Jeremías 14:15 - Q'eqchi Bible

¹⁵ Jo'kan naq laa'in, li Qaawa', ninye chi jo'ka'in chirixeb' li propeet a'an li neke'aatinak sa' ink'ab'a' us ta ink'a' xintaqlaheb', ut neke'xye naq ink'a' taawanq li raaxiik' chi moko li we'ej sa' li tenamit a'in: Eb' li propeet a'an te'kamq xb'aan li raaxiik' ut li we'ej.

Li Santil hu

¹⁵ La̱in li Ka̱cuaꞌ ninyehoc re aꞌin chirixeb li profetas li yo̱queb chi a̱tinac saꞌ incꞌabaꞌ la̱in. La̱in incꞌaꞌ xintaklaheb, abanan yo̱queb chixyebal nak incꞌaꞌ ta̱cua̱nk li ple̱t chi moco ta̱cua̱nk li cueꞌej. La̱in ninye nak eb li profeta aꞌin teꞌca̱mk saꞌ li ple̱t ut xban cueꞌej.

Jeremías 14:15 ပူးပေါင်းရင်းမြစ်များ

Ezequiel 14:10

Chi xkab'ichaleb' te'xtoj xmaakeb'; ut li xmaak li propeet juntaq'eetaq rik'in li xmaak li xpatz'ok rik'in.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Amós 7:17

A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

Jeremías 20:6

Ut laa'at, a Pasjur, tatchape'q aawochb'een laajunkab'al ut texk'ame'q Babilonia. Aran toxatkamq ut tatmuqe'q aawochb'eeneb' laawamiiw li xab'alaq'iheb' rik'ineb' laawaatin»”.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

1 Reyes 22:25

Kichaq'ok laj Mikeas: “Taawil rik'in laawu sa' li kutan naq yooqat chi xmuqlenkil aawib' sa'atqeb' li ochoch”, chan.

Jeremías 23:30

“Jo'kan naq laa'in tink'eheb' chi xtojb'al xmaakeb' li propeet a'an li neke'relq'a li waatin chirib'ileb' rib' -chan li Qaawa'-.

Jeremías 27:15

Moko laa'in ta xintaqlank reheb' -chan li Qaawa'-, ut yookeb' chi roksinkil link'ab'a' chi yal tik'ti'. Mare anchal texwisi sa' leena'aj, ut texkamq laa'ex jo'wi' eb' li propeet xe'b'alaq'ink eere”.

Lamentaciones 1:19

Xinb'oqeb' li xe'rahink wu, ab'an chixjunileb' xine'xkanab' injunes. Eb' laj tij ut eb' laj k'amol b'e chiwu xe'kamje'k sa' li tenamit, naq yookeb' xsik'b'al xtzekemqeb' re naq ink'a' te'kamq.

Lamentaciones 2:20

Il, at Qaawa', ut k'e reetal: ani xarahob'tesi jun sutaq chi jo'ka'in? Eb' li na'b'ej okeb' re chi xtiwb'al li xk'uula'aleb'; eb' laj tij jo'wi' eb' li propeet kamkeb' re sa' laaloq'laj ochoch.

Ezequiel 13:14

Ut tinjuk' li tz'ak xeletz rik'in chun; tintuub' chiru ch'och', ut li rub'elankil tkanaaq chi kutankil. Yaal naq taat'ane'q li tz'ak ut laa'ex texkamq chi rub'el. Aran teenaw naq laa'in li Qaawa'.

Ezequiel 14:9

“Ut naq junaq propeet taab'alaq'iiq ut tixye junaq aatin sa' ink'ab'a', naraj naxye naq laa'in xink'ehok re chi b'alaq'iik li propeet a'an; tinrahob'tesi ut twisi sa' xyanqeb' lintenamit Israel.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Deuteronomio 18:20

Ab'an wi li propeet taa'aatinaq sa' ink'ab'a' chi ink'a' xinye laa'in, malaj taa'aatinaq sa' xk'ab'a'eb' li jalanil yos, li propeet a'an taakamq», chan li Qaawa'.

Jeremías 8:13

“Twaj raj xxokb'al lintenamit jo' na'uxk re li triiw -chan li Qaawa' Yos-; ab'an chanchaneb' li xtoonal li uub' ut li iig li ink'a' na'uuchink ut chaqi eb' li xxaq. Jo'kan naq tinq'axtesi lintenamit reheb' laj numel b'e”.

Ezequiel 13:9

Tintaqsi li wuq' sa' xb'eeneb' li propeet li neke'ilok b'alaq'il moy u ut neke'yehok tik'ti'. Eb' a'an moko te'okenq ta chi k'uub'ank sa' xyanqeb' lintenamit chi moko tz'iib'anb'ilaq li xk'ab'a'eb' sa' xhuhul eb' laj Israel. Ink'a' te'ok sa' xteepal Israel. Toj aran te'xnaw naq laa'in li Qaawa'».

Ezequiel 13:15

Naq akaq xwisi linjosq'il sa' xb'een li tz'ak ut sa' xb'eeneb' li xe'yiib'ank re, te'xye eb' li poyanam: «Maak'a' chik li tz'ak, chi moko eb' li xe'yiib'ank re.

Ezequiel 33:6

Ab'an wi laj k'aak'alenel xrileb' chi wulak eb' li xik' neke'ilok reheb' ut ink'a' xyaab'asi li pur re naq te'xkol rib'eb' li poyanam, te'ok eb' li xik' neke'ilok ut te'xkamsi junaq poyanam, a'an taakamq sa' li xmaak, ab'an a' laj k'aak'alenel wank xmaak naq xkamk li winq a'an».