Jeremías 14:13 - Q'eqchi Bible

¹³ Ut laa'in kinye: “At Qaawa' Yos, k'e reetal naq eb' li propeet yookeb' chi xyeeb'al reheb' li tenamit: «Ink'a' teeril yalok chi moko we'ej, tink'e b'an tuqtuukil usilal chi junajwa sa' li tenamit a'in», chankeb'”.

Li Santil hu

¹³ Ut laj Jeremías quixye: —At nimajcual Dios, la̱at nacanau nak eb li profetas yo̱queb chixyebal reheb li tenamit nak incꞌaꞌ ta̱cua̱nk li ple̱t chi moco ta̱cua̱nk li cueꞌej. Yo̱queb chixyebal nak ta̱qꞌue reheb li tuktu̱quil usilal, chan.

Jeremías 14:13 ပူးပေါင်းရင်းမြစ်များ

Jeremías 6:14

Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Jeremías 23:17

Neke'xye reheb' li neke'majewank we: «Li Qaawa' xye naq wanqex sa' tuqtuukil usilal». Ut reheb' li neke'xb'aanu li naraj li xjipileb': «Maajun rahilal taachalq sa' eeb'een», chankeb'”.

Jeremías 4:10

Ut laa'in kinye: “At Qaawa', k'ajo' naq xab'alaq'iheb' laj Jerusalén rik'in xyeeb'al naq te'wanq sa' tuqtuukilal, ut anaqwan a' chik li kamk xteneb'aak sa' xb'eeneb'!”.

Jeremías 8:11

Yal neke'xkotz b'ayaq li xrahilaleb' lintenamit rik'in xyeeb'al: Wank li tuqtuukilal; ab'anan maak'a' li tuqtuukilal.

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Jeremías 5:12

Ke'xyehatq naq maak'a' li Yos: “Maak'a' xwankil li Yos; maajun rahilal tqak'ul. Ink'a' taawanq raaxiik' chi moko we'ej.

Jeremías 1:6

Ut laa'in kinye: “Toq'ob' wu, at Qaawa', toj saajin chi us ut ink'a' ninnaw aatinak”.

Isaías 56:10

Xb'aan naq mutz'eb' li neke'k'aak'alenk re lintenamit, ut maak'a' neke'xk'e reetal. Chixjunileb' chanchaneb' li tz'i' ink'a' nawoob'ak; neke'xnumsi li kutan chi hilank ut chi matk'ek, q'axal nawulak chiruheb' li wark.

Jeremías 5:13

Eb' li propeet yal chanchaneb' li iq', xb'aan naq maak'a' li raatin li Qaawa' rik'ineb'. Chiq'apliiq ta sa' xb'eeneb' li k'aru neke'xye”, chankeb'. Jo'kan naq li Nimajwal Yos kixye we chi jo'ka'in: “Xb'aan naq xe'xye chi jo'kan, laa'in tink'e li waatin chi xtz'uumal aawe jo'kaq li xam; ut li tenamit a'in chanchanaqeb' li si' naq te'oso'q xb'aan li raq'xam”.

Ezequiel 12:24

Sa' xyanqeb' laj Israel ink'a' chik taa'ilmanq moy u chi maak'a' rajb'al, chi moko taa'uxq ta chik xyeeb'al li tik'ti' sa' li q'ehink.

Jeremías 20:6

Ut laa'at, a Pasjur, tatchape'q aawochb'een laajunkab'al ut texk'ame'q Babilonia. Aran toxatkamq ut tatmuqe'q aawochb'eeneb' laawamiiw li xab'alaq'iheb' rik'ineb' laawaatin»”.

Jeremías 37:19

B'ar xkoheb' leepropeet li xe'yehok naq li awab'ej re Babilonia ink'a' tolyaloq eerik'in chi moko taareechani li tenamit a'in?