Jeremías 14:2 - Q'eqchi Bible

² “Judá yo chi yaab'ak xb'aan xrahil xch'ool; yookeb' li kamk eb' li xtenamit ut neke't'anaxink li poyanam chiru ch'och'. Japjo re Jerusalén xb'aan li rahilal.

Li Santil hu

² Quixye: —Eb laj Judá yo̱queb chi ya̱bac xban li raylal li yo̱queb chixcꞌulbal. Kꞌaxal ra yo̱queb chixcꞌulbal lix tenamiteb. Chunchu̱queb li cristian saꞌ chꞌochꞌ xban xrahil xchꞌo̱leb. Ut eb laj Jerusalén yo̱queb chi ya̱bac xban li raylal li yo̱queb chixcꞌulbal.

Jeremías 14:2 ပူးပေါင်းရင်းမြစ်များ

Isaías 3:26

Junes yaab'ak ut tz'uyink taawanq chireheb' li okeb'aal, ut aajunes aj chik laa'at tatk'ojlaaq sa' li pojtz'.

Jeremías 8:21

Namayok li waanm chirix li xrahilal lintenamit; li xiwak x'eechanink we ut li rahil ch'oolej yo chinkamsinkil.

1 Samuel 5:12

Ut eb' li ink'a' ke'kamk, ra wankeb' xb'aaneb' li saqijoj: toj sa' choxa kiwulak li xyaab'eb' li wankeb' sa' li tenamit Ekrón!

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Joel 2:6

Q'axal neke'siksotk eb' li poyanam chi rilb'aleb', ut chixjunileb' neke'saqo'k xb'aaneb' xxiw.

Joel 1:10

Nakirnak aj chik eb' li k'aleb'aal; rahil ch'oolej rilb'al li ch'och', xb'aan naq x'oso'k li triiw, xe'chaqik li uub' ut xe'tz'umaje'k li oliiw.

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Lamentaciones 5:10

Naxamnak li qatib'el jo' xtiqwal li xam, xb'aan xmay li tz'okaak.

Lamentaciones 2:9

T'anjenaqeb' chik sa' ch'och' eb' li xtz'apb'al ut xnat'b'aleb' rix li okeb'aal: li Qaawa' xjuk'uk ut xjorok reheb'. Li awab'ej ut li xninqaleb' ru winq wankatqeb' chik sa' xyanqeb' li maak'a'eb' xpaab'aal. Maak'a' chik Chaq'rab', ut eb' li propeet maak'a' chik neke'rab'i rik'in li Yos.

Jeremías 18:22

Chi'ab'imanq li japok e sa' rochocheb' naq te'chalq sa' junpaat jun teep chi aj elq' sa' xb'eeneb'. Xb'aan naq xe'xpik li jul re inmuqb'al ut xe'xk'e jun k'aam rub'el woq re inra'lenkil.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Jeremías 4:28

Taaraho'q xch'ool li ruuchich'och' ut li choxa taa'aak'ab'o'q ru. Xin'aatinak, ut ink'a' tinjal ru li aatin xinye; jo'kan xink'uub' xb'aanunkil, ut ink'a' traho'q linch'ool.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Isaías 24:7

Xlajk li b'iin ut xe'chaqik li xtoonal li uub'; k'ajo' xrahil xch'ooleb' li sa xe'wank junxil.

Isaías 24:4

Ra rilb'al li ch'och' naq yo chi chaqik ru, li ruuchich'och' yo chi oso'k ut chi sachk; k'ajo' naq ra sa' xch'ool chixjunil li choxach'och'.

Isaías 15:5

Naraho'k linch'ool chirix Mohab; eb' li wankeb' aran xkoheb' eelel toj Sohar, Eklat-Selisiyá. Naq yookeb' chi taqsink Luhit, k'ajo'eb' li xyaab', neke'ruk' wi' li xya'al ruheb' naq yookeb' chi xik Joronáhin.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Li xHu LAJ JOB 34:28

Li xq'oq eb' li tawasinb'ileb' ut eb' li neb'a' xwulak toj rik'in li Yos sa' choxa.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

Éxodo 2:24

Kirab'i li Yos li xyaab'eb' ut kinaqk sa' xch'ool li sumwank kixk'ojob' rik'in laj Abrahán, laj Isahak ut laj Jakob.

Salmos 144:14

Kawaqeb' ta rib' li qaketomq, maak'a'aq ta chik xhopoxil ut xpahalal li qatenamit, chi moko chiwanq japok e sa' li qak'ayiil.

Isaías 24:11

Neke'yaab'ak li poyanam sa'atqeb' li b'e xb'aan xmajelal li b'iin; x'oso'k chixjunil li sahil ch'oolej ut xraqe'k li sahil wank sa' ruuchich'och'.

Jeremías 12:11

Nayamnak ut nakirnak xe'xkanab' chi q'axal toq'ob'aal ru; po'lem xkanaak chixjunil, ab'an maajun naraho'k b'ayaq xch'ool chirix.

Jeremías 46:12

Eb' li xninqal ru tenamit neke'xnaw chik naq xsache'k laawankil, ut chixjunileb' xe'rab'i naq jap aawe chi yaab'ak; jun aj puub' naxpik'a rib' rik'in li jun chik ut chi xkab'ichaleb' neke't'ane'k chiru ch'och'”.

Lamentaciones 2:8

Li Qaawa' xraj xjuk'b'al li xsuttz'akil Sión, li xchaq'alil ru tenamit. Xraq aatin sa' xb'een ut xk'e xch'ool chi sachok, toj reetal xe'hame'k chixjunileb' li xtz'ak ut eb' li xkuut li tenamit, ut nakirnak xe'kanaak.

Hageo 1:11

Laa'in xintaqlank re li saq'ehil sa' ruuchich'och': sa' xb'eeneb' li k'iche', sa' xb'een li triiw, sa' xb'een li uub' ut li oliiw, sa' xb'eeneb' li rawimq li ch'och', sa' xb'eeneb' li poyanam, eb' li xul ut chixjunil li k'anjel na'uxmank”.

Joel 1:11

Chimayoq eech'ool, ex aj awinel, yaab'anqex laa'ex li nekex'awok uub', xb'aan naq maak'a' chik li triiw ut li seb'aad, x'oso'k chixjunil li awimq sa'eb' li k'aleb'aal.

Joel 1:14

Ch'utub'omaq li tenamit ut yehomaq resil li ayuunik. Ch'utub'omaqeb' li cheekel winq ut chixjunileb' li poyanam sa' rochoch li Qaawa' leeYos, ut chextijoq chex'elajinq chiru li Qaawa'.