Jeremías 14:19 - Q'eqchi Bible

¹⁹ At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Li Santil hu

¹⁹ Laj Jeremías quixye: —At Ka̱cuaꞌ, ¿ma xatzꞌekta̱naheb li ralal xcꞌajol laj Judá chi junaj cua? ¿Ma xicꞌ nacacuileb li cuanqueb Sión? ¿Cꞌaꞌut nak xatakla li raylal aꞌin saꞌ kabe̱n li ma̱cꞌaꞌ xbanol? La̱o xkoybeni li tuktu̱quil usilal, abanan incꞌaꞌ xkacꞌul. Xkoybeni nak toqꞌuira̱k, abanan xiu xiu chic cuanco.

Jeremías 14:19 ပူးပေါင်းရင်းမြစ်များ

Lamentaciones 5:22

Malaj ut xoohaatz'eqtaana chi junajwa? Ma junelik yooq xnimal laajosq'il sa' qab'een?

Jeremías 8:15

Xqoyb'eni wank sa' tuqtuukilal, ut maajun usilal xqataw. Xqayo'oni li kawilal, ut a' li xiwak xchalk sa' qab'een.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Jeremías 6:30

“Tz'eqtaananb'il plaat” te'xk'ab'a'in xb'aan naq li Qaawa' xtz'eqtaanank reheb'.

Jeremías 30:13

Maajun natenq'ank aawe; laatiq'ilal moko taak'iraaq ta, maajun natawok xb'anol laarahilal.

Jeremías 15:18

K'a'ut naq ink'a' naraqe'k linrahilal? K'a'ut naq ink'a' chik naru xkotzb'al xrahil li waanm? At Qaawa', ma chanchanat li yal k'oxlanb'il ha' cho'q we, kama'at jun roqha' li nab'alaq'ink we?

Jeremías 12:8

Xb'aan naq lintenamit li jwal ninra xik' xinril jo' jun li kaqkoj sa' li k'iche'. Xe'xjap reheb' sa' inb'een; jo'kan naq xeb'intz'eqtaana.

Salmos 78:59

Naq li Yos kirab'i a'an, k'ajo' naq kijosq'o'k, ut kixtz'eqtaana laj Israel chi junajwa;

Li xHu LAJ JOB 30:26

Xwoyb'eni li sahilal, ut xchalk li rahilal; xinyo'oni li kutan saqenk, ut xchalk li aak'ab'.

Lamentaciones 4:17

Xqayo'oni qatenq'ankil toj reetal ink'a' chik xqakuy. Xqoyb'eni jun tenamit chi qakolb'al, ab'an ink'a' xk'ulunk.

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Salmos 89:38

kama'aq li po chi junelik, li nakanaak chi paab'ajel eetalil sa' choxa”.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

Jeremías 12:7

“Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Miqueas 1:12

Relik chi yaal naq jwal ra wankeb' laj Marot ut neke'royb'eni naq sa raj te'wanq, xb'aan naq li rahilal wank chik sa' xb'een Jerusalén: a' li Qaawa' xb'aanunk re.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Jeremías 30:12

Li Qaawa' kixye ajwi' chi jo'ka'in: “Laarahilal maak'a' chik xb'anol ut maak'a' chik xja'lenkil.

Jeremías 51:5

Xb'aan naq chixjunileb' laj Israel ut eb' laj Judá k'ajo' li xmaakeb' chiwu laa'in; xe'xnujob'resi li tenamit rik'in li xmaa'usilaleb', ab'an ink'a' xe'kanab'aak xjuneseb' inb'aan laa'in li Qaawa', li Nimajwal Yos, li xSant laj Israel.

Lamentaciones 2:22

At Qaawa', yalaq b'ar xab'oqeb' chaq li rahilal, xe'chalje'k li ch'a'ajkilal chanchaneb' li b'oqb'ileb' chaq sa' junaq ninq'e. Sa' xkutankil li xjosq'il li Qaawa' maajun x'elelik chi moko xkole'k li xyu'am: eb' li xink'iiresiheb' ut li xinch'oolaniheb' xe'kamsije'k xb'aaneb' li xik' neke'ilok we.