2

At Qaawa', chawuxtaana taxaq qu, aawik'in yooko chi oyb'enink. Laa'ataq xkawub' qach'ool rajlal eq'la, laa'ataq laj kolol qe sa' xq'ehil li rahilal.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.