Jeremías 14:3 - Q'eqchi Bible

³ Eb' li ninqeb' xwankil neke'xtaqla li xmooseb' chi sik'ok ha'; eb' a'in neke'xik wankeb' wi' li kumb', ut maak'a' li ha'. Neke'sutq'iik chaq chi maak'a' xsa' li xkukeb'; sachsookeb' xch'ool ut tz'aptz'ookeb' li xjolomeb' sa' t'ikr xb'aan xxutaaneb'.

Li Santil hu

³ Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Jeremías 14:3 ပူးပေါင်းရင်းမြစ်များ

2 Samuel 15:30

Laj David kitaqe'k sa' xb'een li tzuul Oliiw, ut tz'aptz'o li xjolom ut maak'a' xxaab' chi roq naq yo chi xik. Jo'kan ajwi' chixjunileb' li poyanam li rochb'een ke'xtz'ap xjolomeb' ut k'ajo' xyaab'eb' naq yookeb' chi taqe'k.

Salmos 40:14

Chakuy taxaq inmaak, at Qaawa', ut chinaakol; seeb'a chaq aawib' chintenq'ankil, at Qaawa'!

2 Reyes 18:31

Meepaab' raatin laj Esekías, xb'aan naq jo'ka'in xye chaq li awab'ej re Asiria: «K'amomaq eerib' sa' usilal wik'in ut q'axtesihomaq eerib' chiwu. Chi jo'kan li junjunq eere sa tixtzeka ru li x'uub' ut li x'iig, ut taaruk' li ha' wank sa' li xkumb'.

Amós 4:8

Eb' li poyanam xkoheb' chi xsik'b'al xha' yalaq b'ar sa'eb' li tenamit, ut ink'a' xkotz li xchaqi'eeleb'. Ab'anan laa'ex ink'a' xexsutq'iik chaq wik'in”, chan li Qaawa'.

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Joel 1:20

A'anatqeb' li k'iche'il xul neke'elajink chawu xb'aan naq xe'chaqik li roqha' ut li xam xchoyok re chixjunil li pim chiru taq'a.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Jeremías 14:4

X'atz'je'k li ch'och' xb'aan naq maak'a' li hab'; jo'kan naq xe'wiib'ank xch'ool eb' laj k'alom ut xe'xtz'ap li xjolomeb'.

Salmos 109:29

Eb' li neke'jitok we che'sachq ta xch'ool ut che'kanaaq sa' xutaan chi junajwa.

Li xHu LAJ JOB 6:20

Ab'an naq ink'a' neke'xtaw, neke'kanaak chi sachsookeb' xch'ool, chi maak'a' chik royb'enihomeb', ut neke'kamk.

Ester 6:12

Chirix chik a'an laj Mardokeo kikanaak wi' chik chire rokeb'aal li rochoch li awab'ej, ut laj Amán koho sa' aanil sa' li rochoch chi nalumnak ut jwal ra sa' xch'ool.

1 Reyes 17:7

Ab'anan moqon chik li nima' ki'ok chi chaqik, xb'aan naq ink'a' chik naxk'e li hab' sa' li tenamit.

2 Samuel 19:4

Li awab'ej kixtz'ap li xnaq' ru ut kixjap re chi yaab'ak: “At walal, Absalón! At walal!”, chan.

Jeremías 2:37

K'ajo'aq ajwi' aaxutaan naq tat-elq chaq Ejiipt, xb'aan naq ink'a' nawulak chiwu li kaw wi' aach'ool, ut ink'a' us tat-elq rik'ineb' a'an”.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Jeremías 15:18

K'a'ut naq ink'a' naraqe'k linrahilal? K'a'ut naq ink'a' chik naru xkotzb'al xrahil li waanm? At Qaawa', ma chanchanat li yal k'oxlanb'il ha' cho'q we, kama'at jun roqha' li nab'alaq'ink we?

Lamentaciones 4:4

Li ru'uj raq' li k'uula'al toj natu'uk naxletz rib' sa' re xb'aan li chaqi'eel. Eb' li kok'al neke'xpatz' xwaheb', ab'an maa'ani nak'ehok reheb'.

Oseas 2:3

Wi ink'a' tixkanab' xb'aanunkil, laa'in tinkanab' sa' xutaan ut chi t'ust'u, jo' naq kiyo'laak; jo' li chaqich'och' tkanaaq ut chi pojtz' ch'och', re naq taakamq xb'aan xmajelal li ha'.

Zacarías 14:17

Wi junaq junkab'al ink'a' taaxik Jerusalén chi xloq'oninkil ru li Awab'ej, li Nimajwal Yos, ink'a' tixk'e li hab' sa' xb'een li rawimqeb'.

Amós 4:7

“Naq oxib' po chik xq'ehil li q'olok, xintz'ap li hab'. Xink'e li hab' sa' jun tenamit, ut sa' li jun chik ink'a' xink'e. Xk'e li hab' sa' jun k'aleb'aal, ut li jun chik xchaqik xb'aan xmajelal li ha'.