Jeremías 14:12 - Q'eqchi Bible

¹² Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Li Santil hu

¹² Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Jeremías 14:12 ပူးပေါင်းရင်းမြစ်များ

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Proverbios 1:28

“Toja' naq tineeb'oq, ab'anan laa'in ink'a' tinchaq'oq; tineesik', ab'anan ink'a' tineetaw.

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Miqueas 3:4

Jo'kan wi teeyaab'a xk'ab'a' li Qaawa', A'an ink'a' texxsume chaq. Chiruheb' li kutan a'an tixmuq rib' cheru xb'aan li maa'usilal xeb'aanu”.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Jeremías 24:10

Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.

Isaías 58:3

Ut neke'xye we: «K'a' aj e naq nokoo'ayuunik? Chi moko yookat rilb'al. Maak'a' na'ok wi' naq naqakub'si qawankil, wi ink'a' nakak'e sa' laach'ool», chankeb'. K'ehomaq reetal: naq nekex'ayuunik, laa'ex nekeb'aanu li k'aru nekeraj ut nekerahob'tesi chixjunileb' laj to' k'anjel.

Proverbios 28:9

Li ink'a' naxpaab' xchaq'rab' li Qaawa', ink'a' ajwi' nak'ule'k li xtij xb'aan li Yos.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Li xHu LAJ JOB 27:9

Ma taa'ab'iiq tab'i' li xtij xb'aan li Qaawa' naq taachalq li rahilal sa' xb'een?

Jeremías 8:13

“Twaj raj xxokb'al lintenamit jo' na'uxk re li triiw -chan li Qaawa' Yos-; ab'an chanchaneb' li xtoonal li uub' ut li iig li ink'a' na'uuchink ut chaqi eb' li xxaq. Jo'kan naq tinq'axtesi lintenamit reheb' laj numel b'e”.

Jeremías 21:6

Tinkamsiheb' chixjunileb' li wankeb' sa' li tenamit a'in; eb' li poyanam ut eb' li xul te'kamq xb'aan jun li xiwajel raxkamk.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Ezequiel 14:19

“Ut wi tintaqla chaq li yajel sa' li tenamit a'an ut, xb'aan xnimal injosq'il, tink'eheb' chi kamk eb' li winq ut eb' li xul,

Oseas 5:6

Rochb'eeneb' li xkarneer ut li xwakaxeb' te'xsik' li Qaawa', ab'anan maab'ar te'xtaw xb'aan naq xrisi rib' sa' xyanqeb'.

Amós 5:21

“Xik' nawil ut nintz'eqtaana leeninq'e, ut ink'a' naxk'ojob' inch'ool naq nekech'utub' eerib' sa' ink'ab'a'.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Malaquías 2:13

Ab'anan toj wank chik xkomon li nekeb'aanu: nekexyaab'ak sa' xb'een li x'artal li Yos ut neket'aqresi rik'in li xya'al leeru, nekexq'oqonk ut nekejiq' eech'ool, xb'aan naq li Qaawa' ink'a' chik naxk'ul leemayej chi sa sa' xch'ool.

Jeremías 11:14

Ut laa'at, a Jeremías, mattijok chirixeb' li tenamit a'in. Mattz'aamank chi moko chat-elajink chirixeb', xb'aan naq moko te'wab'i ta naq te'xpatz' xtenq'ankileb' sa' xkutankil li nimla rahilal.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.